આનંદો / LPG Gas કનેક્શન લેવા માટે સરકાર આપી રહી છે 1600 રૂપિયા, જાણો કઈ રીતે લેશો સ્કીમનો લાભ

• LPG Gas કનેક્શન માટે સરકાર આપે છે રૂપિયા
• ઉજ્જવલા સ્કીમમાં મળે છે મોટો ફાયદો
• સરકાર ગેસ કનેક્શન માટે આપશે 1600 રૂપિયા

1 ફેબ્રુઆરીએ જાહેર કરાયેલા બજેટમાં નાણામંત્રીએ એક કરોડ નવા ગેસ કનેક્શન આપવાની જાહેરાત કરી છે. આ ગેસ કનેક્શનના આધારે સરકારે આ સ્કીમનો વિસ્તાર કરવાની વાત કરી છે. આ સ્કીમના આધારે ગરીબી રેખાથી નીચેના પરિવારોને ઘરેલૂ રસોઈ ગેસનું કનેક્શન અપાશે. 

મળશે 1600 રૂપિયા

પીએમ ઉજ્જવલા યોજનાના આધારે ગરીબ પરિવારોને નાણાંકીય સહાય મળે છે. તેમાં સરકારની તરફથી તેમને 1600 રૂપિયા આપવામાં આવે છે. આ રૂપિયા એલપીજી ગેસ કનેક્શન ખરીદવા માટે આપવામાં આવે છે. આ સાથે ગેસ સગડી અને પહેલી વાર એલપીજી સિલિન્ડર ભરાવવામાં આવતા ખર્ચને ચૂકવવા માટે ઈએમઆઈની સુવિધા પણ આપવામાં આવે છે. 

આ રીતે કરી શકશો એપ્લાય

• ઉજ્જવલા યોજનાના આધારે ગેસ કનેક્શન લેવા માટે બીપીએલ પરિવારથી કોઈ પણ મહિલા એપ્લાય કરી શકે છે. 
• આ માટે કેવાયસી ફોર્મ ભરીને એલપીજી સેન્ટરમાં જમા કરાવવાનું રહે છે.
• એપ્લાય કરતી સમયે તમારે કહેવાનું રહેશે કે તમારે 14.2 કિલોનો સિલિન્ડર જોઈએ છે કે 5 કિલોનો.
• ઉજ્જવલા યોજનામાં ફોર્મ તમે પીએમ ઉજ્જવલા યોજનાની વેબસાઈટથી ડાઉનલોડ કરી શકો છો. 
• આ સિવાય તમે એલપીજી સેન્ટરથી પણ લઈ શકો છો. 

આ ડોક્યૂમેન્ટ્સની રહેશે જરૂર

આ યોજનાનો લાભ લેવા માટે તમારે પંચાયત અધિકારી કે નગર નિગમ પાલિકા અધ્યક્ષનું બીપીએલ કાર્ડ, બીપીએલનું રાશનકાર્ડ, આધાર કાર્ડ, વોટરઆઈડી, પાસપોર્ટ સાઈઝ ફોટો, રાશનકાર્ડની કોપી, એલઆઈસી પોલિસી, બેંકનું સ્ટેટમેન્ટ જેવા ડોક્યૂમેન્ટ જરૂરી છે. 

કોણ કરી શકે છે અરજી

• આ યોજના માટે ફક્ત પરિવારની મહિલા અરજી કરી શકે છે.
• અરજદારની ઉંમક 18 વર્ષ હોવી જરૂરી છે. 
• આવેદક પરિવાર ગરીબી રેખાની નીચે હોવો જોઈએ.
• આવેદકનો કોઈ પણ બેંકમાં એકાઉન્ટ હોવું જરૂરી છે. 
• તેના નામ પર પહેલાથી કોઈ ગેસ કનેક્શન ન હોવું જોઈએ.

અહીંથી મળશે વધારે જાણકારી

ઉજ્જવલા યોજનાને વિશે જો તમે વધુ જાણકારી ઈચ્છો છો તો તમે પેટ્રોલિયમ અને પ્રાકૃતિક ગેસ મંત્રાલયની વેબસાઈટ http://www.petroleum.nic.in/sites/default/files/ પર જઈ શકો છો.