રેસિપી / ઘરે શાક ના હોય તો ફટાફટ બનાવી લો આ કાઠિયાવાડી દહીં તિખારી, એકવાર ખાશો તો આંગળા ચાટતા રહી જશો

સામગ્રી

1 કપ દહીં
6 કળી લસણ
1 ચમચી લાલ મરચું
1 ચમચી ધાણાજીરું
કોથમીર
હીંગ

રીત

સૌથી પહેલાં લસણની ચટણી તૈયાર કરવી. તેના માટે ખાયણીમાં 6 કળી લસણની કળી અને 1 ચમચી લાલ મરચું લઈને ખાંડી લેવું. હવે એક પેનમાં 2 ચમચી તેલ એડ કરો. ગેસ મીડિયમ રાખો. તેમાં ચપટી હીંગ નાખો અને પછી તેમાં વાટેલી લસણની ચટણી તેલમાં એડ કરી લો. પછી તેને સારી રીતે સાંતળી લો. હવે આ સમયે મસાલામાં અડધી ચમચી હળદર, 1 ચમચી ધાણાજીરું, અડધી ચમચી શેકેલા જીરાનો પાઉડર અને સ્વાદ પ્રમાણે મીઠું એડ કરી તેલમાં મસાલો સાંતળી લો. હવે આ સમયે 1 કપ જાડું અને મોડું દહીં એડ કરો. દહીંમાં પાણી ન હોવું જોઈએ. હવે ફટાફટ મસાલામાં દહીંને ચલાવો. બરાબર મિક્સ કરી લો અને ગેસ બંધ કરી દો. છેલ્લે તેને કોથમીરથી ગાર્નિશ કરો.