ગાંધીનગર / 'કાર્યકર્તા પાસેથી 4 લાખ લીધા, ખોટું મતદાન કરાવ્યું' કોંગ્રેસ ધારાસભ્ય જીજ્ઞેશ મેવાણી પર આક્ષેપ

બનાસકાંઠના વડગામના કોંગ્રેસ ધારાસભ્ય જીજ્ઞેશ મેવાણી વિવાદમાં સપડાયા છે. બનાસકાંઠાના વડગામ તાલુકાના ટોકરીયા ગામમાં ગ્રામસભામાં એવો આક્ષેપ કરવામાં આવ્યો હતો કે જીજ્ઞેશ મેવાણીએ કાર્યકર્તા પાસેથી 4 લાખ લીધા હતા તથા તેમને ઈશારે ખોટું મતદાન પણ કરાયું હતું.

પ્રદ્યુમન વાજાએ ઝાટકણી કાઢી

શિક્ષણ મંત્રી પ્રદ્યુમન વાજાએ જીજ્ઞેશ મેવાણીની ઝાટકણી કાઢી હતી. તેમણે કહ્યું કે વોટ ચોરીનો આક્ષેપ કરતાં મેવાણી ખોટું મતદાન કરાવતા અચકાતા નથી. જીજ્ઞેશ મેવાણીના ચૂંટણી પંચના આક્ષેપો નિરાધાર છે. રાજકારણમાં શુદ્ધીની વાત કરતા કોંગ્રેસે જીજ્ઞેશ મેવાણી સામે શિસ્તભંગની કાર્યવાહી કરવી જોઈએ.

સોશિયલ મીડિયામાં વાયરલ થયો વીડિયો

સોશિયલ મીડિયામાં વાયરલ થયેલા વીડિયો અનુસાર, જાહેર સભા દરમિયાન ધારાસભ્ય જીગ્નેશ મેવાણી સામે 4 લાખ રૂપિયા લીધા હોવાનો સીધો આક્ષેપ કરવામાં આવ્યો છે.

વડગામમાં યોગ્ય ગ્રાન્ટ નહીંનો પણ આરોપ

વડગામ મતવિસ્તારમાં વિકાસના કામો માટે યોગ્ય ગ્રાન્ટ ન ફાળવવામાં આવતી હોવાની પણ રજૂઆત કરાઈ હતી. જેમાં એટ્રોસિટી એક્ટના નામે સમાજના લોકોને એકબીજા વિરુદ્ધ ભડકાવીને ભાગલા પાડવાનો અને ગ્રાન્ટની રકમનો વિવેકપૂર્ણ ખર્ચ ન થતો હોવાનો પણ દાવો કરાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ