ટેક્નોલોજી / Instagramની પ્રાઇવેસી હવે ખતમ! Metaએ કર્યું મોટું એલાન, હટી જશે આ ફીચર્સ

સોશિયલ મીડિયા પ્લેટફોર્મ Instagramને એક મોટા સમાચાર સામે આવ્યા છે. કંપનીએ ઓફિશિયલી રીતે પુષ્ટિ આપી છે કે, ઇન્સ્ટાગ્રામ પર એન્ડ-ટુ-એન્ડ એન્ક્રિપ્ટેડ ચેટ સુવિધા 8 મે, 2026 પછી બંધ કરવામાં આવશે. આનો અર્થ એ છે કે આ તારીખ પછી, આ સુરક્ષા ફીચર ઇન્સ્ટાગ્રામના ડાયરેક્ટ મેસેજ (DM) માં ઉપલબ્ધ રહેશે નહીં.

આ માહિતી ઇન્સ્ટાગ્રામના જ ઓફિશિયલ હેલ્પ પેજ પર આપવામાં આવી છે, જ્યાં સ્પષ્ટપણે જણાવવામાં આવ્યું છે કે 8 મે, 2026 પછી, ઇન્સ્ટાગ્રામ પર એન્ડ-ટુ-એન્ડ એન્ક્રિપ્ટેડ મેસેજિંગને સપોર્ટ કરવામાં આવશે નહીં. જો કોઈ યુઝરની ચેટ આ ફીચર હેઠળ હશે, તો તેમને પહેલાથી નોટિફિકેશન મળશે અને તેઓ તેમનો ચેટ ડેટા પણ ડાઉનલોડ કરી શકશે.

શું હોય છે એન્ડ ટૂ એન્ડ એન્ક્રિપ્શન

એન્ડ-ટુ-એન્ડ એન્ક્રિપ્શનએ એક ટેકનોલોજી છે જે મોકલનાર અને મેળવનાર સિવાય અન્ય કોઈ ત્રીજી વ્યક્તિ પણ વાંચી નહીં શકે. પ્લેટફોર્મ ઓપરેટર પણ મેસેજીસ જોઈ શકાશે નહીં. આ ટેકનોલોજી મોકલવામાં આવે ત્યારે સંદેશાઓને કોડમાં રૂપાંતરિત કરે છે અને ફક્ત પ્રાપ્તકર્તાના ઉપકરણ પર જ તેને ડિક્રિપ્ટ કરે છે.

આ કારણોસર, તેને ડિજિટલ દુનિયામાં સૌથી મજબૂત પ્રાઇવસી સુરક્ષામાંનું એક માનવામાં આવે છે. Signal અને WhatsApp જેવા ઘણા મેસેજિંગ પ્લેટફોર્મ, યૂઝર્સની વાતચીત સંપૂર્ણપણે ખાનગી રહે તેની ખાતરી કરવા માટે આ ટેકનોલોજીનો ઉપયોગ કરે છે.

ઇનસ્ટાગ્રામમાં ક્યારે આવશે આ ફીચર ?

ઇન્સ્ટાગ્રામે 2023 ની આસપાસ તેની મેસેજિંગ સિસ્ટમમાં એન્ડ-ટુ-એન્ડ એન્ક્રિપ્શન ફીચર જોડવાનું શરૂ કર્યું. શરૂઆતમાં, આ ફીચર દરેક માટે ડિફોલ્ટ નહોતી; તેના બદલે, યૂઝર્સએ તેને વ્યક્તિગત રીતે સક્ષમ કરવું પડતું હતું. એકવાર સક્ષમ થયા પછી, વાતચીતો એક અલગ એન્ક્રિપ્ટેડ ચેટમાં યોજાતી હતી, જેમાં વધારાના સુરક્ષા વિકલ્પો ઓફર કરવામાં આવતા હતા. જો કે, કંપનીએ હવે તેને સંપૂર્ણપણે હટાવાનો નિર્ણય લીધો છે.

મેટાએ કેમ લીધો આ નિર્ણય ?

ઇન્સ્ટાગ્રામની પેરેન્ટ કંપની Meta કહે છે કે, આ સુવિધાનો ઉપયોગ ખૂબ ઓછા લોકો કરી રહ્યા હતા, તેથી કંપનીએ તેને બંધ કરવાનો નિર્ણય લીધો છે. કંપની યૂઝર્સને અગાઉથી નોર્ટિફિકેશન પણ મોકલી રહી છે જેથી તેઓ ઈચ્છે તો તેમની એન્ક્રિપ્ટેડ ચેટ્સ અને મીડિયા ફાઇલો ડાઉનલોડ કરી શકે.

શું ઇન્સ્ટાગ્રામ યૂઝર્સ કે મેસેજ ડેટાથી Meta AI થશે ટ્રેન?

જ્યારે મેટા ઓફિશિયલ રીતે આ નિર્ણયને ઘટાડેલા યૂઝને જોડે છે, ત્યારે ટેક ઉદ્યોગમાં એવી ચર્ચા પણ વધી રહી છે કે એન્ક્રિપ્શન દૂર કરવાથી પ્લેટફોર્મ માટે મેસેજિંગ ડેટા પર પ્રક્રિયા કરવાનું સરળ બનશે.

એન્ડ-ટુ-એન્ડ એન્ક્રિપ્શન સાથે પ્લેટફોર્મ પોતે યૂઝર્સના મેસેજ વાંચી શકતું નથી, જેના કારણે કોઈપણ પ્રકારના વિશ્લેષણ માટે અથવા AI સિસ્ટમ્સને સુધારવા માટે તે ડેટાનો ઉપયોગ અશક્ય બને છે.

એક્સપર્ટ માને છે કે એન્ક્રિપ્શન દૂર કર્યા પછી, પ્લેટફોર્મમાં તકનીકી રીતે સંદેશાઓ સ્કેન કરવાની અને ડેટાને પ્રોસેસ કરવાની ક્ષમતામાં વધારો થયો છે.

આ કંપનીઓને મેસેજિંગ સિસ્ટમ સુધારવા, કંટેંટ મોડરેશન કરવા અથવા AI મોડેલ્સને તાલીમ આપવા માટે ડેટાનો ઉપયોગ કરવાની મંજૂરી આપે છે.

કેટલાક રિપોર્ટમાં એવું કહેવામાં આવ્યું છે કે, એન્ક્રિપ્શન દૂર કરવાથી પ્લેટફોર્મ માટે સંદેશાઓ સ્કેન કરવાનું અને શંકાસ્પદ અથવા ગેરકાયદેસર સામગ્રી શોધવાનું સરળ બને છે.

આ પણ વાંચોઃ હેકર્સના નિશાને કરોડો સ્માર્ટફોન, મિડિયાટેક ચિપમાં મોટી ખામી

યૂઝર્સ પર શું પડશે અસર?

8 મે 2026 પછી ઇન્સ્ટાગ્રામ પર મોકલવામાં આવતા સંદેશાઓ હવે એન્ડ-ટુ-એન્ડ એન્ક્રિપ્ટેડ રહેશે નહીં. તકનીકી રીતે, આ સંદેશાઓ પ્લેટફોર્મના સર્વર પર પ્રક્રિયા કરવામાં આવશે. જો કે, કંપનીઓ સામાન્ય રીતે દાવો કરે છે કે યૂઝર ડેટાની સુરક્ષા અને ગોપનીયતા જાળવવામાં આવે છે.

તેમ છતાં, સાયબર સિક્યોરિટી એક્સપર્ટનું માનવુ છે કે, એન્ડ-ટુ-એન્ડ એન્ક્રિપ્શન દૂર કરવાથી પ્રાઇવસી પર પ્રશ્નો ઉભા થઈ શકે છે, કારણ કે આ સુવિધા મેસેજિંગને સૌથી સુરક્ષિત બનાવે છે.

શું WhatsApp પર પણ ખતમ થશે એન્ફ્રિપ્શન?

ઇન્સ્ટાગ્રામના નિર્ણય બાદ, ઘણા યૂઝર્સ આશ્ચર્ય પામી રહ્યા છે કે શું મેટા તેના અન્ય પ્લેટફોર્મ પર પણ આવુ જ કરશે. જો કે હજી હાલમાં, આવું કઇ થવાનું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ