પંજાબ / મોટા ખેલાડીની ગોળી મારીને હત્યા કરાતાં ખેલ જગતમાં સનસનાટી, ધ્રૂજી ઉઠ્યો દેશ, ચારે તરફ ચર્ચા

પંજાબમાં ગુનાખોરી વકરી રહી છે. હવે ગુનાની વધુ એક મોટી ઘટના સામે આવી છે. 23 વર્ષીય કબ્બડી પ્લેયર ગુરિન્દર સિંહની ગોળી મારીને હત્યા કરવામાં આવતાં સનસનાટી મચી હતી. અજાણ્યા હુમલાખોરોએ માનકી ગામમાં બે યુવાનો પર ગોળીબાર કર્યો, જેમાં એકનું મોત થયું અને બીજાને ઈજા થઈ હતી.

મેડિકલ સ્ટોર પાસે થયું ફાયરિંગ

ઘટના સમયે, ગુરવિંદર તેના મિત્રો ધરમવીર અને લવપ્રીત સિંહ સાથે ગામમાં એક મેડિકલ સ્ટોર પાસે એક સમુદાય કાર્યક્રમની તૈયારી કરી રહ્યો હતો. હુમલાખોરો અચાનક દેખાયા અને ચેતવણી આપ્યા વિના ગોળીબાર શરૂ કરી દીધો. માહિતી મળતાં સમરાલા પોલીસ ઘટનાસ્થળે પહોંચી હતી અને તપાસ શરૂ કરી હતી.

31 ઓક્ટોબરના રોજ પણ ખેલાડીની હત્યા

ઉલ્લેખનીય છે કે 31 ઓક્ટોબરના રોજ, લુધિયાણાના જગરાવમાં કબડ્ડી ખેલાડી તેજપાલ સિંહની ગોળી મારીને હત્યા કરવામાં આવી હતી. શુક્રવારે, જગરાવમાં પાંચ કે છ માણસોના જૂથે તેજપાલ સિંહને માર માર્યો અને પછી તેને ધોળા દિવસે ગોળી મારી દીધી. મૃતકના પરિવારે હુમલાખોરોની ધરપકડ ન થાય ત્યાં સુધી તેના અંતિમ સંસ્કાર કરવાનો ઇનકાર કર્યો હતો. તેજપાલની હત્યાના સંબંધમાં પોલીસે રવિવારે બે લોકોની ધરપકડ કરી હતી.

વધુ વાંચો : VIDEO : વૈભવી વૈશ્યાલય! હાઈ-ફાઈ ચેમ્બરમાં રુપાળી છોકરીઓ ગ્રાહકોની 'રાતો રંગીન' કરતી દેખાઈ, વીડિયો વાયરલ

પંજાબમાં વકરી ગુનાખોરી

ઉલ્લેખીય છે કે પંજાબમાં ગુનાખોરી વકરી છે અહીં છાસવારે ગેંગવાર થઈ રહ્યાં છે. તે ઉપરાંત રાજ્યમાં લોરેન્સ બિશ્વોઈની પણ ગેંગ પણ સક્રિય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ