બોલિવૂડ / જ્હાન્વીની ફિલ્મ 'ઉલજ' ગઈ તો અજયની ફિલ્મનો પણ 'દમ' નીકળ્યો, બીજા દિવસનું કલેક્શન ખરાબ

બોલિવૂડની બે મોટી ફિલ્મો બોક્સ ઓફિસ પર કમાણીના મામલે જોઇએ તેવી હિટ જોવા નથી મળી રહી. જાહ્વવી કપૂરની ફિલ્મ ઉલજ અને અજય દેવગન અને તબ્બુની ફિલ્મ ઓરો મે કહા દમ થા બોક્સ ઓફિસ પર કમાણીના મામલે કેવી રહી જાણીએ.

જાન્હવી કપૂરની ફિલ્મ પોતાનામાં જ ફસાઈ

જાહ્નવી કપૂરની એક્શન થ્રિલર-ડ્રામા 'ઉલજ' મોટા પડદા પર આવી ગઈ છે. આ ફિલ્મની રીલિઝ પહેલા ખૂબ જ ચર્ચા હતી. પરંતુ રીલીઝ બાદ સ્થિતિ જુદી જ લાગે છે. જાહ્નવીની આ ફિલ્મને દર્શકોનો સારો પ્રતિસાદ નથી મળી રહ્યો અને તે સારી કમાણી પણ નથી કરી રહી. આ વર્ષે રિલીઝ થયેલી જાહ્નવીની આ બીજી ફિલ્મ છે. આ પહેલા તેની રાજકુમાર રાવ સાથેની ફિલ્મ 'મિસ્ટર એન્ડ મિસિસ માહી' રિલીઝ થઈ હતી. જેનું ઓપનિંગ ડે કલેક્શન 'ઉલજ' કરતાં ઘણું સારું હતું. ફિલ્મે પહેલા દિવસે 6.75 કરોડની કમાણી કરી હતી. પરંતુ 'ઉલજ' બીજા દિવસે પણ આટલી કમાણી કરી શકી નથી.

જોકે, પહેલા દિવસથી 'ઉલજ' ના બીજા દિવસના કલેક્શનમાં થોડો વધારો થયો છે. આ ફિલ્મે પહેલા દિવસે 1 કરોડ 15 લાખ રૂપિયાની કમાણી કરી હતી. ફિલ્મે પહેલા દિવસની સરખામણીએ બીજા દિવસે 55 લાખ રૂપિયા વધુ કમાણી કરી હતી. ‘ઉલજે’ બે દિવસમાં 2 કરોડ 85 લાખ રૂપિયાનું કલેક્શન કર્યું છે. હવે જોવાનું એ રહેશે કે વિકેન્ડના બીજા દિવસે એટલે કે રવિવારે જાહ્નવીની 'ઉલજ' શું અજાયબી કરે છે. એવી આશા છે કે રવિવારની રજાના કારણે ફિલ્મને ફાયદો થઈ શકે છે. જોકે, બે દિવસમાં જે સ્થિતિ જોવા મળી છે તે જોઈને મેકર્સ અને સ્ટાર્સ એકદમ નિરાશ છે. આ ફિલ્મ બનાવવા માટે મેકર્સે લગભગ 50 કરોડ રૂપિયાનું રોકાણ કર્યું છે.

‘ઔર મેં કૌન દમ થા’ એ બે દિવસમાં કુલ 4 કરોડ રૂપિયાની કમાણી કરી

અજય દેવગન અને તબ્બુની ફિલ્મ 'ઓરોં મેં કહાં દમ થા' 2 ઓગસ્ટે સિનેમાઘરોમાં રિલીઝ થઈ છે. વર્ષો પછી બંને એક રોમેન્ટિક ફિલ્મ લઈને આવ્યા છે. પરંતુ તેની કમાણી નિર્માતાઓને નિરાશ કરી રહી છે. આ ફિલ્મ તેના શરૂઆતના દિવસે સારી કમાણી કરી શકી ન હતી અને હવે તેનું બીજા દિવસનું કલેક્શન પણ સામે આવ્યું છે.

તબ્બુ અને અજયની જોડીને દર્શકો ખૂબ પસંદ કરે છે, પરંતુ આ વખતે તેમની જોડી કંઈ કમાલ કરે તેવું લાગતું નથી. અજય દેવગનની આ વર્ષની આ ત્રીજી ફિલ્મ છે. તેની પહેલી ફિલ્મ 'મેદાન'એ બોક્સ ઓફિસ પર ખરાબ કમાણી કરી હતી. પરંતુ હવે તેની ‘ઔર મેં કૌન દમ થા’ની હાલત ‘મેદાન’ કરતા પણ ખરાબ લાગી રહી છે. ફિલ્મે પહેલા દિવસે માત્ર 1 કરોડ 85 લાખ રૂપિયાનું કલેક્શન કર્યું હતું, જ્યારે ફ્લોપ હોવા છતાં 'મેદાન' એ પહેલા દિવસે 7 કરોડ રૂપિયાથી વધુનો બિઝનેસ કર્યો હતો. અજયના કરિયરમાં 14 વર્ષ બાદ જોવા મળ્યું છે કે તેની એક ફિલ્મની શરૂઆત એટલી ખરાબ રહી હતી.

15મી ઓગસ્ટ પહેલા

‘ઔર મેં કૌન દમ થા’ એ બે દિવસમાં કુલ 4 કરોડ રૂપિયાની કમાણી કરી લીધી છે. હવે જોવાનું એ રહેશે કે રવિવારે ફિલ્મ કેવું કલેક્શન કરે છે. 15 ઓગસ્ટે સિનેમાઘરોમાં એક સાથે ઘણી ફિલ્મો રિલીઝ થશે. આવી સ્થિતિમાં અજયની ફિલ્મે તે પહેલા બિઝનેસ કરવો પડશે. અન્યથા તે પછી ફિલ્મ વધુ મુશ્કેલ બની જશે. આવી સ્થિતિમાં જ્યાં ‘ઔર મેં કૌન દમ થા’ હમણાં જ ‘ઉલજ’ સાથે ટકરાઈ. આ પછી તેને ઘણી ફિલ્મોનો સામનો કરવો પડશે.

‘ઔર મેં કહાં દમ થા’નું બજેટ લગભગ 100 કરોડ રૂપિયા આસપાસ છે. આવી સ્થિતિમાં મોટા બજેટમાં બનેલી અજયની ફિલ્મે બીજા દિવસે માત્ર 2 કરોડ 15 લાખ રૂપિયાનું કલેક્શન કર્યું હતું. અજય દેવગનની આ એવી ફિલ્મ બની છે, જેણે વર્ષો પછી આટલી નબળી કમાણી કરી છે.

વધું વાંચોઃ વાયનાડની ત્રાસદી જોઈ પુષ્પાનું હૈયું પીગળ્યું, અલ્લું અર્જુને કરી મદદની જાહેરાત

અગાઉ અજયની 2010માં આવેલી ફિલ્મ 'ટૂનપુર કા સુપરહીરો'ની ઓપનિંગ એટલી નબળી રહી હતી કે તેણે પહેલા દિવસે માત્ર 44 લાખ રૂપિયાની કમાણી કરી હતી. આ પછી અજયે ઘણી ફિલ્મો કરી. આમાંથી કેટલીક હિટ રહી હતી તો કેટલીક ફ્લોપ પણ હતી. પણ આટલો ઓછો ધંધો કોઈએ કર્યો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ