વધુ એક સફળતા / ગગનયાન મિશનની તૈયારી તેજ, ISROને ઈન્ટિગ્રેટેડ એર ડ્રોપ ટેસ્ટમાં મોટી સફળતા

ઇસરોએ ગગનયાન મિશન માટેનો પ્રથમ ઈન્ટિગ્રેટેડ એર ડ્રોપ ટેસ્ટ (IADT-01) સફળતાપૂર્વક પૂર્ણ કર્યો છે. આ પરીક્ષણ માટે ક્રૂ કેપ્સ્યુલને ચીનુક હેલિકોપ્ટર મારફતે ઉતારવામાં આવ્યું હતું. આ પ્રયોગમાં ઇસરો સાથે ડીઆરડીઓ, વાયુસેના, નૌસેના અને કોસ્ટ ગાર્ડ પણ જોડાયા હતા.

કેવી રીતે થયું પરીક્ષણ?

ક્રૂ મોડ્યુલનું માળખું ઓક્ટોબર 2023માં KCP-હેવી એન્જિનિયરિંગ યુનિટ દ્વારા ઇસરોને સોંપવામાં આવ્યું હતું. આ માળખાને પેરાશૂટ સિસ્ટમ એસેમ્બલી અને બુઓયન્સી એન્હાન્સમેન્ટ સિસ્ટમથી સજ્જ કરવામાં આવ્યું. ત્યારબાદ શ્રીહરિકોટામાં હેલિપેડ પર વિદ્યુત પરીક્ષણો કરવામાં આવ્યા. કેપ્સ્યુલમાં જોડાયેલ 10 પેરાશૂટોની શ્રેણી પૃથ્વી પર પાછા આવતી વખતે કેપ્સ્યુલનો વેગ ઘટાડે છે, જેથી સમુદ્રમાં સુરક્ષિત રીતે લેન્ડિંગ થઈ શકે.

ગગનયાનનું મહત્વ

આ પરીક્ષણ ગગનયાન કાર્યક્રમમાં એક મોટું મીલનો પથ્થર સાબિત થયું છે. ગગનયાનનું લક્ષ્ય ભારતીય અંતરિક્ષ યાત્રીઓને પૃથ્વીની કક્ષા સુધી મોકલવાનું અને સુરક્ષિત રીતે પાછા લાવવાનું છે. કાર્યક્રમના ભાગરૂપે કુલ આઠ ઉડાનો થશે. જેમાંથી ત્રણ માનવયુક્ત અને પાંચ માનવવિહીન મિશન રહેશે.

વધુ વાંચો : સરકારી કર્મચારીઓ માટે ખુશખબર! પગાર અને પેન્શન પર મોટું અપડેટ, ​​પરિપત્ર જાહેર

આગામી લક્ષ્યો

• 2028 સુધીમાં ભારતીય અંતરિક્ષ સ્ટેશનનું પહેલું મોડ્યુલ તૈનાત કરવાનું આયોજન છે.
• 2035 સુધીમાં ભારત પોતાનું અંતરિક્ષ સ્ટેશન ચલાવશે.
• ભવિષ્યમાં કોમર્શિયલ સ્પેસ ટુરિઝમ શરૂ કરવાની પણ યોજના છે.

ગગનયાનનું આ પરીક્ષણ ભારતને અંતરિક્ષ ક્ષેત્રે નવી ઊંચાઈઓ તરફ લઈ જવાનું સંકેત આપે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ