Vastu Tips / ઓફિસ કે ઘરમાં ઊંધી દિશાએ લગાવ્યો છે મની પ્લાન્ટ? તો આજથી જ ફૉલો કરો આ વાસ્તુ નિયમ, થશે અઢળક ધનવર્ષા

• ઘરમાં લગાવો મની પ્લાન્ટ
• પરંતુ આ વાસ્તુ નિયમોનું રાખો ધ્યાન 
• થશે અઢળક ધનવર્ષા

હિંદૂ ધર્મમાં વાસ્તુ શાસ્ત્રનું ખૂબ જ મહત્વ છે. ઘર બનાવવાથી લઈને તેની સજાવટ અને ઘરમાં રાખવામાં આવતા છોડમાં વાસ્તુ શાસ્ત્રનું ખાસ ધ્યાન રાખવામાં આવે છે. ઘરમાં અમુક છોડને લગાવવા ખૂબ જ શુભ માનવામાં આવે છે. માન્યતા છે કે ઘરમાં તુલસી, શમી જેવા છોડ લગાવવાથી માતા લક્ષ્મીનો વાસ થાય છે. 

મની પ્લાન્ટને પણ ઘરમાં લગાવવું ખૂબ જ શુભ માનવામાં આવે છે. માન્યતા છે કે તેને ઘરમાં લગાવવાથી સુખ-સમૃદ્ધિ વધે છે. જોકે આ છોડને ઘરમાં લગાવતી વખતે દિશાનું ખાસ ધ્યાન રાખવું જોઈએ.

કઈ દિશામાં લગાવશો મની પ્લાન્ટ 
વાસ્તુ શાસ્ત્ર અનુસાર, મની પ્લાન્ટને હંમેશા ઘરની દક્ષિણ પૂર્વ દિશા એટલે કે અગ્નિ કોણમાં લગાવવો જોઈએ. આ ખૂબ જ શુભ માનવામાં આવે છે. હિંદૂ ધર્મની માન્યતાઓ અનુસાર આ દિશાનું પ્રતિનિધિત્વ શુક્ર ગ્રહ કરે છે. 

આ દિશાના દેવતા ભગવાન ગણેશને માનવામાં આવે છે. માટે હંમેશા આ દિશામાં મની પ્લાન્ટનો છોડ લગાવવો જોઈએ. માન્યતા છે કે તેનાથી ઘરમાં સુખ-સમૃદ્ધિ આવે છે. તેનાથી આર્થિક લાભ થાય છે. 

મની પ્લાન્ટને ક્યારેય પણ ઘરની ઉત્તર પૂર્વ દિશા એટલે કે ઈશાન કોણમાં ન રાખવો જોઈએ. જ્યોતિષ શાસ્ત્ર અનુસાર આ દિશાનું પ્રતિનિધિ બૃહસ્પતિ કરે છે જે શુક્રના વિરોધી માનવામાં આવે છે. આ કાણે મની પ્લાન્ટને ઈશાન કોણમાં રાખવાથી ઘરમાં નકારાત્મક ઉર્જા આવે છે. 

સાથે જ ઘરના પશ્ચિમ અને પૂર્વ દિશામાં પણ મની પ્લાન્ટનો છોડ લગાવવો અશુભ માનવામાં આવે છે. આ દિશામાં મની પ્લાન્ટનો છોડ લગાવવાથી વ્યક્તિને માનસિક સ્ટ્રેસનો સામનો કરવો પડી શકે છે. 

જમીનને સ્પર્શ ન થવા દો મની પ્લાન્ટ 
મની પ્લાન્ટનો છોડ ખૂબ જ ઝડપથી વધે છે. મોટાભાગે આ વધતા વધતા જમીન સુધી પણ પહોંચી જાય છે. માટે આ વાતનું ખાસ ધ્યાન રાખો કે આ છોડ ક્યારેય પણ જમીનને ન સ્પર્શી શકે. આ ખૂબ જ અશુભ માનવામાં આવે છે. 

મની પ્લાન્ટ સુકાવવા ન દો 
વાસ્તુ શાસ્ત્ર અનુસાર ઘરમાં રાખેલો મની પ્લાન્ટ ક્યારેય પણ સુકાવવા ન દો. માન્યતા છે કે જો મની પ્લાન્ટ સુકાઈ જાય છે તો તે ઘરની આર્થિક સ્થિતિ માટે યોગ્ય નથી.