નેશનલ / મોંઘું થવાનું છે પેટ્રોલ, આરબીઆઈએ પણ આપી ચેતવણી, લેવાયા 3 મોટા નિર્ણય

Petrol Diesel Rate: પેટ્રોલ અને ડીઝલના ભાવ વધારાની આશંકાને લઇ દેશવાસીઓ ચિંતિત છે. પેટ્રોલિયમ મંત્રી હરદીપ સિંહ પુરીએ મંગળવારે જણાવ્યું હતું કે પેટ્રોલિયમ કંપનીઓ પેટ્રોલ, ડીઝલ અને એલપીજી કિંમત કરતાં ઓછી કિંમતે કેટલા સમય સુધી વેચી શકે છે તે નક્કી કરવા માટે એક મૂલ્યાંકનની જરૂર પડશે. જોકે તેમણે ભાવ વધારાની શક્યતા અંગે કંઇ પણ કહેવાનો ઇનકાર કર્યો હતો.

પેટ્રોલ અને ડીઝલના ભાવ વધારાની આશંકાને લઇ દેશવાસીઓ ચિંતિત છે. જોકે સરકારે હજુ સુધી આવી કોઈ જાહેરાત કરી નથી. દરમિયાન માત્ર બે દિવસમાં ત્રણ મોટા નિર્ણયો જાહેર કરવામાં આવ્યા છે. જેમાં સોનાની આયાત ડ્યુટી અને ખાંડ નિકાસ પર પ્રતિબંધનો સમાવેશ થાય છે. દરમિયાન રિઝર્વ બેંક ઓફ ઇન્ડિયાના ગવર્નરે પણ ભાવ વધારા અંગે ચિંતા વ્યક્ત કરી છે. નોંધનીય છે કે વડા પ્રધાન નરેન્દ્ર મોદીએ પહેલાથી જ ડબલ્યુએફએચ એટલે કે વર્ક ફ્રોમ હોમ અને ઓનલાઈન વર્ગો ચલાવવા માટે અપીલ કરી છે.

મંગળવારે પેટ્રોલિયમ મંત્રી હરદીપ સિંહ પુરીએ કહ્યું હતું કે પેટ્રોલિયમ કંપનીઓ પેટ્રોલ, ડીઝલ અને એલપીજી કિંમત કરતાં ઓછી કિંમતે કેટલા સમય સુધી વેચી શકે છે તે નક્કી કરવા માટે એક મૂલ્યાંકનની જરૂર પડશે. જોકે તેમણે ભાવ વધારાની કોઈપણ શક્યતા અંગે કંઇ પણ કહેવાનો ઇનકાર કર્યો હતો. તેમણે જણાવ્યું હતું કે ભારતમાં હાલમાં લગભગ 60 દિવસનો ક્રૂડ ઓઇલનો ભંડાર, 60 દિવસનો એલએનજીનો ભંડાર અને 45 દિવસનો એલપીજીનો ભંડાર છે.

RBI ગવર્નર શું કહે છે

ગવર્નર સંજય મલ્હોત્રાએ મંગળવારે સ્વિટ્ઝર્લૅન્ડમાં કહ્યું હતું કે જો પશ્ચિમ એશિયા કટોકટી લાંબા સમય સુધી ચાલુ રહેશે, તો સરકારે પેટ્રોલ અને ડીઝલના ભાવમાં વધારો કરવો પડી શકે છે. તેમણે જણાવ્યું હતું કે ભારત ઊર્જા અને ખાતરની આયાત પર ભારે નિર્ભર છે અને હાલના વિક્ષેપો પહેલાથી જ અસર કરી રહ્યા છે.

પશ્ચિમ એશિયા સંઘર્ષ છતાં સરકારે પેટ્રોલ અને ડીઝલના છૂટક ભાવમાં વધારો કર્યો નથી. હકીકતમાં અમેરિકા અને ઈરાન વચ્ચે ચાલી રહેલા યુદ્ધથી હોર્મુઝ સ્ટ્રેટ સૌથી વધુ પ્રભાવિત થયો છે, જેના કારણે શિપિંગ ટ્રાફિક ધીમો અથવા બંધ થઈ ગયો છે.

સોનાના ભાવમાં વધારો

બુધવારે સોના અને ચાંદી પર આયાત જકાત વધારીને 15 ટકા કરવામાં આવી હતી. ભારત કિંમતી ધાતુઓનો બીજો સૌથી મોટો ગ્રાહક દેશ છે. ભારતની આયાતમાં ક્રૂડ ઓઇલ પછી સોનું બીજા ક્રમે આવે છે, અને ખરીદીમાં વધારો થવાને કારણે વિદેશી વિનિમય વપરાશમાં વધારો થયો છે, જેના કારણે રૂપિયો રેકોર્ડ નીચા સ્તરે પહોંચી ગયો છે.

સોના અને ચાંદી પરની આયાત જકાત 6 ટકાથી વધારીને 15 ટકા કરવામાં આવી છે, જ્યારે પ્લેટિનમ પરની આયાત જકાત 6.4 ટકાથી વધારીને 15.4 ટકા કરવામાં આવી છે. આ 13 મેથી અમલમાં ગણાશે. સોના/ચાંદીના બાર, સિક્કા અને અન્ય વસ્તુઓ પર પણ કરમાં ફેરફાર કરવામાં આવ્યા છે.

આ પણ વાંચોઃ આફત / UPમાં આંધી તોફાન આવતાં 94 લોકોના મોત, ટીનશેડ સાથે હવામાં 50 ફૂટ ઉડ્યો યુવક, નીચે પડતાં તૂટ્યા હાથ-પગ

અમુલ દૂધના ભાવમાં વધારો

બુધવારે અમુલે ઉત્પાદન ખર્ચમાં વધારો થવાને કારણે સમગ્ર ભારતમાં દૂધના લિટર દીઠ 2 રૂપિયાનો વધારો જાહેર કર્યો હતો. નવા દર આજે ગુરુવાર, 14 મેના અમલમાં આવ્યા હતા.

ખાંડ નિકાસ પર પ્રતિબંધ

દેશે 30 સપ્ટેમ્બર સુધી તાત્કાલિક અસરથી ખાંડની નિકાસ પર પ્રતિબંધ મૂક્યો છે. સ્થાનિક ઉપલબ્ધતા વધારવા અને ભાવ નિયંત્રણ માટે આ પગલું લેવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ