નેશનલ / બાયડન બોલ્યા- ભારત મારા માટે સૌથી મહત્વપૂર્ણ દેશ, એરિક ગાર્સેટીએ કહ્યું ઈતિહાસમાં પહેલીવાર USAના રાષ્ટ્રપતિ કોઈ દેશ માટે આવું બોલ્યા

• 40 લાખ લોકો અમેરિકાની 1 ટકા વસ્તીમાં 
• પરંતુ ટેક્સના મામલામાં છે 6 ટકાની ભાગીદારી 
• બાયડન બોલ્યા- ભારત મારા માટે સૌથી મહત્વપૂર્ણ દેશ

અમેરિકાના રાષ્ટ્રપતિ જો બાયડન ભારતને સૌથી મહત્વનો દેશ માને છે. ભારતમાં અમેરિકાના નવા રાજદૂત એરિક ગાર્સેટીએ એક કાર્યક્રમમાં આ વાત કહી. તેમણે જણાવ્યું કે ઈતિહાસમાં એવું કોઈ અમેરિકી રાષ્ટ્રપતિએ ક્યારેય નથી કહ્યું. તેમણે અમેરિકામાં રહેતા ભારતીય સમુદાય અને બન્ને દેશોની વચ્ચે સંબંધને પણ ખૂબ વખાણ્યા છે. 

ઈડિયાસ્પોરા G20 ફોરમ પર ગાર્સેટીએ જણાવ્યું કે બાયડને તેમને દુનિયામાં ભારતના મહત્વ વિશે જણાવ્યું છે. તેમણે કહ્યું, "જ્યારે તેમણે મને અહીં આવવા માટે કહ્યું તો મને તેમણે કહ્યું કે આખી દુનિયામાં આ દેશ મારા માટે સૌથી જરૂરી છે. મને લાગે છે કે બન્ને દેશોના ઈતિહાસમાં ક્યારેય પણ કોઈ અમેરિકી રાષ્ટ્રપતિએ આવી વાત નહીં કહી હોય."

40 લાખ લોકો અમેરિકાની 1 ટકા વસ્તી 
ભારતીય સમુદાયને લઈને ગાર્સેટીએ કહ્યું કે 40 લાખ લોકો અમેરિકાની 1 ટકા વસ્તી છે. પરંતુ ટેક્સમાં તેમની ભાગીદારી 6 ટકા છે. તેમણે કહ્યું, "ફોર્ચ્યૂન 500 CEOsના 10 ટકામાં તે છે." સંબોધન વખતે અમેરિકી રાજદૂતે પોતાના ભારતમાં રહેવાના સપના પર વાત કરી અને જણાવ્યું કે તે બૌદ્ધ શિક્ષા માટે ભારત આવવાના હતા. 

તેમણે બોઘગયામાં રહેવાની યોજના વિશે જણાવ્યું. તેમણે કહ્યું, "પરંતુ રાજનીતિ આગળ આવી ગઈ. મને છાત્ર પરિષદમાં પસંદ કરવામાં આવ્યો અને મેં વચન આપ્યું હતું કે હું સેવા કરીશ. એવામાં મારા ભારતમાં રહેવાનું સપનું તુટી ગયું. પરંતુ બ્રહ્માંડની પાસે લોકો અને સપનાઓને જોડવા માટે એક અજીબ રીત છે. હવે જ્યારે રાષ્ટ્રપતિ બાઈડને મને અહીં આવવા માટે કહ્યું તો અચાનક મેં પોતાનું સપનું જીવવાનું શરૂ કરી દીધુ."