ક્રિકેટ / IND vs NEP : ટીમ ઈન્ડિયાએ મેચ શરૂ થતાં ફિલ્ડિંગમાં કર્યો ધબડકો, ઉપરાછાપરી 3 આસાન કેચ છોડ્યા, જુઓ વીડિયો

• ભારત અને નેપાળ વચ્ચેની મેચમાં ઈન્ડિયાની ખરાબ ફીલ્ડિંગ
• 5 ઓવરમાં 3 સરળ કેચ ડ્રોપ કરી દીધાં
• આ કારણોસર નેપાળની ટીમની સારી શરૂઆત રહી

ભારત અને નેપાળની વચ્ચે એશિયા કપની મેચ ચાલી રહી છે. આ મેચમાં ટીમ ઈન્ડિયાનાં કેપ્ટન રોહિત શર્માએ ટોસ જીતીને બોલિંગ કરવાનો નિર્ણય કર્યો છે. આ દરમિયાન ટીમ ઈન્ડિયાની ફીલ્ડિંગ ઘણી ખરાબ જોવા મળી રહી છે. ભારતે મેચની પહેલી 5 ઓવરમાં 3 કેચ ડ્રોપ કરી દીધાં. આ ડ્રોપ કેચને કારણે નેપાળની ટીમને સારી શરૂઆત મળી ગઈ છે. જેના કારણે ટીમ ઈન્ડિયાને નુક્સાન થઈ શકે છે. ફીલ્ડિંગમાં ટીમ ઈન્ડિયાનાં આવા પ્રદર્શન બાદ ફેન્સ સોશિયલ મીડિયા પર પ્લેયર્સને ટ્રોલ કરી રહ્યાં છે.

3 Dropped Catches 😱 #IndvsNep pic.twitter.com/LQOnqv3yEN

— Susanta Sahoo (@ugosus) September 4, 2023

આ ખેલાડીઓએ ડ્રોપ કર્યો કેચ
નેપાળની સામે ટીમ ઈન્ડિયાનાં ખેલાડીઓએ 3 સરળ કેચ ડ્રોપ કરી દીધાં છે. પહેલો કેચ ટીમ ઈન્ડિયાનાં બેસ્ટ ફીલ્ડરોમાંના એક વિરાટ કોહલીએ છોડ્યો. તેમણે મેચની દ્વિતીય ઓવરમાં નેપાળનાં સલામી બેટ્સમેન આસિફનો કેચ ડ્રોપ કર્યો. આ ઓવરમાં શ્રેયસ અય્યરે પણ સલામી બેટ્સમેન કુશળ ભુર્તેલનો કેચ છોડ્યો. આ બંને સરળ કેસ છોડ્યાં બાદ પાંચમી ઓવરમાં ઈશાન કિશને ભુર્તેલનો કેચ ડ્રોપ કરી દીધો. આ ડ્રોપ કેચોનાં કારણે ટીમ ઈન્ડિયાની ફીલ્ડિંગ પર ઘણાં પ્રશ્નો ઊભા થયાં.

આ ખેલાડીઓનું પર્ફોર્મન્સ સારું
નેપાળની સામે સતત 3 કેચ ડ્રોપ કર્યાં બાદ કેપ્ટન રોહિત શર્માએ શાર્દુલ ઠાકુરને બોલિંગ માટે બોલાવવામાં આવ્યાં. શાર્દુલ ઠાકુરે પોતાની પહેલી ઓવરમાં કેપ્ટન રોહિત શર્માને નિરાશ ન કર્યું. તેમણે નેપાળનાં ભૂર્તેલને આઉટ કરી દીધું. આ મેચમાં ભુર્તેલનાં 2 કેચ ડ્રોપ થયાં. ભુર્તેલે 25 બોલ પર 38 રન બનાવ્યાં હતાં.