- આજે ભારત અને પાકિસ્તાન વચ્ચે મેચ
- ભારતનો આત્મવિશ્વાસ મજબૂત રહેશે
- ભારતીય ટીમ માટે સુનિલ ગાવસ્કરની ભવિષ્યવાણી
આજે ભારત અને પાકિસ્તાન વચ્ચે મેચ રમાશે. વર્લ્ડ કપમાં ભારતીય ટીમનો રેકોર્ડ પાકિસ્તાન કરતા સારો છે અને ઘરેલુ મેદાન પર રમવાનો ફાયદો રહેશે. સુનિલ ગાવસ્કરે જણાવ્યું કે, ભારત અને પાકિસ્તાનની ટીમ સમાન અંક સાથે મેદાન પર ઉતરશે. પાકિસ્તાનની સરકામણીએ ભારતીય ટીમનું મનોબળ વધુ હશે. ભારતીય ટીમે જે પ્રકારે શરૂઆતની બે મેચ જીતી છે, તેનાથી ભારતનો આત્મવિશ્વાસ મજબૂત રહેશે. ભારતીય ટીમે વર્લ્ડ કપમાં ઓલરાઉન્ડ ખૂબ જ સારું પ્રદર્શન કર્યું છે. બોલરોએ વિપક્ષ ટીમની શાનદાર વિકેટ લીધી છે અને બેટ્સમેનોએ ઓસ્ટ્રેલિયા સામે ધમાકેદાર બેટીંગ કરી છે.
ફીલ્ડિંગમાં સુધારો
ટુર્નામેન્ટ પહેલા ભારતીય ટીમ માટે ફીલ્ડિંગ ચિંતાનો વિષય હતી, હવે તે ટોપ લેવલ પર આવી રહી છે. આ કારણોસર ભારતીય ટીમ સારું પ્રદર્શન કરી છે. ભારતીય ટીમમાં જસપ્રીત બુમરાહની વાપસી થવી તે ફાયદાકારક રહ્યું છે. ભારતીય ટીમ પાસે હવે એવો બોલર છે, જે ઈનિંગમાં ગમે ત્યારે વિકેટ લઈ શકે છે. કુલદીપ, જાડેજા અને હાર્દિક પંડ્યા મહત્ત્વપૂર્ણ રીતે વિકેટ લે છે.
રોહિત અને વિરાટનું પ્રદર્શન
કેપ્ટન રોહિત શર્માએ શાનદાર સદી ફટકારી છે અને વિરાટ કોહલીએ પણ સારું પ્રદર્શન કર્યું છે. રાહુલ ફરી એકવાર શાનદાર બેટીંગ કરી રહ્યા છે. બીજી તરફ પાકિસ્તાનને ઓપનર બેટ્સમેન અને બોલરના કારણે તકલીફ થઈ રહી છે.
પાકિસ્તાનનું પ્રદર્શન
આ મેચમાં અબ્દુલ્લાહ શફીકની સાથે બેટીંગની શરૂઆત કોણ કરશે? શાહીન આફ્રિદી અને હારિસ રઉફ ક્યારે ફોર્મમાં આવશે અને સ્પિનર કેટલા રન આપશે. આ તમામ સવાલ ખૂબ જ પરેશાન કરી દે તેવા છે, જે બાબર આઝમ માટે માથાનો દુખાવો બની રહ્યા છે. રિજવાન અને સઉદ શકીલ સારી બેટીંગ કરી રહ્યા છે, તેથી બેટીંગમાં કોઈ ચિંતા નહીં રહે.
હાર અને જીત વચ્ચે અંતર પેદા કરે છે
પાકિસ્તાને ફીલ્ડિંગમાં સુધારો કરવાનો રહેશે. આ પ્રકારની ટુર્નામેન્ટમાં ફીલ્ડિંગના કારણે હાર અને જીત વચ્ચે અંતર પેદા કરે છે.
