સ્પોર્ટ્સ / IND vs PAK: પાકિસ્તાન ભારત સામે મેચ રમવા તૈયાર, પરંતુ મૂકી આ શરત, જાણો શું

પાકિસ્તાન ક્રિકેટ બોર્ડના નાટક ખતમ થવાનું નામ જ નથી લઈ રહ્યા. T20 વર્લ્ડ કપ 2026 માં યોજાશે.પાકિસ્તાને ભારત સામે મેચ રમવાનો ઇનકાર કર્યો હતો અને હવે સૂત્રોના જણાવ્યા પ્રમાણે PCB એ મેચ માટે શરતો જણાવી છે. પાકિસ્તાની મીડિયા અહેવાલો અનુસાર પાકિસ્તાન ટીમ ફક્ત ત્યારે જ ભારત સામે રમશે જો બાંગ્લાદેશને T20 વર્લ્ડ કપમાં પાછી લાવવામાં આવશે. ભારત અને પાકિસ્તાન વચ્ચેની મેચ 15 ફેબ્રુઆરીએ યોજાવાની હતી પરંતુ PCB એ હવે તે ન રમવાનો નિર્ણય લીધો છે.

બાંગ્લાદેશને ICCએ હાંકી કાઢ્યું

ICC એ બાંગ્લાદેશને T20 વર્લ્ડ કપમાંથી બાકાત રાખ્યું છે કારણ કે ટીમના બોર્ડે અચાનક માંગ કરી હતી કે તેની બધી મેચ ભારતથી શ્રીલંકામાં શિફ્ટ કરવા માંગે છે. BCB એ આ અચાનક માંગ કરી કારણ કે મુસ્તફિઝુર રહેમાનને IPL માંથી બહાર કરવામાં આવ્યા હતા. ICC એ બાંગ્લાદેશની માંગ સ્વીકારી ન હત અને જ્યારે આ મુદ્દા પર મતદાન થયું ત્યારે BCB ને કારમી હારનો સામનો કરવો પડ્યો. આમ છતાં BCB તેની માંગ પર અડગ રહ્યું અને આખરે ICC એ તેને બાકાત રાખ્યું અને સ્કોટલેન્ડને તક આપી.

પાકિસ્તાનનું પોલિટિક્સ

બાંગ્લાદેશના બહાર થયા પછી પાકિસ્તાને આ મુદ્દાને રાજકીય રંગ આપવાનું શરૂ કર્યું. PCB એ તેની સરકાર સાથે આ બાબતે ચર્ચા કરી અને આખરે નિર્ણય લીધો કે પાકિસ્તાન T20 વર્લ્ડ કપમાં રમશે પરંતુ ભારત સામેની મેચનો બહિષ્કાર કરશે.

આ પણ વાંચોઃ ICCએ એ સાબિત કરવું જોઇએ કે..., પાક.ને ICCની ચેતવણી વચ્ચે શાહિદ આફ્રિદીનું મોટું નિવેદન

પાકિસ્તાનના આ પગલા બાદ ICC એ તેને સંભવિત નાણાકીય ફટકા અંગે ચેતવણી આપી છે. પાકિસ્તાન આ વાતથી વાકેફ છે અને એવું માનવામાં આવે છે કે PCB ટૂંક સમયમાં આ મુદ્દા પર યુ-ટર્ન લઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ