સરાહનીય / 19 નિરાધાર દીકરીઓની વ્હારે આવ્યું 'જય માડી ચેરીટેબલ ટ્રસ્ટ', યોજાયો ભવ્ય તૃતીય સમૂહ લગ્નોત્સવ

આપણે અવાર-નવાર જોયું છે કે, જ્યારે પણ સમાજમાં નિરાધાર દીકરીઓ એકલી પડી જતી હોય, ત્યારે કોઇ ને કોઇ ટ્રસ્ટ કે સેવાભાવી લોકો નિરાધાર દીકરીઓની વ્હારે આવતા હોય છે. ત્યારે આવું જ એક સત્કાર્ય તા. 12 ફેબ્રુઆરીના રોજ ખેડા જિલ્લાના ગામ મોટી ખડોલ અમરત બાપા મેલડી ધામ ખાતે કરવામાં આવ્યું. જેમાં 19 જેટલી નિરાધાર દીકરીઓએ પ્રભુતામાં પગલાં પાડ્યાં હતાં. તમને જણાવી દઇએ કે, ઉષા ફાઉન્ડેશન દ્વારા આ સત્કાર્ય કરવામાં આવ્યું હતું.

View this post on Instagram

A post shared by Sambhaav Nascent LLP (@vtv_gujarati_news)

દીકરીઓને સંપૂર્ણ કરિયાવર સહિત અપાઇ ભાવુક વિદાય

સમૂહ લગ્નોત્સવમાં 19 અનાથ તેમજ આર્થિક રીતે નબળા પરિવારની દીકરીઓને સંપૂર્ણ કરિયાવર સહિત માં મેલડીના આશીર્વાદ સાથે ભાવુક ક્ષણ સાથે વિદાય આપવામાં આવી હતી.

આ કરિયાવરમાં દરેક દીકરીને ઘરેલું જરૂરી વસ્તુઓ, તેમજ સોના-ચાંદીના દાગીના સહિત અન્ય અનેક ભેટ-સોગાદો જય માડી ચેરીટેબલ ટ્રસ્ટ થકી અર્પણ કરાઇ હતી.

અગાઉ 26 દીકરીઓના યોજાઇ ચૂક્યાં સમૂહ લગ્નોત્સવ

તમને જાણીને નવાઇ લાગશે કે આવાં સમૂહ લગ્નોત્સવનું આયોજન પ્રથમવાર નથી થયું, અગાઉ પણ બે વખત સમૂહ લગ્નોત્સવ જય માડી ચેરીટેબલ ટ્રસ્ટ દ્વારા યોજાઇ ગયા છે. જેમાં પ્રથમ સમૂહ લગ્નોત્સવમાં 11 દીકરીઓ અને પછી બીજા સમૂહ લગ્નોત્સવમાં 15 જેટલી નિરાધાર દીકરીઓના લગ્ન કરાવાયેલા, જ્યારે હવે 19 દીકરીઓને સંપૂર્ણ કરિયાવર સાથે વિદાય આપવામાં આવતા મેલડી ધામ ખાતે ભાવુક દ્રશ્યો સર્જાયેલા.

View this post on Instagram

A post shared by Sambhaav Nascent LLP (@vtv_gujarati_news)

વધુમાં આ અમરત બાપા મેલડી ધામ ખાતે ભવ્ય મહાકાળી માંનું મંદિર તથા મહાદેવજીના મંદિરનું નિર્માણ કાર્ય પણ પૂરજોશમાં ચાલી રહ્યું છે. સાથે અહીં દર રવિવારે માતાજીના આશીર્વાદ લેવા હજારોની સંખ્યામાં ભક્તો દર્શને આવતા હોય છે. જેમાં હજારો ભક્તો માટે જય માડી ચેરીટેબલ ટ્રસ્ટ દ્વારા ભોજન પ્રસાદની પણ વ્યવસ્થા કરવામાં આવે છે. ત્યારે એમ કહી શકાય કે, મહુધા નજીક મોટી ખડોલમાં આવેલું અમરતબાપા મેલડી ધામ એ ખૂબ જ ટૂંકા ગાળામાં ખેડા જિલ્લામાં એટલું વિખ્યાત થઇ ગયું છે કે ત્યાં દર રવિવારે હજારોની સંખ્યામાં ભક્તોનું માનવ મહેરામણ ઉમટે છે.