ક્રિકેટ / Ind vs Pak મેચની ટિકિટ વેચવામાં ફાંફા! 50 % પણ ન વેચાઇ, હોઇ શકે છે આ કારણ!

એશિયા કપમાં આગામી 14 સપ્ટેમ્બરે ભારત vs પાકિસ્તાનની મેચ યોજાશે. મોટાભાગે ભારત vs પાકિસ્તાનની મેચની ટિકિટ રાતોરાત વેચાઈ જતી હોય છે પરંતુ આ વખતે ટિકિટ નથી વેચાઈ. દુબઈના ગ્રાઉન્ડમાં રમાનારી આ મેચની ટિકિટો હજુ પણ ઉપલબ્ધ છે. અગાઉ આ ગ્રાઉન્ડ પર  2023માં યોજાયેલી ભારત vs પાકિસ્તાન મેચની ટિકિટ માત્ર 4 મિનિટમાં વેચાઈ ગઈ હતી.

ભારત vs પાકિસ્તાનની મેચના ઇતિહાસમાં આ પહેલી વખત બન્યું છે જ્યારે હજુ સુધી ટિકિટ અનસોલ્ડ રહી છે. કેમ કે, આ મેચનો ક્રેઝ ખૂબ વધુ હોય છે. એક રિપોર્ટમાં કહેવાયું છે કે, લગભગ 50 ટકા ટિકિટ અનસોલ્ડ છે. આનું કારણ બોયકોટ હોઈ શકે છે. લોકો એવું બતાવવા માંગતા હોય કે તેઓ નથી ઇચ્છતા કે, ભારત vs પાકિસ્તાનની મેચ યોજાય. જો કે, હજુ સમય છે એટલે આ ટિકિટ વેચાઈ પણ શકે છે.

આ બોયકોટનું કારણ પહેલગામ આતંકવાદી હુમલો હોઈ શકે છે જેમાં 26 લોકોના મૃત્યુ થયા હતા. ત્યાર બાદ ભારત સરકારે ઓપરેશન સિંદૂર પણ કર્યું હતું. જેમાં એર સ્ટ્રાઈક અને ડ્રોન અટેકથી પાકિસ્તાનને ખૂબ નુકશાન પણ કર્યું હતું. ત્યાર બાદ સીઝફાયર કરવામાં આવ્યું હતું.

એવામાં અમુક લોકો BCCI નારાજ છે કે, તેઓએ પાકિસ્તાન સામેની મેચનો બહિષ્કાર નથી કર્યો. શાયદ આ નારાજગીના કારણે જ હજુ સુધી મેચની તમામ ટિકિટ વેચાઈ નથી. ભારતીય ફેન્સને તે નિર્ણય પસંદ આવ્યો હતો જ્યારે રિટાયર્ડ ટીમે લેજન્ડ્સ લીગમાં પાકિસ્તાન સામે રમવાનો ઇનકાર કરી દીધો હતો.

વધુ વાંચો : 'હું નામ લઇશ તો બિચારા ફસાઇ જશે....', ભારત-પાકિસ્તાન મેચ પૂર્વે આફ્રિદીએ આ શું કહી દીધું?

આ સિવાય અન્ય કારણ એ પણ હોઈ શકે કે, હવે પાકિસ્તાનની ટીમ પહેલા જેવી મજબૂત નથી રહી. પાકિસ્તાનની ટીમ છેલ્લા ઘણા સમયથી ભારત સામે હારતી આવી છે. છેલ્લા 5 વ્હાઇટ બોલ મુકાબલામાં પાકિસ્તાન બધી મેચ ભારત સામે હાર્યું છે. આથી આવી કમજોર ટીમ સામે મેચ જોવાનો ક્રેઝ ઘટ્યો હોઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ