1 જુનથી શરુ થનારા T20 વર્લ્ડ કપ 2024 માટે ટીમ ઈન્ડિયાની મંગળવારે જાહેરાત કરવામાં આવી હતી. BCCIએ આ ટીમ માટે ઘણા આશ્ચર્યજનક નિર્ણયો લીધા છે. કેટલાક એવા ખેલાડીઓ હતા જેમને BCCI દ્વારા સંપૂર્ણપણે નકારી દીધા છે. એ લિસ્ટમાં એક એવો ખેલાડી છે જે IPL શરૂ થવાના થોડા મહિના પહેલા સુધી ICC T20 રેન્કિંગમાં પ્રથમ સ્થાને હતો. આ ખેલાડી હજુ પણ ટોપ 5માં હાજર છે એમ છતાં આ ખેલાડીની વર્લ્ડ કપ માટે પસંદગી થઈ નથી.
આ ખેલાડી બીજું કોઈ નહીં પણ રવિ બિશ્નોઈ છે. આ T20 વર્લ્ડ કપ માટે પસંદગીકારોએ આ ખેલાડીની સંપૂર્ણ અવગણના કરી છે. રવિ બિશ્નોઈ ચાર મહિના પહેલા ઓસ્ટ્રેલિયા સામે રમાયેલી સીરિઝ બાદ ICC રેન્કિંગમાં પ્રથમ સ્થાને પહોંચી ગયો હતો. તે સિરીઝ દરમિયાન તેણે શાનદાર બોલિંગ કરી હતી. જ્યારે તેણે પાંચ મેચમાં કુલ 9 વિકેટ ઝડપી હતી, પરંતુ અફઘાનિસ્તાન સામેની આ સીરિઝ પછી તે ત્રણ મેચમાં માત્ર 2 વિકેટ લઈ શક્યો હતો.
આ સાથે જ IPL 2024 માં તેનું પ્રદર્શન કંઈ ખાસ રહ્યું નથી. ટીમ સિલેક્શનના સમય સુધી તેણે આઈપીએલમાં 10 મેચમાં માત્ર 6 વિકેટ લીધી હતી. ટીમ ઈન્ડિયાની ટીમમાં તેને તક ન મળવાનું આ એક મોટું કારણ છે. આ સાથે જ IPLની દરેક સિઝનની જેમ આ સિઝનમાં પણ યુઝવેન્દ્ર ચહલ શાનદાર ફોર્મમાં છે અને તેને ટીમમાં સ્થાન મળ્યું છે. એમ પણ કહી શકાય કે ચહલનું શાનદાર ફોર્મ રવિ બિશ્નોઈ માટે ટી20 વર્લ્ડ કપ માટે પસંદ ન થવાનું મોટું કારણ હતું.
ટૂંકમાં એવું લાગી રહ્યું છે કે આ બંને ખેલાડીઓ સમાન બોલર છે અને બે માંથી એકને ટીમમાં સ્થાન મળવાનું હતું. આ જ કારણ હતું કે ટીમ સિલેક્ટર માત્ર એક જ ખેલાડીને તક આપી શક્યા અને તેઓ ચહલના ફોર્મને કારણે તેની અવગણના કરી શક્યા નહીં.
ટી-20 વર્લ્ડ કપ 2024 માટે ભારતની ટીમ
રોહિત શર્મા (કેપ્ટન), યશસ્વી જયસ્વાલ, વિરાટ કોહલી, સૂર્યકુમાર યાદવ, ઋષભ પંત (વિકેટકીપર), શિવમ દુબે, હાર્દિક પંડ્યા (વાઇસ કેપ્ટન), રવિન્દ્ર જાડેજા, અક્ષર પટેલ, કુલદીપ યાદવ, જસપ્રીત બુમરાહ, અર્શદીપ સિંહ, યુજવેન્દ્ર ચહલ, સંજુ સેમસન (વિકેટકીપર), મોહમ્મદ સિરાજ
રિઝર્વ ખેલાડીઓ
શુભમન ગીલ, રિંકુ સિંહ, ખલીલ અહમદ, આવેશ ખાન
બે ખેલાડીઓને તક
ટી 20 વર્લ્ડ કપમાં બે ખેલાડીઓને તક મળી છે. સંજૂ સેમસન અને ઋષભ પંતને ટીમમાં સ્થાન અપાયું છે.
