મહિલાઓની શક્તિ અને સમર્પણભાવ પર શંકા કરી શકાય નહીં. આ મહિલાએ જે કર્યું એ સાંભળીને તમારા મનમાં પણ સ્ત્રીઓ માટે સન્માન વધી જશે. 27 વર્ષની મહિલાના સંઘર્ષની આ વાત તમારી આંખોમાં આંસુ પણ લાવી શકે છે.
સિંગલ મધર હોવા છતાં નિભાવે છે ફરજ
સમાજ માટે બની ઉત્તમ ઉદાહરણ
બાળકને સાથે રાખી કરે છે સંઘર્ષ
ઇ-રિક્ષા ચલાવી મેળવે છે રોજગારી
સિંગલ મધર હોવું એ કોઇપણ મહિલા માટે પડકારરૂપ હોય છે. તેવામાં ઉત્તરપ્રદેશના નોયડામાં રહેતી સ્ત્રીએ પોતાની તમામ ફરજો ઉત્તમતાથી નિભાવી. આ મહિલાનું નામ ચંચલ શર્મા છે. પોતાના બાળકો માટે જે રીતે આ મહિલા પોતાનું જીવન જીવી રહી છે તેના વિષે જાણી સૌ કોઇ તેના ફેન બની જશે. ચંચલ શર્મા પુરુષો સમાન ઇ-રિક્ષા ચલાવી રોજગારી મેળવે છે.
27 વર્ષિય આ મહિલા પોતાના બાળકનું ભવિષ્ય ઉજ્જવળ કરવાં પોતાના બાળકને ખભે બાંધી અને ઇ-રિક્ષા ચલાવે છે. સવારના 6:30 વાગ્યાથી પેસેન્જરની સવારી લેવાનું શરૂ કરે છે અને બપોરના સમયે બાળકને નહડાવીને ફરી ઈ-રિક્ષા ચલાવવા લાગે છે.
પૈસા કમાવવા ચલાવે છે ઇ-રિક્ષા
નોયડા સેક્ટર 62થી સેક્ટર 59 વચ્ચે ચંચલ ઇ-રિક્ષા ચલાવે છે. તમને જાણીને નવાઇ લાગશે કે પોતાના બાળકના જન્મના માત્ર અઢી મહિનામાં જ ચંચલે નોકરી શોધવાનું શરૂ કરી દીઘું હતું. પરંતુ પોતાના બાળકને નોકરી દરમિયાન સાચવવાની સગવડ ન થતાં મહિલાને ઇ-રિક્ષા ખરીદવી પડી. અને બાળકને ખભે રાખી કામ શરૂ કરવું પડ્યું.
લોકો માટે પ્રેરણાત્મક ઉદાહરણ
ચંચલ પોતાના પતિથી અલગ થઇ ગઇ છે અને હાલ એક રૂમમાં પોતાની માતા સાથે રહે છે. તેની માતા ડુંગળીની લારી લગાવી દિવસનાં 700રૂ કમાવે છે જેમાંથી 300 રૂ. એક પ્રાઇવેટ એજન્સીમાં જાય છે જ્યાંથી ચંચલે લૉન લીધી હતી. આ મહિલા પોતાના બાળકને ઉત્તમ ભવિષ્ય આપવા ખૂબ મહેનત કરે છે.