- 'કૌન બનેગા કરોડપતિ'ની સીઝન 15ની લોકો આતુરતાથી રાહ જોઈ રહ્યા
- બોલિવૂડના મેગાસ્ટાર અમિતાભ બચ્ચન શો હોસ્ટ કરવા જઈ રહ્યા
- ટીવી પરના સૌથી લોકપ્રિય શોમાંથી એક છે KBC
અમિતાભ બચ્ચનના લોકપ્રિય શો 'કૌન બનેગા કરોડપતિ'ની સીઝન 15ની લોકો આતુરતાથી રાહ જોઈ રહ્યા છે. નોંધનીય છે કે ચેનલે અગાઉ કેટલાક પ્રોમો શેર કર્યા હતા જેમાં સેટની ઝલક જોવા મળી હતી. 'KBC 15' આ વખતે પણ બોલિવૂડના મેગાસ્ટાર અમિતાભ બચ્ચન હોસ્ટ કરવા જઈ રહ્યા છે.
ટીવી પરના સૌથી લોકપ્રિય શોમાંથી એક છે KBC
'કૌન બનેગા કરોડપતિ' ટીવી પરના સૌથી લોકપ્રિય શોમાંથી એક છે. જ્યારે પણ તે શરૂ થાય છે તે TRP લિસ્ટમાં ટોપમાં સ્થામ મેળવી લે છે એવામાં બિગ બીનો શો ટીઆરપી લિસ્ટમાં ધમાલ મચાવવા માટે તૈયાર છે. જણાવી દઈએ કે આ શોનો નવો પ્રોમો રિલીઝ થઈ ગયો છે. આ સાથે એ પણ જણાવવામાં આવ્યું છે કે 'કૌન બનેગા કરોડપતિ' ક્યારે અને કયા સમયે બતાવવામાં આવશે. આ દરમિયાન શોના નવા પ્રોમોએ સોશિયલ મીડિયા પર ધૂમ મચાવી છે.
અમિતાભ બચ્ચન એનર્જીથી ભરેલા જોવા મળ્યા
અમિતાભ બચ્ચન ફરી એકવાર દર્શકોનું મનોરંજન કરવા ટીવી પર આવી રહ્યા છે. પ્રોમો રિલીઝ થવાની સાથે જ તારીખની સત્તાવાર જાહેરાત કરવામાં આવી છે. વીડિયોની શરૂઆતમાં કહેવાયું છે કે, 'જ્ઞાનનો સૌથી મોટો અધ્યાય ફરી શરૂ થઈ રહ્યો છે.'અમિતાભ સંપૂર્ણ એનર્જી સાથે સ્ટેજ પર આવે છે અને કહે છે, 'આ નવા યુગમાં તમારા બધાનું સ્વાગત છે, એક નવા અભિગમ સાથે, 5G સ્પીડમાં અપગ્રેડ થઈ રહ્યાં છે.
'KBC' ફરી શરૂ થવા જઈ રહ્યું છે
જણાવી દઈએ કે 'કૌન બનેગા કરોડપતિ 15' 14 ઓગસ્ટથી ટેલિકાસ્ટ થશે. તેને સોમવારથી શુક્રવાર રાત્રે 9 વાગ્યે સોની એન્ટરટેઈનમેન્ટ ટીવી પર જોઈ શકો છો. ચેનલે કેપ્શનમાં લખ્યું કે, ' જ્ઞાનદાર, દાનદાર અને શાનદાર રીતે કૌન બનેગા કરોડપતિ તમને મળવા માટે નવા સ્વરૂપમાં આવી રહ્યું છે.' નોંધનીય છે કે 'કૌન બનેગા કરોડપતિ' વર્ષ 2000માં શરૂ થઈ હતી. KBCની 15મી સીઝન સોની ચેનલ પર ટેલિકાસ્ટ થશે.
