અયોધ્યા / રામ મંદિરના અન્ય 14 મંદિર માટે પૂજારીઓની મોટા પાયે ભરતી બહાર પડી, આ રીતે કરાશે પસંદગી

Ayodhya Ram Temple: અયોધ્યા રામ નગરી શ્રી રામ જન્મભૂમિ સંકુલમાં બનેલા 14 નવા મંદિરોમાં દેવતાઓની પ્રાણ-પ્રતિષ્ઠા બાદ હવે દૈનિક શણગાર, પૂજા અને થાળ અર્પણ માટે પુજારીઓની નિમણૂક કરવામાં આવશે. આ માટે ટ્રસ્ટે તાલીમ પ્રક્રિયા શરૂ કરી છે અને રસ ધરાવતા ઉમેદવારો પાસેથી અરજીઓ મંગાવી છે.

શ્રી રામ જન્મભૂમિ સંકુલમાં બનેલા 14 નવા મંદિરોમાં દેવતાઓની પ્રાણ-પ્રતિષ્ઠા બાદ હવે દૈનિક શણગાર, પૂજા અને ભોગ અર્પણ માટે પુજારીઓની નિમણૂકની પ્રક્રિયા શરૂ થઈ ગઈ છે. શ્રી રામ જન્મભૂમિ તીર્થ ક્ષેત્ર ટ્રસ્ટે આ માટે સત્તાવાર વેબસાઇટ જારી કરી છે, જ્યાં રસ ધરાવતા ઉમેદવારો અરજી કરી શકે છે. જોકે, અયોધ્યામાં રહેતા અરજદારોને પ્રાધાન્ય આપવામાં આવશે.

ટ્રસ્ટે સ્પષ્ટ કર્યું છે કે દેશભરના રસ ધરાવતા ઉમેદવારોને પૂજારીઓની નિમણૂકમાં તક મળશે, પરંતુ અયોધ્યા વિસ્તારના યુવાનોને પ્રાધાન્ય આપવામાં આવશે. રસ ધરાવતા ઉમેદવારો 26 જૂનથી 30 જૂન 2025 સુધી શ્રી રામ જન્મભૂમિ તીર્થ ક્ષેત્ર ટ્રસ્ટની સત્તાવાર વેબસાઇટની મુલાકાત લઈને ઓનલાઈન અરજી કરી શકે છે. પસંદ કરાયેલા ઉમેદવારોને શિષ્યવૃત્તિ મળશે

શ્રી રામ જન્મભૂમિ તીર્થ ક્ષેત્ર ટ્રસ્ટે અરજદારો માટે કેટલીક શરતો પણ મૂકી છે, જે ઉમેદવારોએ પૂર્ણ કરવાની રહેશે. ઉમેદવારની ઉંમર 20 થી 30 વર્ષની વચ્ચે હોવી જોઈએ. અરજદાર માટે ગુરુકુળમાંથી ધાર્મિક શિક્ષણ મેળવવું ફરજિયાત છે. પસંદ કરાયેલા પૂજારીઓને તાલીમ દરમિયાન ભોજન, રહેવાની વ્યવસ્થા અને 2000 રૂપિયાની માસિક શિષ્યવૃત્તિ આપવામાં આવશે.

આ પણ વાંચોઃ ધર્મ / VIDEO: દાદાનો સાક્ષાત્કાર! ગુજરાતમાં અહીં વૃક્ષમાં દેખાઈ હનુમાનજીની પ્રતિકૃતિ, ભક્તો ભાવવિભોર

ઉમેદવારોએ 306 પરીક્ષણોમાંથી પસાર થવું પડશે

ઉમેદવારોએ 306 પરીક્ષણોમાંથી પસાર થવું પડશે, જેમાં લેખિત અને મૌખિક પરીક્ષાઓનો સમાવેશ થઈ શકે છે. જે ઉમેદવારો પરીક્ષા પાસ કરશે તેમને જ અંતિમ પસંદગી માટે પસંદ કરવામાં આવશે. પસંદગી પ્રક્રિયાનું નિરીક્ષણ ધાર્મિક સમિતિના અધ્યક્ષ અને શ્રી રામ જન્મભૂમિ તીર્થ ક્ષેત્ર ટ્રસ્ટના ખજાનચી ગોવિંદ દેવગીરીને સોંપવામાં આવ્યું છે.

તમને જણાવી દઈએ કે આ મહિનાની શરૂઆતમાં રામ મંદિરમાં બનેલા શ્રી રામ દરબાર સહિત 14 નવા મંદિરોનું ત્રણ દિવસના ભવ્ય સમારોહ દરમિયાન પ્રાણ પ્રતિષ્ઠા કરવામાં આવી હતી.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ