કોલકાતા / મમતા બેનરજીને માથામાં થઈ ગંભીર ઈજા, ઘરમાં ફરતાં ઊંધા માથે પડ્યાં, હોસ્પિટલમાં દાખલ

પશ્ચિમ બંગાળના મુખ્યમંત્રી મમતા બેનરજીને માથાના ભાગે ગંભીર ઈજા પહોંચી છે. ઘરમાં ચાલતી વખતે પડી જતાં તેમને કપાળના ભાગે વાગ્યું હતું અને તેમાંથી લોહી નીકળતું જોઈ શકાયું હતું. ટીએમસીએ પોતાના એક્સ હેન્ડલ પર આ જાણકારી આપી છે. ટીએમસીએ લખ્યું કે અમારા અધ્યક્ષને ગંભીર ઇજા પહોંચી છે. તેમના માટે પ્રાર્થના કરો. સીએમ મમતાની એક તસવીર પણ સામે આવી છે, જેમાં તેમના કપાળમાંથી લોહી નીકળતું જોવા મળી રહ્યું છે. તેમને કોલકાતાની એસએસકેએમ હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે.

Mamata Banerjee receives a head injury. Looks bad, but hope it isn't serious. Wishing her a very speedy recovery. https://t.co/IU8FvUxYx8

— Shiv Aroor (@ShivAroor) March 14, 2024

ઘરમાં ફરતાં પડ્યાં ઊંઘા માથે 
મમતા બેનરજી ગુરુવારે કાલીઘાટ આવાસ સંકુલમાં ફરી રહ્યાં હતા ત્યારે તેઓ લપસી પડ્યાં હતા અને ઊંઘા પડતાં કપાળમાંથી લોહી વહેવા લાગ્યું હતું આ પછી અફરાતફરી મચી હતી અને તેને તાબડતોબ કોલકાતાની એસએસકેએમ હોસ્પિટલમાં લઈ જવામાં આવ્યા હતા. 

West Bengal Chief Minister Mamata Banerjee has sustained a head injury and has been admitted to the hospital! Pray for her. #MamataBanerjee ❤️🙏 pic.twitter.com/0H8YFRVsIV

— Aarti✍️ (@ItsAarti_) March 14, 2024

ત્રીજી વાર ઘાયલ થયાં 
મમતા બેનરજી ત્રીજી વાર ઘાયલ થાયં છે. 2021માં પગમાં ગંભીર ઈજા થઈ હતી. ઘણા દિવસોની સારવાર બાદ સાજા થયાં હતા. ત્યારબાદ પશ્ચિમ બંગાળમાં વિધાનસભા ચૂંટણીનો માહોલ હતો અને નંદીગ્રામમાં ચૂંટણી પ્રચાર દરમિયાન થયેલા અકસ્માતમાં ઘાયલ થયાં હતા અને પગમાં ઈજા થઈ હતી. 2023માં પણ સિલિગુડી નજીક સિવોક એરબેઝ પર તેમના હેલિકોપ્ટરના ઇમરજન્સી લેન્ડિંગ દરમિયાન આ અકસ્માત થયો હતો જેમાં તેમને ડાબા ઘૂંટણ અને પીઠના ભાગે ઈજાઓ પહોંચી હતી.