બેંગ્લુરુ / 'મમ્મી સેક્સની ટ્રેનિંગ આપે છે, કહે છે લગ્ન પછી કામ લાગશે', 9મા ધોરણની છોકરીનો સનસનીખેજ આરોપ

જવાન થઈ રહેલા બાળકોને સેક્સ ટ્રેનિંગ આપવી સારી કે ખોટી? સદીઓ જુનો સવાલ ફરી ચર્ચામાં આવ્યો છે. નૈતિક રીતે ખોટું ગણાતું હશે પરંતુ વૈજ્ઞાનિક રીતે બાળકોને સેક્સથી વાકેફ કરવા અત્યંત જરુરી છે.

બેંગ્લુરુમાં શું બન્યું

કર્ણાટકની રાજધાની બેંગ્લુરુમાં એક હેરાનીભર્યો મામલો સામે આવ્યો છે. બેંગ્લુરુમાં 9મા ધોરણમાં ભણતી એક છોકરીએ એવો આરોપ લગાવ્યો છે કે તેની માતા તેને સેક્સની ટ્રેનિંગ આપી રહી છે અને તેનું યૌન શૌષણ કરી રહી છે. માતા કહી રહી છે કે તેની આ ટ્રેનિંગ તેને કામ લાગશે અને લગ્ન પછી પતિ સાથે સંબંધ બાંધવામાં કામ લાગશે. ઉત્તર બેંગલુરુમાં એક ખાનગી શાળામાં ભણતી છોકરી તેની 45 વર્ષીય માતા અને એક મોટી બહેન સાથે રહે છે, જ્યારે પિતા માતા સાથે મતભેદોને કારણે અલગ રહે છે.

એક વર્ષથી અત્યાચાર ચાલી રહ્યો છે

છોકરીએ ફરિયાદ કરી છે કે તેની પર એક વર્ષથી અત્યાચાર ચાલી રહ્યો છે. તેણે કહ્યું કે તેણે માતાને આવું ન કરવાની વિનંતી કરી હતી તેમ છતાં પણ તેણે આવું કરવાનું ચાલ્યું રાખ્યું હતું. તેની માતા એક ખાનગી કંપનીમાં કામ કરે છે.

આરોપ પર માતા શું બોલી

પોલીસે માતાની અટકાયત કરી હતી અને પૂછપરછ કરી હતી જેમાં તેણીએ આરોપોને નકારી કાઢ્યા હતા, અને દાવો કર્યો હતો કે તેણીએ ભૂતકાળમાં તેની પુત્રીને માર માર્યો હતો અને ઠપકો આપ્યો હતો, પરંતુ ક્યારેય તેણીને જાતીય સતામણી કે હુમલો કર્યો નથી.

ખુલાસો કેવી રીતે થયો

કથિત જાતીય સતામણીની આ ચોંકાવનારી ઘટના ત્યારે પ્રકાશમાં આવી જ્યારે પીડિતા જ્યાં અભ્યાસ કરે છે તે શાળામાં વારંવાર જતી એક મહિલા કાઉન્સેલરે આ ચોંકાવનારો ખુલાસો કર્યો. આ અઠવાડિયાની શરૂઆતમાં તેની શાળામાં વાતચીત દરમિયાન છોકરીએ તેની સાથે બની રહેલી આ દુર્દશા વિશે વાત કરી હતી. ત્યારબાદ કાઉન્સેલરે શનિવારે પોલીસનો સંપર્ક કર્યો અને ફરિયાદ નોંધાવી, જેના પગલે પોક્સો એક્ટ હેઠળ કેસ નોંધવામાં આવ્યો.

વધુ વાંચો : પાર્કિંગમાં કપલે કર્યું હેરાનીભર્યું, પછી તરત ફ્લેટમાં જઈને આપઘાત કર્યો, પિતાની વાતથી મચી સનસનાટી

કોણ સાચુ છોકરી કે માતા

છોકરીએ માતા પર સેક્સની ટ્રેનિંગનો આરોપ લગાવ્યો છે પરંતુ માતાએ તે નકારી કાઢ્યો છે. હવે પોલીસ તપાસ કરી રહી છે કે આમાં સાચુ કોણ? જોકે પોલીસને છોકરીની વાત સાચી હોવાનું લાગી રહ્યું છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ