સફળતા / દુશ્મનો થરથરશેઃ ભારતે પૃથ્વી-2 બેલેસ્ટિક મિસાઇલનું કર્યું સફળ પરીક્ષણ, જાણીલો ખાસિયતો

• પૃથ્વી-2 બેલેસ્ટિક મિસાઇલનું સફળ પરીક્ષણ
• પૃથ્વી-2ની મારક ક્ષમતા 300 કિમી
• હથિયાર લઇ જવામાં છે સક્ષમ

DRDO દ્વારા વિકસિત પૃથ્વી-2 બેલેસ્ટિક મિસાઇલ પહેલાથી સ્ટ્રેટેજિક ફોર્સેજ કમાન્ડનો ભાગ છે. રક્ષા મંત્રાલયના અનુસાર, ચાંદીપુરમાં ઇન્ટેગ્રેટેડ ટેસ્ટ રેન્જ(ITR)થી સપાટીથી સપાટી પર હુમલો કરનારી મિસાઈલનું પરીક્ષણ બુધવાર સાંજે અંદાજિત 7:30 વાગ્યે કરાયું હતું. મંત્રાલયે એક નિવેદનમાં કહ્યું કે, મિસાઇલ એક સિદ્ધ પ્રણાલી છે અને ખુબ ઉચ્ચ સ્તરની સટીકતા સાથે લક્ષ્યને ભેદવામાં સક્ષમ છે.

પૃથ્વી-2ની મારક ક્ષમતા 300 કિમી
જણાવી દઇએ કે આ પહેલા ઓડિસાના બાલાસોર કિનારે જ આ મિસાઇલનું પરીક્ષણ કરવામાં આવ્યું હતું. આ પરીક્ષણ પણ સફળ રહ્યું હતું, જેણે તમામ માપદંડો પ્રાપ્ત કરી લીધા હતા. માહિતી અનુસાર, સપાટીથી સપાટી પર હુમલો કરનારી આ મિસાઇલ પરમાણુ હથિયાર લઇ જવામાં સક્ષમ છે. પૃથ્વી-2, એક સ્વદેશમાં વિકસિત પરમાણુ-સક્ષમ મિસાઇલ છે, જેની મારક ક્ષમતા 350 કિમી છે. આ પોતાની સાથે શસ્ત્ર લઇ જવામાં પણ સક્ષમ છે અને જુડવા એન્જિન દ્વારા સંચાલિત છે.

હથિયાર લઇ જવામાં છે સક્ષમ
ઉલ્લેખનીય છે કે પૃથ્વીની સપાટી પર હુમલો કરનારી શૉર્ટ રેન્જ બેલેસ્ટિક મિસાઇલ છે. પૃથ્વી-2 મિસાઇલ 500-1000 કિલોગ્રામ સુધી શસ્ત્ર લઇ જવામાં સક્ષમ છે અને તેના 2 એન્જિન પ્રવાહી ઈંધણથી ચાલે છે. દેશમાં વિકસિત થયેલી આ મિસાઇલ 150થી 600 કિલોમીટર સુધી નિશાન ભેદી શકે છે. પૃથ્વી સીરીઝની ત્રણ મિસાઇલ છે. પૃથ્વી-1, પૃથ્વી-2, પૃથ્વી-3. તેની મારક ક્ષમતા ક્રમશઃ 150, 350 અને 600 કિલોમીટર સુધી છે.