હિરેન હત્યાકાંડ / એન્ટીલિયા કેસમાં ATS ની મોટી કાર્યવાહી, બુકીને સીમ કાર્ડ પુરા પાડનાર અમદાવાદના આ મોટા માથાની ધરપકડ

• મુંબઇના બહુચર્ચિત એન્ટીલિયા કેસ મામલો
• ગાયત્રી ટેડર્સ નામથી સિમ કાર્ડ ખરીદ્યા હોવાનું ખુલ્યું
• ગાયત્રી ટેડર્સ વટવા GIDCમાં આવેલી છે
• ફેકટરી માલિક બોડકદેવનો રહેવાસી

 અંબાણીના બહાર મળેલી સ્કોર્પિયો કાર માલિક મનસુખ હિરેન હત્યાકાંડની તપાસ વિસ્તરતી જાય છે. મંગળવારે આ કેસમાં એટીએસે એક મોટી કાર્યવાહી કરી છે. 

હિરેન હત્યાકાંડની તપાસ માટે  એટીએસની ટીમે અમદાવાદના વટવા જીઆઈડીસીમાંથી ફેક્ટરી ધરાવતા એક શખ્સની ધરપકડ કરી છે. આ શખ્સે હિરેન હત્યાકાંડના આરોપી બુકી નરેશ ગૌરને ચાર સિમકાર્ડ પુરા પાડ્યાં હોવાનું તપાસમાં બહાર આવ્યું છે. એટીએસ દ્વારા ધરપકડ કરાયેલો આરોપી શખ્સ વટવા જીઆઈડીસીમાં  ગાયત્રી ટેડર્સનો માલિક છે અને તે બોડકદેવો રહેવાશી હોવાનું તપાસમાં ખુલ્લું છે. ફેક્ટરી માલિક અને બુકી નરેશ ગૌર વચ્ચેના કનેક્શન સામે આવ્યા છે. મુંબઈ એટીએસના એક અધિકારીએ જણાવ્યું કે સિમ કાર્ડના પગેરુની તપાસ કરવા એટીએસની ટીમ મુંબઈ આવી હતી અને ત્યાંથી ફેક્ટરી માલિકની ધરપડ કરી હતી. 

એટીએસે દમણાંથી વોલ્વો કાર જપ્ત કરી

એટીએસે મનસુખ હિરેન હત્યાકાંડમાં વપરાયેલી મનાતી એક વોલ્વો કાર દમણમાંથી જપ્ત કરી લીધી છે. આ વોલ્વો કાર મહારાષ્ટ્રના બિઝનેશમેનની હોવાનું કહેવાય છે. એટીએસ દ્વારા ધરપકડ કરવામાં આવેલા બે આરોપીમાં એક મુંબઈ પૂર્વ પોલીસ કોન્સ્ટેબલ વિનાયક શિંદે અને બીજો બૂકી નરેશ ગોર  સામેલ છે.ગેંગસ્ટર લખન ભૈયા એન્કાઉન્ટર કેસમાં આરોપી વિનાયક શિંદે  હાલમાં પેરોલ પર બહાર છે. જોકે એટીએસે હિરેન ખૂન કેસમાં આ બે આરોપીની ભૂમિકા વિશે કોઈ ફોડ પાડ્યો નથી. 55 વર્ષીય વિનાયક શિંદે  લખન ભૈયા એન્કાઉન્ટર કેસમાં આરોપી છે. બન્ને આરોપીઓને કોર્ટમાં રજૂ કરવામાં આવશે. 

મુંબઈ એટીએસની સાથે એનઆઈએ પણ તપાસ કરી રહી છે 

સ્કોર્પિયો કાર માલિક મનસુખ હિરેનના મોતનું કોકડું વધુ ગૂંચવાતું જાય છે. હિરેનની હત્યા થઈ છે કે તેણે આપઘાત કર્યો છે, આનું રહસ્ય શોધી કાઢવા માટે હવે એનએઆઈએ જોર લગાવશે. કેન્દ્રીય ગૃહમંત્રાલયે મનસુખ હિરેનના શંકાસ્પદ મોત કેસની તપાસ એનઆઈએને હવાલે કરી દીધી છે.  અત્યાર સુધી તો આ કેસની તપાસ મહારાષ્ટ્ર એટીએસના હાથમાં હતી. 5 માર્ચે સ્કોર્પિયો કાર માલિક મનસુખ હિરેનની લાશ મળી આવી હતી.એનઆઈએના પ્રવક્તાએ જણાવ્યું કે મનસુખ હિરેનના મોતની તપાસ કરવાનો એનઆઈએને ઓર્ડર મળ્યો છે. તપાસ મળ્યા બાદ એનઆઈએ ટીમ થાણેના સચિન વઝેના ઘેર પહોંચી છે. આ પહેલા એનઆઈએ ટીમ થાણેમાં મનસુખ હિરેનની દુકાનની પણ મુલાકાત લીધી હતી. મહારાષ્ટ્ર એટીએસે સચિન વઝે સહિત 25 લોકોની પૂછપરછ કરીને તેમની જુબાની લીધી છે.