ક્રિકેટ / 15 ઓગસ્ટે જન્મેલા 2 ભારતીય ક્રિકેટરોએ કરી હતી ધમાકેદાર શરૂઆત, છતાં કિસ્મતે સાથ ન આપ્યો, આજે જીવી રહ્યાં છે ગુમનામ જીંદગી

• 15 ઓગસ્ટ 1947ના રોજ ભારતને આઝાદી મળી
• આ દિવસે બે ભારતીય ક્રિકેટર્સનો જન્મ થયો
• આજે ગુમનામ જીંદગી જીવી રહ્યાં છે

15 ઓગસ્ટ 1947ના રોજ ભારતને આઝાદી મળી હતી. અનેક લોકોએ કુર્બાની આપ્યા બાદ આ આઝાદી ખૂબ જ ખાસ છે, પરંતુ ક્રિકેટના હિસાબથી જોઈએ તો આ દિવસે વધુ મેચ રમવામાં આવી નથી. આ દિવસે બે ભારતીય ક્રિકેટર્સનો જન્મ થયો હતો. 

15 ઓગસ્ટના દિવસે વિજય ભારદ્વાજનો જન્મ
ભારતીય બેટ્સમેન અને ઓફ સ્પિનર વિજય ભારદ્વાજનો જન્મ 15 ઓગસ્ટ 1975ના રોજ થયો હતો. વર્ષ 199માં વિજયે કરિઅરની શરૂઆત કરી હતી. નૈરોબીમાં થયેલ ત્રિકોણીય સીરિઝમાં ભારતની સાથે સાથે કેન્યા અને સાઉથ આફ્રિકાની ટીમ પણ રમી રહી હતી. આ સીરિઝમાં વિજયે શાનદાર બોલિંગ કરી હતી અને 10 વિકેટ લીધી હતી અને અણનમ 89 રન કર્યા હતા. 

વિજય ચશ્મા પહેરીને ક્રિકેટ રમતા હતા. બેટીંગ અને બોલિંગ સમયે ચશ્મા પહેરીને શાનદાર પ્રદર્શન કરતા હતા. તેમના ભારતીય ક્રિકેટ ટીમના આગામી સ્ટાર કહેવામાં આવતા હતા, પરંતુ વિજય પોતાના કરિઅરમાં ભારત માટે માત્ર 3 ટેસ્ટ અને 10 વન ડે મેચ રમી શક્યા હતા. 

વિજયને સ્લિપ ડિસ્કની તકલીફ હતી, જેમાંથી સાજા થયા પછી આંખોનું ઓપરેશન કરાવ્યું હતું. કોઈ વ્યક્તિએ તેમને ચશ્મા દૂર કરવા માટે ઓપરેશન કરાવવાની સલાહ આપી, પરંતુ ત્યારપછી તેમની આંખોની રોશની ઓછી થઈ ગઈ. આ કારણોસર તેમનું ઈન્ટરનેશનલ કરિઅર સમાપ્ત થઈ ગયું. 

આઝાદીના દિવસે હેમલતા કાલાનો જન્મ
15 ઓગસ્ટ 1975ના રોજ ઉત્તરપ્રદેશના આગરામાં હેમલતા કાલાનો જન્મ થયો હતો. ભારતીય મહિલા ક્રિકેટ ટીમમાં મહત્ત્વપૂર્ણ ખેલાડીઓમાંથી એક હતી. હેમલતા કાલાએ વર્ષ 1999થી વર્ષ 2008 સુધી 7 ટેસ્ટ મેચ, 78 વન ડે અને એક T20 મેચ રમી હતી. હેમલતાએ ટેસ્ટ કરિઅરના અંતમાં 50થી વધુ રનની સરેરાશ કરી હતી. 

વન ડે ફોર્મેટમાં નસીબે સાથ આપ્યો નહોતો. 78 વન ડે મેચમાં 20ની સરેરાશથી માત્ર 1023 રન કરી શકી હતી. વર્ષ 2005માં મહિલા વર્લ્ડ કપ ફાઈનલમાં પહોંચનાર ટીમનો હિસ્સો રહી ચૂકી છે. વર્ષ 2021માં BCCIએ તેમને જવાબદારી સોંપી હતી. તેમને સિનિયર મહિલા ચેલેન્જર ટ્રોફી માટે ભારતીય બી ટીમના કોચ બનાવવામાં આવ્યા હતા.