8th Pay Commission / ગ્રેડ-પેના હિસાબથી કેટલી વધી શકે તમારી સેલરી? જુઓ Level 1થી 7 સુધીનું કેલ્ક્યુલેશન

કેળવણી, આરોગ્ય, રક્ષા સહિતના લાખો કેન્દ્રીય કર્મચારીઓ હાલમાં 8મા પગાર પંચ (8th Pay Commission)ની રાહ જોઈ રહ્યા છે. કર્મચારીઓમાં સૌથી મોટી ઉત્સુકતા એ છે કે નવું કમિશન લાગુ થયા પછી તેમના પગારમાં કેટલો વધારો થશે. પગારમાં વધારો ફિટમેન્ટ ફેક્ટર, HRA (હાઉસ રેન્ટ એલાઉન્સ), TA (ટ્રાન્સપોર્ટ એલાઉન્સ) અને અન્ય ભથ્થાં પર આધારિત રહેશે. હાલમાં કરવામાં આવેલી અંદાજિત ગણતરી મુજબ 1.92 નો ફિટમેન્ટ ફેક્ટર માનવામાં આવ્યો છે. સાથે જ 0% મોંઘવારી ભથ્થું (DA), X શહેર માટે 30% HRA અને મોટા શહેરો માટે ઉચ્ચ TPTAનો સમાવેશ કરવામાં આવ્યો છે. જોકે આ માત્ર અંદાજ છે અને અંતિમ નિર્ણય કમિશનની ભલામણો પર આધારિત રહેશે.

મોટો વધારો થવાની સંભાવના

ગણતરી અનુસાર, લેવલ-1 થી લેવલ-7 સુધીના કર્મચારીઓના પગારમાં મોટો વધારો થવાની સંભાવના છે. ઉદાહરણ તરીકે, લેવલ-1 કર્મચારીનો મૂળ પગાર હાલ 18,000 રૂપિયા છે, જે વધીને 34,560 રૂપિયા થઈ શકે છે. HRA અને TA ઉમેર્યા પછી તેમનો કુલ પગાર 46,278 રૂપિયા થઈ શકે છે, જેમાંથી કપાત બાદ 42,572 રૂપિયા ચોખ્ખો પગાર મળશે. એ જ રીતે લેવલ-2 કર્મચારીનો મૂળ પગાર 19,900 રૂપિયાથી વધીને 38,208 રૂપિયા થઈ શકે છે. HRA અને TA બાદ તેમનો કુલ પગાર 51,020 રૂપિયા અને ચોખ્ખો પગાર 46,949 રૂપિયા થશે.

લેવલ-3માં કુલ પગાર

લેવલ-3 માં મૂળ પગાર 21,700 રૂપિયાથી વધીને 41,664 રૂપિયા થશે અને HRA-TA સાથે કુલ પગાર 57,763 રૂપિયા થઈ શકે છે. ચોખ્ખો પગાર આશરે 53,347 રૂપિયા સુધી પહોંચશે. લેવલ-4 કર્મચારીઓનો મૂળ પગાર 25,500 રૂપિયાથી વધીને 48,960 રૂપિયા થશે. તેમાં ભથ્થાં ઉમેર્યા પછી કુલ પગાર 67,248 રૂપિયા અને ચોખ્ખો પગાર 62,102 રૂપિયા થઈ શકે છે.

લેવલ-5 નો પગાર

તે જ રીતે લેવલ-5 નો પગાર 29,200 રૂપિયાથી વધીને 56,064 રૂપિયા થશે. HRA અને TA ઉમેર્યા પછી કુલ પગાર 76,483 રૂપિયા થશે અને ચોખ્ખો પગાર 70,627 રૂપિયા મળશે. લેવલ-6 ના કર્મચારીઓનો મૂળ પગાર 35,400 રૂપિયાથી વધીને 67,968 રૂપિયા થઈ શકે છે, અને ભથ્થાં ઉમેર્યા બાદ કુલ પગાર 91,958 રૂપિયા તથા ચોખ્ખો પગાર 84,711 રૂપિયા સુધી પહોંચી શકે છે.

આ પણ વાંચો : કુતુબ મિનાર કરતા પણ ઉંચો રેલવે બ્રિજ, પીએમ મોદી આજે કરશે ઉદ્ઘાટન

લેવલ-7

સૌથી વધુ વધારો લેવલ-7 ના કર્મચારીઓમાં જોવા મળી શકે છે. તેમનો હાલનો મૂળ પગાર 44,900 રૂપિયા છે, જે વધીને 86,208 રૂપિયા થઈ શકે છે. HRA અને TA ઉમેર્યા પછી તેમનો કુલ પગાર 1,15,670 રૂપિયા થવાની શક્યતા છે. કર અને કપાત બાદ તેમનો ચોખ્ખો પગાર 99,739 રૂપિયા સુધી પહોંચી શકે છે. એકંદરે જોવામાં આવે તો, 8મા પગાર પંચ લાગુ થયા પછી કેન્દ્રીય કર્મચારીઓના પગારમાં મોટો વધારો થવાની આશા છે. જોકે આ તમામ આંકડા અંદાજિત છે અને અંતિમ ગણતરી કમિશનની ભલામણો પર આધારિત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ