જયપુર / 'હનુમાન ભક્ત છે ટ્રાય તો કર' શાકભાજી વાળાને લાગી 11 કરોડની લોટરી, 1 કરોડ મિત્રની દીકરીઓને આપશે

ભરોસો હોય તો ભગવાન ગમે તે રીતે મદદ કરી દેતો હોય છે. ડૂંગળી-બટાકા વેચી રહેલા એક હનુમાન ભક્તનું નસીબ એવું જોર કરી ગયું કે તેને લાખ બે લાખ નહીં પરંતુ સીધી 11 કરોડની લોટરી લાગી હતી. રાજસ્થાનના જયપુરના અમિત સેહરા નામના એક ફેરિયાને 11 કરોડની લોટરી લાગી હતી.

ટીકિટ ખરીદવાનો વિચાર કેવી રીતે આવ્યો?

જયપુર જિલ્લાના કઠપુતલી ગામના અમિત સેહરા શાકભાજી વેચીને પોતાનું ગુજરાન ચલાવે છે. તે તેના કાકા સાથે મોગા ફરવા આવ્યો હતો. તેઓ ભટિંડામાં ચા પીવા માટે રોકાયા હતા. તેનો મિત્ર મુકેશ પણ તેની સાથે હતો. મુકેશે અમિતને કહ્યું હતું કે તું હનુમાનનો ભક્ત છે એટલે એક લોટરીની ટીકિટ ખરીદી લે, નસીબ હશે તો લોટરી લાગી જશે. અમિતે મુકેશ પાસેથી પૈસા ઉછીના લીધા અને બે ટિકિટ ખરીદી. તેણે એ પણ વચન આપ્યું કે જો તે 11 કરોડ રૂપિયા જીતશે, તો તે તેની દીકરીઓને 1 કરોડ રૂપિયા આપશે.

લોટરીના પૈસા લેવા ચંદીગઢ આવ્યો અમિત

તેનો આખો પરિવાર આજે લોટરી જીતેલા પૈસા લેવા માટે ચંદીગઢ આવ્યો હતો. તેની પત્ની અને બે બાળકો પણ તેની સાથે હતા. અમિત સેહરા કોઈ કામ માટે ભટિંડા આવ્યો હતો. ત્યાં જ તેણે લોટરી ટિકિટ ખરીદી હતી. તેણે ક્યારેય કલ્પના પણ નહોતી કરી કે તેનું નસીબ આટલી ઝડપથી બદલાઈ જશે.

એક પત્નીને નામે બીજી પોતાને નામે ખરીદી લોટરની ટીકિટ

લોટરી વિજેતાએ કહ્યું કે તેણે બે ટિકિટ ખરીદી છે, એક તેના નામે અને બીજી તેની પત્નીના નામે. તેની પત્નીના નામે ટિકિટ પર પણ 1,000 રૂપિયાનું ઇનામ જીત્યું. કુલ ઇનામ 11 કરોડ 1 હજાર રૂપિયા જીત્યા છે.

વધુ વાંચો : મોટા ખેલાડીની ગોળી મારીને હત્યા કરાતાં ખેલ જગતમાં સનસનાટી, ધ્રૂજી ઉઠ્યો દેશ, ચારે તરફ ચર્ચા

મિત્રની દીકરીઓને આપશે 1 કરોડ

કહાની આટલેથી પૂરી થતી નથી પરંતુ લોટરી જીત્યા બાદ અમિતે તેના મિત્ર મુકેશને તેની દીકરીઓને 1 કરોડ આપવાની પણ વાત કરી છે. મુકેશે જ અમિતને લોટરીની ટીકિટ ખરીદવાનું કહ્યું હતું. મુકેશે કહ્યું, "મારા મિત્ર અમિતે મને કહ્યું હતું કે જો તે લોટરી જીતશે, તો તે મારી દીકરીઓને 1 કરોડ રૂપિયા આપશે, અને હવે તે પોતાનું વચન પૂર્ણ કરી રહ્યો છે. ભગવાન દરેકને આવો મિત્ર આપે. આપણો સંબંધ ભાઈઓ જેવો છે અને હંમેશા અતૂટ રહેશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ