અડગ / Video: ભગવાને બે હાથ ટૂંકા આપ્યા, છતા ચલાવે છે ટ્રેક્ટર : અરવલ્લીના કનુ ડામોરની ગજબની હિંમત

•  એક વેંતના હાથથી જીતવી છે દુનિયા
• અરવલ્લીના કનુ ડામોરની ગજબની હિંમત
• હિંમત છે હિમાલય જેવી

કોશિશ કરનારની ક્યારેય હાર નથી થતી. એ કહેવત તો તમે સાંભળી જ હશે. આ કહેવત સાર્થક થઈ રહી છે અરવલ્લી જિલ્લાના મેઘરજ તાલુકાના લાલાકૉપા ગામમાં. દ્રશ્યમાં દેખાતા આ ચે કનુ ડામોર. જે વિકલાંગ લોકોને પ્રોત્સાહન આપી રહ્યા છે. કનુ ડામોર વિકલાંગ છે. તેમના બન્ને હાથ માત્ર એક જ વેંતના છે. તેમની હાઈટ પણ ઓછી છે.. જોકે તેમની કામ કરવાની ધગશ અને હિંમત હિમાલય પહાડ જેવી છે. જો કનુ ડામોર કોઈ એક કામ ધારી લે તો કરીને જ જંપે  છે.  

ભગવાને આપ્યા બે હાથ ટૂંકા..પણ જિંદગી જીવતા શીખી ગયા
કનુભાઈને ભગવાને અપંગતા તો આપી. પણ સાથે જ જિંદગી જીવતા પણ શીખવાડી દીધું.  કનુ ડામોરનો જ્યારે જન્મ થયો ત્યારે પરિવારમાં ખુશીનો માહોલ હતો. પણ દીકરાની ઉંમર વધતી ગઈ તેમ તેમનો શારીરિક વિકાસ તો થયો. પણ બન્ને હાથની લંબાઈ ન વધી.. જેથી માતા-પિતા ચિંતિત હતા. કનુભાઈ 5 વર્ષના થયા તે સમયે અભ્યાસ માટે શાળાએ જવા જીદ કરી. અને આખરે માતા-પિતા માની ગયા. અભ્યાસમાં કનુંભાઈની રૂચી વધતી ગઈ અને ટૂંકા હાથ હોવા છતાં અનેક પ્રયાસો બાદ લખતા પણ શીખી ગયા. કનુભાઈ અનેક પ્રકારની પ્રવૃત્તિઓમાં પણ પારંગત છે. કનુભાઈએ એમ.એ. બી.એડ સુધી અભ્યાસ કર્યો છે. પણ તેમના ટૂંકા હાથના કારણે ક્યાંય નોકરી ન મળી શકાય તેમના પિતા ખેડૂત હતા. જેથી કનુભાઈએ ખેતી કરવાનું પસંદ કર્યું. અને બાદમાં ખેતીમાં હાથ અજમાવ્યો.

ખેતી કરીને જીવન ગુજારે છે કનુભાઈ
હવે તમે વિચારશો કે એક વેંતના હાથથી કોઈ વ્યિક્ત ખેતી કરી શકે ખરું, પણ એ કરી બતાવ્યું છે કનુ ડામોરે, કનુ ડામોર એક વેંતના હાથ હોવા છતાં સરળતાથી ટ્રેક્ટર ચલાવે છે. એટલું જ નહીં ટ્રેક્ટરથી ખેતર પણ ખેડે છે. હિંમત હાર્યા વિના કનુભાઈ કરિયાણાની દુકાન પણ ચલાવે છે. અને દુકાનનું નામું પણ જાતે જ લખે છે. સામાજિક રીત રીવાજ મુજબ તેમને લગ્ન પણ કર્યા અને હાલ ત્રણ સંતાન પણ છે. જોકે કનુભાઈ ખેતી અને ધંધો કરીને પોતાના પરિવારની તમામ જરૂરિયાતોનું ધ્યાન રાખીને સુખી જીવન જીવી રહ્યા છે. જેના પગલે કનુ ડામોર અન્ય દિવ્યાંગ લોકો માટે પણ પ્રેરણાદાયક બન્યા છે.