નેશનલ / મુખ્ય ચૂંટણી કમિશનરને હટાવવાનો પ્રયાસ નિષ્ફળ, સભાપતિએ મહાભિયોગ પ્રસ્તાવ ફગાવી દીધો

Impeachment Motion Against Gyanesh Kumar: રાજ્યસભા અધ્યક્ષે મુખ્ય ચૂંટણી કમિશનર જ્ઞાનેશ કુમાર (CEC) સામે મહાભિયોગ પ્રસ્તાવ ફગાવી દીધો છે. વિપક્ષે તેમને હટાવવાની માંગ કરી હતી. મહાભિયોગ પ્રસ્તાવ 193 સાંસદો દ્વારા રજૂ કરવામાં આવ્યો હતો. મહાભિયોગ પ્રસ્તાવ ફગાવી દીધા બાદ જ્ઞાનેશ કુમાર તેમના પદ પર રહેશે અને તેમની સામે કોઈ કાનૂની તપાસ કે કાર્યવાહી આગળ વધશે નહીં.

193 સાંસદોએ ગંભીર આરોપો લગાવ્યા હતા

મુખ્ય ચૂંટણી કમિશનરને હટાવવાની માંગણીમાં વિપક્ષી પક્ષોના 193 સાંસદો એક થયા. 12 માર્ચે રજૂ કરાયેલા આ પ્રસ્તાવમાં જ્ઞાનેશ કુમાર સામે પક્ષપાતી અને ભેદભાવપૂર્ણ વર્તન, ગેરવર્તણૂક, ચૂંટણીમાં છેતરપિંડી અને મતદાનના અધિકારથી વંચિત રાખવા સહિત સાત ગંભીર આરોપો મૂકવામાં આવ્યા હતા.

SIR પ્રક્રિયા અંગે પ્રશ્નો ઉઠાવવામાં આવ્યા હતા

વિપક્ષી દળો ખાસ કરીને બિહાર અને પશ્ચિમ બંગાળમાં મતદાર યાદીઓની સ્પેશિયલ ઇન્ટેન્સિવ રિવિઝન (SIR) પ્રક્રિયા અંગે પ્રશ્નો ઉઠાવવામાં આવ્યા હતા. તેમણે દાવો કર્યો હતો કે આ પ્રક્રિયાથી ઘણા મતદારો મતદાનના અધિકારથી વંચિત રહ્યા. તેમણે એવો પણ આરોપ લગાવ્યો હતો કે સીઈસીએ પક્ષપાતી રીતે કામ કર્યું હતું, જેમાં અમુક રાજકીય પક્ષોની તરફેણ કરવામાં આવી હતી. આ આરોપોને સમર્થનમાં સુપ્રીમ કોર્ટના અનેક ચુકાદાઓ ટાંકવામાં આવ્યા હતા. નોટિસમાં ભાજપની તરફેણ કરવાના આરોપોનો પણ સમાવેશ કરવામાં આવ્યો હતો.

આ પણ વાંચોઃ નેશનલ / 9 પોલીસકર્મીઓને મોતની સજા, પોલીસ સ્ટેશનમાં યાતના આપીને લીધો પિતા-પુત્રનો પ્રાણ

વિપક્ષે કહ્યું હતું કે એસઆઈઆર પ્રક્રિયા કેન્દ્રમાં શાસક પક્ષને ફાયદો પહોંચાડવા માટે હતી. તેમણે ચૂંટણી પ્રક્રિયામાં નિષ્પક્ષતા અને લોકશાહી અધિકારોની માંગ કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ