ક્રિકેટ / ટીમ ઈન્ડીયાને તગડો ઝટકો, વર્લ્ડ કપમાંથી આઉટ થયો આ મોટો ખેલાડી, ઋષભ પંતને લેવાશે

1 જૂનથી યુએસએ અને વેસ્ટ ઇન્ડીઝમાં ટી 20 વર્લ્ડ કપ શરુ થવાનો છે જોકે ભારતીય ટીમનું એલાન બાકી છે પરંતુ તે પહેલા ભારતીય ટીમનો ઝટકો લાગ્યો છે.  ટીમના સ્ટાર બોલર અને વન-ડે વર્લ્ડકપના હીરો રહેલા મોહમ્મદ શમી ટી-20 વર્લ્ડકપ બહાર થઇ ગયો છે. શમી હવે સપ્ટેમ્બરમાં રમાનારી બાંગ્લાદેશ સામેની શ્રેણી દરમિયાન સીધો જ પુનરાગમન કરી શકે છે.  ભારતીય ટીમ હવે સપ્ટેમ્બરમાં બાંગ્લાદેશનો પ્રવાસ ખેડશે. આ પ્રવાસમાં ટીમને બે ટેસ્ટ મેચ પણ રમવાની છે. એટલે કે હવે સપ્ટેમ્બર પહેલા શમી ફિટ નહીં હોય. આ કારણે તેને ટી-20 વર્લ્ડ કપ 2024માંથી પણ બહાર કરી શકાય છે.

Jay Shah said "Mohammed Shami is likely to return for the Bangladesh series". [PTI] pic.twitter.com/yTVDpr5p3g

— Johns. (@CricCrazyJohns) March 11, 2024

શમી આઈપીએલ 2024માંથી પણ બહાર 
આ પહેલા શમી આઈપીએલ 2024માંથી પણ બહાર થઈ ગયો છે. તે આ આખી સિઝનમાં બહાર રહ્યો છે. તેના વિશે ફ્રેન્ચાઇઝી ગુજરાત ટાઇટન્સે કહ્યું હતું કે, શમી આખી ટૂર્નામેન્ટમાંથી બહાર રહેવાનો છે. તેના જવાથી ગુજરાતની ટીમને આંચકો લાગ્યો હતો. મોહમ્મદ શમી ભારતનો સર્વશ્રેષ્ઠ બોલર રહ્યો છે. તેણે વનડે વર્લ્ડ કપમાં સૌથી વધુ વિકેટ પણ લીધી હતી. હવે ટી-20 વર્લ્ડ કપમાં તેની ગેરહાજરી ટીમને મોટો ફટકો આપી શકે છે.

Jay Shah said - "Rishabh Pant is batting well, keeping well. We will declare him fit soon. If he can play the T20 World Cup for India, that will be a big thing, he is an asset. If he can keep, he can play the World Cup, let's see how does in this IPL". (PTI) pic.twitter.com/0P9vOG679A

— CricketMAN2 (@ImTanujSingh) March 11, 2024

ઋષભ પંતને સ્થાન મળી શકે
ટી 20 વર્લ્ડ કપમાં ઋષભ પંતની વાપસી થઈ શકે છે. બીસીસીઆઈ સચિવ જય શાહે કહ્યું હતું કે ઋષભ પંત સારુ રમી રહ્યો છે અને તેની તબિયત પણ સારી છે. જય શાહે પંત વિશે કહ્યું કે જો ઋષભ પંત T20 વર્લ્ડ કપ 2024 રમી શકે છે તો તે ખૂબ જ સારી વાત છે, જોકે એ પણ જોવું પડશે કે IPL 2024 દરમિયાન તેનું પ્રદર્શન કેવું છે.

Ricky Ponting " I’m very hopeful, not from a selfish point of view as the coach of the Delhi Capitals, but I want to see Rishabh Pant back playing cricket again " pic.twitter.com/aVAWigaEOZ

— Sujeet Suman (@sujeetsuman1991) March 11, 2024

આઈપીએલમાં પાછો આવશે ઋષભ પંત 
એક્સિડન્ટ બાદ ઋષભ પંત આઈપીએલમાં રમવા તૈયાર છે. NCAએ તેને ફિટ જાહેર કર્યો છે. જો કે તેની વિકેટ કીપિંગ અંગે હજુ પણ શંકા છે. તમને જણાવી દઈએ કે પંતની વાપસી વિશે એવા સમાચાર પણ આવી રહ્યા છે કે આ વખતે પંત બેટ્સમેન તરીકે રમતા જોવા મળશે, પરંતુ હવે જોવાનું એ છે કે તે IPL 2024માં વિકેટ કીપિંગ કરતો જોવા મળશે કે પછી માત્ર બેટિંગ કરશે.