Gujarat Rain News: ગુજરાતમાં સતત બીજા દિવસે અનરાધાર વરસાદ વરસી રહ્યો છે. મેઘરાજાએ ખાસ કરીને જૂનાગઢ જિલ્લાને પાણી-પાણી કરી નાખ્યો છે. ભારે વરસાદના કારણે ગુજરાતના કુલ 206 ડેમ પૈકી 18 ડેમ હાઈ એલર્ટ, વાર્નિંગ સ્થિતિમાં મુકાયા છે.
Share
સાર્વત્રિક વરસાદના પરિણામે ખેડૂતો ખુશખુશાલ
ગુજરાતમાં સિઝનનો કુલ વરસાદ 10 ઈંચ જેટલો થયો
વરસાદી માહોલ વચ્ચે અનેક ધોધ જીવંત બન્યા
ધોધમાંથી વરસાદી પાણી વહી રહ્યા હોય નયનરમ્ય દ્રશ્યો સર્જાયા
ચોમાસાની એન્ટ્રી થતાંની સાથે જ મેઘરાજા ગુજરાતને ઘમરોળી રહ્યા છે. રાજ્યભરમાં સાર્વત્રિક વરસાદના પરિણામે ખેડૂતો ખુશખુશાલ થઈ ગયા છે. ભારે વરસાદના કારણે પાણીની આવક વધતાં નદીઓ બંને કાંઠે વહેતી થઈ છે. મેઘરાજાની દે ધનાધન બેટિંગના કારણે ગુજરાતમાં કુલ 218 રસ્તાઓ બંધ કરવામાં આવ્યા છે. વરસાદી પાણી ફરી વળતા અનેક ઠેકાણે રસ્તાઓને ભારે નુકસાનના અહેવાલ છે.
સિઝનનો નોંધાયો 28 ટકા વરસાદ
ગાંધીનગર સ્થિત સ્ટેટ ઈમરજન્સી ઓપરેશન સેન્ટરના સૂત્રોના જણાવ્યા અનુસાર, આજે સવારે 6 વાગ્યે પૂરા થયેલા છેલ્લા 24 કલાક દરમિયાન રાજ્યના 225 તાલુકા પૈકી 200 તાલુકામાં ઝરમર વરસાદથી અતિભારે વરસાદ વરસ્યો હતો. જ્યારે ગુજરાતમાં સિઝનનો કુલ વરસાદ 10 ઈંચ જેટલો થયો છે. જે લગભગ 28 ટકા વરસાદ પડ્યો હોવાનું દર્શાવે છે.
206 ડેમ પૈકી 18 ડેમ હાઈ એલર્ટ પર
રાજ્યમાં પડતા વરસાદના પગલે કચ્છના ચાર અને સૌરાષ્ટ્રના ત્રણ એમ કુલ 7 ડેમ ઓવરફ્લો થયા છે. ગુજરાતના કુલ 206 ડેમ પૈકી 18 ડેમ હાઈ એલર્ટ, વાર્નિંગ સ્થિતિમાં મુકાયા છે. ગુજરાતમાં ધોધમાર વરસાદ બાદ અનેક નદીનાળા વહેતા થયા છે. વરસાદી માહોલ વચ્ચે અનેક ધોધ જીવંત બન્યા છે. હાલ અનેક ધોધમાંથી વરસાદી પાણી વહી રહ્યા હોય નયનરમ્ય દ્રશ્યો સર્જાયા છે. આ તરફ ડાંગ જિલ્લામાં સાર્વત્રિક વરસાદને પગલે અનેક ધોધ સક્રિય થયા છે. નદીઓમાં નવા નીર આવતા અનેક ચેકડેમો ઓવરફ્લો થયા. આ તરફ ગિરનારમાં પણ ભારે વરસાદ નોંધાયો છે.
વિસાવદર 16 ઈંચ વરસાદ
જૂનાગઢ જિલ્લામાં મેઘરાજાએ અપાર સ્નેહ દાખવ્યો હોઈ આ જિલ્લામાં વિસાવદર તાલુકામાં આજે સવારે 6 વાગ્યે પૂરા થયેલા છેલ્લા 24 કલાકમાં કુલ 16 ઈંચ વરસાદ ખાબક્યો હતો. જેને લઈ ગિરનાર પર્વત અનેક નયનરમ્ય ઝરણા વહી રહ્યાં છે. આ સાથે ગિરનાર પર્વત પર સતત પડી રહેલા વરસાદથી ધોધ જીવીત થયા છે. ગિરનાર પર્વત ઝરણાંમય બની ગયો હોય તેવા દ્રશ્યો સર્જાયા છે. જેને લઈ યાત્રીઓ મુશળધાર વરસાદમાં પણ યાત્રા કરવા પહોંચ્યા છે.
અમરેલીના ચલાલા પંથકમાં ધોધમાર વરસાદના કારણે વાવડી ગામમાં આવેલું ST બસ સ્ટેન્ડ એકઝાટકે પાણીમાં ગરકાવ થઇ જાય છે. જેનો વીડિયો સામે આવ્યો છે.
વાવ્યા ખાડીમાં ઘોડાપૂર આવતા લો લેવલ બ્રિજ જળમગ્ન, એકસાથે 10 ગામોને અસર
વલસાડના કપરાડામાં ભારે વરસાદના કારણે કોલક નદી પર આવેલો કોઝવે પાણીમાં ગરકાવ થઇ ગયો. આથી ખડકવાલ અને રોહિયાળ ગામ સંપર્ક વિહોણાં બન્યા.
ચાંગોદરમાં હજુ પણ ભરાયેલા છે ઘૂંટણસમા પાણી
મુશળધાર વરસાદ ખાબકતા શિંગોડા નદીએ રૌદ્ર રૂપ ધારણ કર્યું છે. જેના કારણે કોઝવે પર ગાય તણાઈ છે. જનો વીડયો વાયરલ થયો છે.
અમરેલીના ચલાલા પંથકમાં ધોધમાર વરસાદના કારણે વાવડી ગામમાં આવેલું ST બસ સ્ટેન્ડ એકઝાટકે પાણીમાં ગરકાવ થઇ જાય છે. જેનો વીડિયો સામે આવ્યો છે.
