બિહાર / માતમમાં ફેરવાઈ હોળી, 5થી વધુ લોકોના મોત, ઘરમાંથી ઉઠી મરણચીસો

Holi 2024 : હોળીના તહેવાર વચ્ચે બિહારથી એક દુ:ખદ સમાચાર સામે આવી રહ્યા છે. વાત જાણે એમ છે કે, હોળીના દિવસે પણ બિહારના અનેક જિલ્લાઓ માર્ગ અકસ્માતનું કારણ બની ગયા છે. પહેલો કિસ્સો બેગુસરાયનો છે જ્યાં એક માર્ગ અકસ્માતમાં ત્રણ લોકોના દુઃખદ મોત થયા હતા. આ સાથે બીજી ઘટના ભોજપુર જિલ્લાની છે જ્યાં માર્ગ અકસ્માતમાં બે યુવકોના મોત થયા હતા. આમ એક જ દિવસે બે અલગ-અલગ અકસ્માતમાં 5થી વધુ લોકોના મોત થયા છે. 

બિહારના બેગુસરાયમાં એક ભયાનક માર્ગ અકસ્માત બછવારા પોલીસ સ્ટેશન વિસ્તારના ઝમટિયા ડાલા પાસે થયો હતો. અહીં કાર કાબૂ બહાર જઈને ખાડામાં પલટી ગઈ હતી. આ અકસ્માતમાં ત્રણ લોકોના મોત થયા હતા. મળતી માહિતી મુજબ મૃતકો મુઝફ્ફરપુરના રહેવાસી હતા. પોલીસ મૃતદેહો વિશે માહિતી એકઠી કરી રહી છે અને મૃતદેહોનું પોસ્ટમોર્ટમ કરવામાં પણ વ્યસ્ત છે. આ મામલે વિગતવાર માહિતીની રાહ જોવાઈ રહી છે. બીજો કિસ્સો આરાનો છે.

વધુ વાંચો: 'ભાષણ ન આપો, આતંકની ફેક્ટરીઓ બંધ કરો', UNમાં ભારતે પાકિસ્તાનને બરાબરનું ધોયું

આ તરફ બક્સર જિલ્લાના બ્રહ્મપુર પોલીસ સ્ટેશન વિસ્તારમાં બ્રહ્મપુર પેટ્રોલ પંપ પાસે રવિવારે સાંજે આરા-બક્સર નેશનલ હાઈવે પર બે બાઈક વચ્ચે સીધી ટક્કર થઈ હતી. આ અકસ્માતમાં બંને બાઇક પર સવાર બે લોકોના મોત થયા હતા. એકનું સારવાર માટે આરા સદર અને બીજાનું બક્સર સદર હોસ્પિટલમાં લઈ જતા રસ્તામાં મૃત્યુ થયું હતું, જ્યારે બંને બાઇક પર સવાર ત્રણ લોકો ગંભીર રીતે ઘાયલ થયા હતા. આ પછી તમામ ઘાયલોની બક્સરની અલગ-અલગ હોસ્પિટલમાં સારવાર ચાલી રહી છે. મળતી માહિતી મુજબ મૃતકોમાં જિલ્લાના પીરો પોલીસ સ્ટેશન વિસ્તારના જીતૌરા ગામના રહેવાસી રામચંદ્ર કુમારના 18 વર્ષના પુત્ર કૃષ્ણ કુમાર વર્મા અને બક્સર જિલ્લાના અન્ય એક યુવકનો સમાવેશ થાય છે. આ ઘટના બાદ મૃતકના પરિવારજનો ખરાબ હાલતમાં છે અને રડી રહ્યા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો