ઓનલાઇન ગેમિંગ બિલ / Dream11, પોકરબાઝી, ઝુપી અને MPL બંધ, યુઝર્સના પૈસા કોણ પાછા આપશે?

ઓનલાઈન ગેમિંગ પ્રમોશન અને નિયમન બિલ 2025 પસાર થઈ ગયું છે. આ પછી, ભારતમાં વાસ્તવિક પૈસાથી ચાલતા ગેમિંગ ઉદ્યોગમાં ખળભળાટ મચી ગયો છે. મોટા ગેમિંગ પ્લેટફોર્મ્સે તેમની પૈસાથી ચાલતી ગેમ્સ તાત્કાલિક બંધ કરી દીધી છે. જો કે, આ એપ્સ હજુ પણ એપ સ્ટોર અને ગૂગલ પ્લે સ્ટોર પર ઉપલબ્ધ છે. ડ્રીમ11, પોકરબાઝી અને MPL જેવા પ્લેટફોર્મ્સે તેમની વેબસાઇટ પર લખ્યું છે કે સરકારના આ પગલા પછી, તેઓને પોતાનો વ્યવસાય બંધ કરવાની ફરજ પડી છે. આ કંપનીઓએ વપરાશકર્તાઓને ખાતરી આપી છે કે તેમના દ્વારા રોકાણ કરાયેલા પૈસા 100% સુરક્ષિત છે અને કંપની તેને પરત કરશે.

આ 10 કંપનીઓને ભારે નુકસાન થશે

સરકારના આ પગલાની સીધી અસર ભારતની ટોચની RMG એપ્સ પર પડશે. આમાં Dream 11, Games 24X7, MPL, Gameskraft, WinZO, Zupee, Junglee Games, Head Digital Works અને Pokerbaaziનો સમાવેશ થાય છે. આ બધા પ્લેટફોર્મ દેશમાં રિયલ મની ગેમિંગનું સંચાલન કરી રહ્યા છે. ઓનલાઈન ગેમિંગ બિલ પસાર થયા પછી, તેઓ હવે સટ્ટાબાજી અને જુગાર રમી શકશે નહીં. વાસ્તવમાં, આ કંપનીઓ પોતાને કૌશલ્ય-આધારિત રમતો તરીકે પ્રમોટ કરી રહી છે, પરંતુ વાસ્તવમાં, આ રિયલ મની ગેમિંગ છે જેને સટ્ટાબાજી અને જુગારની શ્રેણીમાં રાખવામાં આવી છે.

નવા કાયદામાં સ્પષ્ટપણે જણાવાયું છે કે હવે કોઈપણ રિયલ-મની ગેમ , તેના પ્રમોશન અને વ્યવહારને મંજૂરી આપવામાં આવશે નહીં. નિયમો તોડનારાઓ સામે કડક કાર્યવાહી કરવામાં આવશે. કંપનીઓને પણ 1 કરોડ રૂપિયા સુધીનો દંડ અને 3 વર્ષ સુધીની જેલ થઈ શકે છે, જ્યારે પ્રમોટરો પર 50 લાખ રૂપિયા સુધીનો દંડ અને બે વર્ષ સુધીની જેલની જોગવાઈ છે.

આ પણ વાંચોઃ 'મુખ્યમંત્રી હોય કે મંત્રી...', PM-CM વાળા બિલને લઈને શું બોલ્યા વડાપ્રધાન મોદી?

ભારત ગેમિંગ હબ બનશે: પીએમ મોદી

સરકારે એમ પણ કહ્યું છે કે ઈ-સ્પોર્ટ્સ અને સોશિયલ ગેમ્સને પ્રોત્સાહન આપવામાં આવશે અને આ માટે નેશનલ ગેમિંગ કમિશનની રચના કરવામાં આવશે. પીએમ મોદીએ X પર લખ્યું છે કે ભારતને ગેમિંગ હબ બનાવવા માટે કામ કરવામાં આવી રહ્યું છે. સરકાર ઈ-સ્પોર્ટ્સ અને સોશિયલ ગેમિંગ એજ્યુકેશન પર કામ કરશે. નોંધનીય છે કે તાજેતરમાં રિયાધમાં ઈ-સ્પોર્ટ્સ વર્લ્ડકપનું આયોજન કરવામાં આવ્યું હતું જેમાં ભારતીય ટીમે પણ ભાગ લીધો હતો. આ વખતે ૨૦૨૭માં યોજાનારી ઓલિમ્પિકમાં ઈ-સ્પોર્ટ્સને પણ સ્થાન આપવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ