સ્પોર્ટ્સ / ચિત્તાની ઝડપે પાછળ છલાંગ લગાવી લપકી લીધો કેચ! ક્રિકેટ જગતના જાદુઇ કેચનો વીડિયો જોવા જેવો

અબુ ધાબીમાં રમાયેલી T10 લીગ મેચમાં દક્ષિણ આફ્રિકાના પૂર્વ કેપ્ટન ફાફ ડુપ્લેસિએ ફરી એકવાર પોતાની ફિલ્ડિંગની કમાલ બતાવી અને બતાવ્યુ કે 40 વર્ષની ઉંમરમાં પણ તેની ફિટનેસ કોઈપણ યુવા ખેલાડી જેટલી સારી છે.

રમતગમતની દુનિયામાં ખેલાડીની વધતી ઉંમરને બદલે તેની ક્ષમતાને મહત્વ આપવા પર ભાર મૂકવામાં આવે છે. તેમ છતાં જો આપણે ક્રિકેટ જેવી રમતની વાત કરીએ તો ખેલાડીઓની ઉંમર વધવાની સાથે તેમની ક્ષમતા પર વારંવાર સવાલો ઉભા થાય છે. પરંતુ એક 40 વર્ષનો ખેલાડી એવો પણ છે જે મેદાન પર ચિત્તાની જેમ ચપળ છે અને સૌથી મુશ્કેલ કેચ પણ લપકી લે છે. અમે અહીં જે 40 વર્ષીય ચિત્તા વિશે વાત કરી રહ્યા છીએ તે છે ફાફ ડુપ્લેસિ, જેણે ફરી એક ચોંકાવનારો કેચ કર્યો છે.

આંતરરાષ્ટ્રીય ક્રિકેટ અને ઈન્ડિયન પ્રીમિયર લીગ સહિત વિશ્વભરની વિવિધ T20 લીગમાં પોતાની ફિલ્ડિંગની ક્ષમતા સાબિત કરનાર દક્ષિણ આફ્રિકાના દિગ્ગજ બેટ્સમેન ડુ પ્લેસિસે ફરી એકવાર પોતાનો જાદુ બતાવ્યો. દક્ષિણ આફ્રિકાના પૂર્વ કેપ્ટને અબુ ધાબીમાં રમાયેલી T10 લીગ મેચમાં પાછળની તરફ દોડીને આવો કેચ લીધો, જેને જોઇને આંખોથી યકીન કરવું મુશ્કેલ છે. ખાસ કરીને 40 વર્ષની ઉંમરે તે પણ એવા ખેલાડીથી જે આંતરરાષ્ટ્રીય ક્રિકેટથી દૂર છે અને ટી20 અથવા T10 લીગમાં જ ક્યારેક જોવા મળે છે.

ડુપ્લેસિ ફરી એક ચોંકાવનારો કેચ લપક્યો

તેમ છતાં ફાફ ડુપ્લેસિ દરેકથી અલગ છે. ઘણા યુવા ખેલાડીઓ તેની ફિટનેસની સરખામણીમાં નિસ્તેજ છે અને ફિલ્ડિંગમાં તેના જેવા ઘણા ઓછા છે. IPLમાં વારંવાર ચોંકાવનારા કેચ લેનાર ડુપ્લેસિનો આ નવો ચમત્કાર સોમવાર 1 ડિસેમ્બરે જોવા મળ્યો. અબુ ધાબી T10 લીગમાં મોરિસ સેમ્પ આર્મી તરફથી રમતા ડુપ્લેસિ બીજી ક્વોલિફાયર મેચમાં દિલ્હી બુલ્સના પાકિસ્તાની ઓલરાઉન્ડર શાદાબ ખાનનો આ કેચ લપક્યો હતો. શાદાબે કવર્સ તરફ હવામાં એક શોટ રમ્યો, જ્યાં તૈનાત ડુ પ્લેસિસ થોડાક ડગલાં પાછળ દોડ્યો અને પછી એ જ દિશામાં ડાઇવિંગ કરીને એક હાથે કેચ લઈને બધાને ચોંકાવી દીધા. તેનો કેચ જોઈને તમામ ખેલાડીઓ ડુપ્લેસીસ તરફ દોડ્યા.

આ પણ વાંચોઃ ધીરજનાં ફળ મીઠાં! રોહિત શર્માએ 10 વર્ષ બાદ ચાહકોને આપ્યા ઓટોગ્રાફ, હસતો વીડિયો વાયરલ

ફરી તે પોતે જ શિકાર બન્યો, ટીમ હારી ગઈ

ડુપ્લેસિસની ટીમે ક્વોલિફાયર મેચ જીતીને ફાઇનલમાં જગ્યા બનાવી લીધી હતી, પરંતુ ફાઇનલમાં ડુપ્લેસિસ પોતે અકલ્પનીય કેચ પર આઉટ થયો હતો. ડેક્કન ગ્લેડીયેટર્સ સામેની ફાઇનલમાં ડુ પ્લેસિસે 23 બોલમાં 34 રન બનાવ્યા અને પછી ડીપ મિડવિકેટ બાઉન્ડ્રી પર આઉટ થયો. જોસ બટલરે દોડીને બાઉન્ડ્રી લાઇનની ખૂબ નજીક લાંબો ડાઇવ લઈને આ કેચ લીધો હતો. મોરિસવિલે માત્ર 104 રન બનાવ્યા અને ડેક્કને 7 ઓવરમાં 110 રન બનાવ્યા અને ટાઇટલની સાથે મેચ જીતી લીધી.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ