કોરોના વાયરસ / રાજ્યમાં લૉકડાઉનની સ્થિતિ વચ્ચે લાઈટ બિલ ભરવાની તારીખને લઇને કરાઈ મહત્વની જાહેરાત

• લાઈટ ભરવાની તારીખને લઈને ગુજરાત સરકારની જાહેરાત
• માર્ચ અને એપ્રિલ મહિનામાં બિલ 15 મે સુધી ભરી શકાશે
• 15 મે સુધી બિલ ભરાશે ત્યા સુધી વીજ જોડાણ નહીં કપાય

રાજ્યમાં લૉકડાઉનની સ્થિતિ વચ્ચે ગઇકાલે રાજ્ય સરકારે રાજ્યના 60 લાખ કુટુંબને એક માસનું અનાજ મફત મળશે તેવી જાહેરાત કરી હતી. ખેડૂતોની માગણીને પણ ધ્યાનમાં લેવામાં આવી છે. 18 દૂધ સંઘોમાં સરકારી અધિકારીઓ હાજર રહેશે. દૂધની આવક જાવક પર સરકાર નજર રાખશે. ત્યારે આજે રાજ્ય સરકાર દ્વારા લાઈટ બિલ ભરવાને લઇને નિર્ણય લેવાયો છે.

માર્ચ અને એપ્રિલ મહિનામાં બિલ 15 મે સુધી ભરી શકાશે. 15 મે સુધી બિલ ભરાશે ત્યાં સુધી વીજ જોડાણ નહીં કપાય. ઉદ્યોગકારો, દુકાનદારો, વેપારીઓને પણ રાહત અપાઈ છે. એપ્રિલ મહિનાના બિલમાં માત્ર વપરાશનુ બિલ લેવામાં આવશે. મિનિમમ બિલ લેવામાં નહીં આવે.

આજથી પેટ્રોપપંપ 8 કલાક જ ચાલુ રાખી શકાશે

આજથી રાજ્યમાં પેટ્રોલ પંપ પર 8 કલાક જ પેટ્રોલ મળશે. લૉકડાઉનને કારણે આજથી આઠ કલાક જ ચાલુ રાખી પેટ્રોલપંપ શકાશે. કોરોનાની દહેશતને લઇ પેટ્રોલ પંપોના સમયમાં પણ ફેરફાર કરવા માટે આદેશ કરાયા છે. લૉકડાઉનની સ્થિતિને ધ્યાને રાખી સમયમાં ફેરફાર કરવાનો નિર્ણય લેવાયો છે. જે મુજબ હવે સવારે 8.00થી સાંજે 4.00 કલાક સુધી પેટ્રોલપંપ ચાલુ રાખી શકાશે. લૉકડાઉન રહે ત્યાં સુધી નિર્ણયનું કડક પાલન કરવાનું રહેશે. પેટ્રોલપંપોને પુરતો સ્ટોક રાખવા માટે પણ સૂચન અપાયા છે.

મહત્વનું છે કે, ગુજરાત રાજ્યમાં કોરોનાનો કહેર યથાવત જોવા મળી રહ્યો છે. ગુજરાતમાં કોરોના કેસના દર્દીઓની સંખ્યામાં વધારો થઈ રહ્યો છે. અત્યાર સુધી રાજ્યમાં કોરોના પોઝિટીવ દર્દીઓની સંખ્યા 44 થઈ છે.