દર્શન બંધ / ભક્તો મુંબઈના સિદ્ધિવિનાયકની મુખ્ય મૂર્તિના દર્શન નહીં કરી શકે, જાણો કેમ અને ક્યાં સુધી

Siddhivinayak Temple Mumbai: મુંબઈના અતિપ્રસિદ્ધ સિદ્ધિ વિનાયક મંદિરના ગર્ભગૃહમાં પ્રવેશ અને મુખ્ય પ્રતિમાના દર્શન ભક્તો માટે થોડા દિવસ બંધ રહેશે. આ દરમિયાન મંદિર આવનાર ભક્તો બહારથી મૂળ પ્રતિમાની પ્રતિકૃતિ સમાન મૂર્તિના જ દર્શન કરી શકશે. અને આ થવાનું કારણ મંદિરનો એક વાર્ષિક સમારોહ છે જેનું નામ છે ' સિંદૂર લેપન'. ભગવાન સિદ્ધિ વિનાયકની મૂળ પ્રતિમાને સિંદૂર લેપનની આ વિધિ આવતી 7 જાન્યુઆરી થી 11 જાન્યુઆરી એમ 5 દિવસ સુધી ચાલશે. અને આ દરમિયાન ભક્તો મૂળ પ્રતિમાના દર્શન નહિ કરી શકે.

સિંદૂર લેપન વિધિ

દર વર્ષે માઘ મહિનામાં ગણેશ જયંતી પહેલા આ સિંદૂર લેપનની રસમ/વિધિ સિદ્ધિવિનાયક મંદિરમાં કરવામાં આવે છે. સિંદૂર લેપનનો આ સમારોહ 5 દિવસ સુધી ચાલે છે. આ દરમિયાન સિદ્ધિવિનાયકની પ્રતિમાને સિંદૂર લગાવવામાં આવે છે અને વિશેષ પૂજા-અનુષ્ઠાન થાય છે. આ વર્ષે પણ આ સમારોહ યોજાશે જે આંટી 7 જાન્યુઆરી (બુધવાર) થી 11 જાન્યુઆરી 2026 (રવિવાર) સુધી ચાલશે. આ સમય પછી એટલે કે 12 જાન્યુઆરી 2026ના સોમવારના રોજ બપોરે 1 વાગ્યા પછી દર્શન માટે ફરીથી ગર્ભગૃહ ભક્તો માટે ખુલ્લા કરી દેવાશે.

રોજ થશે વિશેષ પૂજા-આરતી

આ દરમિયાન સિદ્ધિવિનાયક મંદિરમાં રોજની જેમ જ પૂજા આરતીનું કાર્ય ચાલુ રહેશે. તો મંદિર આવનર તમામ ભક્તો આ મૂર્તિની પ્રતિકૃતિના દર્શન કરી શકશે. સિંદૂર લેપનનો આ રિવાજ/વિધિ ગણેશજી ને પ્રસન્ન કરવા માટે અને શુભતા લાવવા માટે કરવામાં આવે છે. અંહિયા ભક્તો આવીને સિંદૂર અર્પણ કરે છે અને ગણપતિ બાપ્પા પાસે આરોગ્ય અને સુખ-સમૃદ્ધિ આપવાની કામના કરે છે. આ દરમિયાન મંદિરમાં વિશેષ સજાવટ પણ કરવામાં આવે છે. તો સિંદૂર લેપન પછી ગર્ભગૃહ સામાન્ય ભક્તો માટે ખૂલે છે અને આ દરમિયાન ભક્તોની ભારે ભીડ મંદિરમાં જોવા મળે છે.

આ પણ વાંચો: મહાયુતિ ગઠબંધનમાં ડખો, 38 બેઠકો પર એકલા હાથે ચૂંટણી લડવાનું દિગ્ગજ નેતાનુ્ં એલાન

જણાવી દઈએ કે સિદ્ધિવિનાયક મંદિર મુંબઈમાં પ્રભાદેવી સ્થિત એક પ્રસિદ્ધ ગણપતિ મંદિર છે. આ મંદિરમાં ભગવાન ગણેશની જમણે અને ડાબે બાજુ વળેલી સૂંઢની પ્રતિમા છે, જેને લઈને એવી માન્યતા છે કે આના દર્શન કરવા માત્રથી ભક્તોથી તમામ મનોકામના પૂરી થઈ જાય છે. આ માટે આ મંદિરમાં દેશ-વિદેશ માંથી પણ ભક્તો આવે છે. એટલું જ નહીં પણ તમામ સેલિબ્રિટી પણ અંહિયા વારંવાર દર્શન માટે આવે છે જેમાં અમિતાભ બચ્ચન, સચિન તેંડુલકર, શિલ્પા શેટ્ટીથી લઈને અંબાણી પરિવારનો પણ સમાવેશ થાય છે. આ મંદિરની ગણતરી દેશના સૌથી ધનાઢ્ય મંદિરોમાં થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ