નેશનલ / "જો મમતા બેનર્જી સત્તામાં આવશે તો બધા હિન્દુઓએ બંગાળ છોડવું પડશે", TMC પર ભડક્યાં મિથુન ચક્રવર્તી

પશ્ચિમ બંગાળ વિધાનસભા ચૂંટણી પહેલા ભાજપના નેતા અને અભિનેતા મિથુન ચક્રવર્તીએ એક મોટું નિવેદન આપ્યું છે. તેમણે કહ્યું કે જો મમતા બેનર્જી સત્તામાં આવશે તો બધા હિન્દુઓએ બંગાળ છોડવું પડશે. તેમણે એમ પણ કહ્યું કે આ વખતે ભાજપની જીત નિશ્ચિત છે.

આઈએએનએસ સાથેના એક ઇંટરવ્યુંમાં મિથુન ચક્રવર્તીએ કહ્યું કે મહાકુંભ મેળા પછી સનાતની જાગૃત થયો છે. "એટલા માટે જ હું જ્યાં પણ જાઉં છું, હું બધાને કહું છું કે ટીએમસી વિરુદ્ધ મતદાન કરો કારણ કે તે ફરીથી સત્તામાં આવશે તો જનતાની સાથે આપણને પણ હાંકી કાઢવામાં આવશે અને પછી અમને ખબર નથી કે અમે ક્યાં જઈશું કારણ કે દરેકનો દેશ છે, પરંતુ વિશ્વમાં હિન્દુઓ માટે ફક્ત આ એક દેશ છે. તમે એવું નથી ઇચ્છતા તો ભાજપને મત આપો."

તેમણે આગળ કહ્યું, "હું તો મુંબઈ જતો રહીશ, પણ બીજા લોકો ક્યાં જશે?" તેમણે એમ પણ કહ્યું હતું કે જો તે ત્યાં ન હોત તો બંગાળી હિન્દુઓને ક્યારના ભગાડી દીધા હોત. હવે જ્યારે લોકો તેમના પોતાના મોઢેથી આવી વાતો સાંભળી રહ્યા છે તો આપણે શું કહી શકીએ?

ભાજપ મુસ્લિમોની વિરુદ્ધ નથી: મિથુન

ભાજપ પર લઘુમતી વિરોધી રાજકારણ રમવાનો આરોપ છે. આ પ્રશ્નના જવાબમાં મિથુન ચક્રવર્તીએ કહ્યું, "હું ફક્ત એટલું જ જાણું છું કે ભાજપ મુસ્લિમોની વિરુદ્ધ નથી કારણ કે હું પાર્ટીને અંદરથી જાણું છું, પરંતુ પાર્ટી એવા મુસ્લિમોની વિરુદ્ધ છે જે દેશને નુકસાન પહોંચાડવા માંગે છે અને તેમાં રહીને પણ નુકસાન પહોંચાડે છે. અમારી પાર્ટી એક રાષ્ટ્રવાદી પાર્ટી છે."

આ પણ વાંચોઃ નેશનલ / પંજાબમાં ભાજપ કાર્યાલયની બહાર વિસ્ફોટ, દૂર દૂર સુધી છુપાયેલા છરા મળી આવ્યા

"ભાજપ જીતે છે, તો તે આપણે શું ખાઈએ છીએ તે પણ નક્કી કરશે?" આ પ્રશ્ન વિશે મિથુને શું કહ્યું?

જ્યારે મમતા બેનર્જીના આરોપ વિશે પૂછવામાં આવ્યું કે જો ભાજપ સત્તામાં આવશે, તો તે લોકો શું ખાય છે તે પણ નક્કી કરશે, ત્યારે મિથુને જવાબ આપ્યો, "ભાજપ 21 રાજ્યોમાં સરકાર ચલાવી રહી છે. શું તેઓ ત્યાં આપણે જે ખોરાક ખાઈએ છીએ તે નક્કી કરશે? લોકો જેમ ઈચ્છે તેમ ખાઈ રહ્યા છે; તેઓ માછલી, ચિકન, બધું જ ખાઈ રહ્યા છે." કેટલીક જગ્યાએ ધાર્મિક કારણોસર ચોક્કસ પ્રકારના માંસ પર પ્રતિબંધ મૂકવામાં આવ્યો છે, ખાસ કરીને એવા વિસ્તારોમાં જે આપણા માટે ખૂબ સંવેદનશીલ છે, પરંતુ અમે તેમના કેટલાક નિર્ણયોનું પણ સન્માન કરીએ છીએ, પરંતુ કેટલાક લોકો આના પર રાજકારણ કરવા માંગે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ