સ્પોર્ટ્સ / 1 વર્ષમાં જ ભારતીય બોલરોએ કરી એવી કમાલ કે બદલી નાખ્યા તમામ આંકડા, જુઓ વિરોધી ટીમના શું હાલ કરી નાખ્યા

• ભારતીય બોલરોએ ODI વર્લ્ડ કપ 2023માં તબાહી મચાવી 
• ટૂર્નામેન્ટમાં લગભગ દરેક ટીમને સસ્તામાં આઉટ કરી દીધી 
• ભારતીય બોલરોનું શાનદાર ફોર્મ દક્ષિણ આફ્રિકામાં પણ ચાલુ 

ભારતીય બોલરોએ ODI વર્લ્ડ કપ 2023માં તબાહી મચાવી હતી. તેણે ટૂર્નામેન્ટમાં લગભગ દરેક ટીમને સસ્તામાં આઉટ કરી દીધી હતી. ભારતીય બોલરોનું આ શાનદાર ફોર્મ દક્ષિણ આફ્રિકામાં પણ ચાલુ છે. કેપટાઉન ટેસ્ટ મેચમાં ટીમ ઈન્ડિયાએ દક્ષિણ આફ્રિકાને 55 રનમાં ઓલઆઉટ કરી દીધું છે. દક્ષિણ આફ્રિકાની આખી ટીમ માત્ર 23.2 ઓવર જ બેટિંગ કરી શકી હતી. આ પ્રથમ વખત નથી. ભારતીય બોલરોએ છેલ્લા એક વર્ષમાં ઘણી વખત આવા પરાક્રમ કર્યા છે.

1 વર્ષમાં તમામ આંકડા બદલાયા

ટેસ્ટ ક્રિકેટમાં આ પહેલીવાર બન્યું છે જ્યારે કોઈ ટીમ ભારત સામે 55 રનમાં ઓલઆઉટ થઈ હોય. ત્યારે ભારત સામે વનડેમાં સૌથી નાનો સ્કોર 50 રન છે. ODI વર્લ્ડ કપ 2023 દરમિયાન શ્રીલંકાની ટીમ ભારત સામે 50 રનમાં ઓલઆઉટ થઈ ગઈ હતી. બીજી તરફ ટી20માં ભારત સામે સૌથી નાનો સ્કોર 66 રન છે. આ રેકોર્ડ ન્યૂઝીલેન્ડની ટીમના નામે છે. ખાસ વાત એ છે કે ભારત સામે ત્રણેય ફોર્મેટમાં સૌથી ઓછો સ્કોર છેલ્લા 1 વર્ષમાં આવ્યો છે.

વાંચવા જેવું : ઘાયલ શેરોનો ઘાતક વાર, બીજી ટેસ્ટમાં આફ્રિકા 55 રનમાં ઓલઆઉટ, મેચમાં મિયાં મેજિક

ન્યૂઝીલેન્ડની આખી ટીમ 66 રનના સ્કોર પર ઓલઆઉટ 

ન્યૂઝીલેન્ડે 2023ની શરૂઆતમાં ભારતનો પ્રવાસ કર્યો હતો. બંને ટીમો વચ્ચે T20I સિરીઝની ત્રીજી અને છેલ્લી મેચ અમદાવાદમાં રમાઈ હતી. આ મેચમાં પ્રથમ બેટિંગ કરતા ભારતે ન્યૂઝીલેન્ડ સામે 20 ઓવરમાં 4 વિકેટે 234 રનનો વિશાળ સ્કોર બનાવ્યો હતો. લક્ષ્યનો પીછો કરવા ઉતરેલી ન્યૂઝીલેન્ડની આખી ટીમ 66 રનના સ્કોર પર ઓલઆઉટ થઈ ગઈ હતી.

વાંચવા જેવું : AUS vs PAK: દિગ્ગજ ખેલાડીની છેલ્લી ટેસ્ટ મેચ, દીકરીઓ સાથે ઉતર્યો મેદાનમાં, તાળિયોથી ગુંજી ઉઠ્યું સ્ટેડિયમ

શ્રીલંકાની ટીમ ભારત સામે માત્ર 50 રનમાં ઓલઆઉટ

એશિયા કપ 2023ની ફાઇનલમાં શ્રીલંકાની ટીમ ભારત સામે માત્ર 50 રનમાં ઓલઆઉટ થઈ ગઈ હતી. કોલંબોમાં રમાયેલી આ મેચમાં પ્રથમ બેટિંગ કરવા ઉતરેલી શ્રીલંકાની ટીમ 15.2 ઓવરમાં માત્ર 50 રન જ બનાવી શકી હતી. આ મેચમાં પણ મોહમ્મદ સિરાજે 6 વિકેટ પોતાના નામે કરી હતી. તેણે 7 ઓવરમાં 21 રન આપીને 6 વિકેટ લીધી હતી અને મેડન ફેંકી હતી.