પંજાબ / અકાલી દળે લગાવ્યો આરોપ- મુખ્યમંત્રી માન દારૂ પીને વિધાનસભા પહોંચ્યા, ડોપ ટેસ્ટની માંગ

શિરોમણી અકાલી દળે પંજાબના મુખ્યમંત્રી ભગવંત માન પર વિધાનસભા સત્રમાં દારૂ પીને પહોંચ્યા હોવાના ગંભીર આરોપ લગાવ્યા છે. પંજાબના વિપક્ષી પક્ષ શિરોમણી અકાલી દળે ટ્વિટર પર મુખ્યમંત્રી ભગવંત માનનો એક વીડિયો જાહેર કર્યો છે. અકાલી દળે લખ્યું છે કે, "શરમજનક વાત છે કે ભગવંત માન આજે મજૂર દિવસ નિમિત્તે વિધાનસભાના પવિત્ર ગૃહમાં દારૂ પીને પહોંચ્યા."

વીડિયોનો ઉલ્લેખ કરતા અકાલી દળે કહ્યું, "તમારે જાતે જ જોવું જોઈએ કે મુખ્યમંત્રી વિધાનસભામાં કેવું વર્તન કરી રહ્યા છે."

શિરોમણી અકાલી દળે વધુમાં જણાવ્યું હતું કે પાર્ટી મુખ્યમંત્રીના વર્તનની સખત નિંદા કરે છે. તેમણે આજે દારૂ પીને વિધાનસભામાં પ્રવેશ કરવો જોઈતો ન હતો. શિરોમણી અકાલી દળ માંગ કરે છે કે મુખ્યમંત્રીનો આજે સમગ્ર પંજાબની સામે ડોપ ટેસ્ટ કરાવવામાં આવે જેથી પંજાબના લોકો સત્ય જાણી શકે.

પંજાબના વિપક્ષી નેતા પ્રતાપ સિંહ બાજવાએ માંગ કરી છે કે બધા ધારાસભ્યોનો આલ્કોહોલ મીટર ટેસ્ટ કરાવવો જોઈએ. તેમણે કહ્યું કે કોંગ્રેસના એક ધારાસભ્યએ રાજ્યના વડા પર શરાબ પીધેલો હોવાનો આરોપ લગાવ્યો છે, તેથી બધા ધારાસભ્યોનો આલ્કોહોલ મીટર ટેસ્ટ કરાવવો જોઈએ. કોંગ્રેસે આરોપ લગાવ્યો છે કે પંજાબના મુખ્ય પ્રધાન દારૂના નશામાં વિધાનસભામાં પહોંચ્યા હતા. તેથી બધા ધારાસભ્યોનો આલ્કો મીટર ટેસ્ટ કરાવવો જોઈએ. તેમણે કહ્યું કે "રાજ્યના વડા" સામે ગંભીર આરોપો લગાવવામાં આવ્યા હોવાથી સત્ય જાણવા માટે દરેક ધારાસભ્યનો ટેસ્ટ કરાવવો જોઈએ.

આ પણ વાંચોઃ નેશનલ / બંગાળમાં 'હાઈવોલ્ટેજ ડ્રામા': TMC એ વીડિયો જાહેર કરી લગાવ્યા ગંભીર આક્ષેપ, ચૂંટણી પંચે પુરાવા સાથે આપ્યો જવાબ

વિધાનસભામાં થયેલા હોબાળાનો જવાબ આપતા મુખ્યમંત્રી ભગવંત માનએ જણાવ્યું કે આ ખાસ સત્ર "મજૂર દિવસ" ને સમર્પિત છે અને તમામ સભ્યોને બહેસબાજીથી દૂર રહેવા અને ગૃહની ગરિમા જાળવવા અપીલ કરી છે.

આ વચ્ચે પંજાબ વિધાનસભાના અધ્યક્ષે પંજાબના મુખ્ય પ્રધાન ભગવંત માન માટે ડોપ ટેસ્ટ/આલ્કોહોલ ટેસ્ટ કરાવવાની કોંગ્રેસની માંગને ફગાવી દીધી છે. અધ્યક્ષે કહ્યું કે હું કોંગ્રેસ દ્વારા આપવામાં આવેલા પત્રને નકારું છું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ