લોકસભા ચૂંટણી 2024 / રૂપાલા વિવાદમાં હવે વિરોધ અને સમર્થનના પોસ્ટરનો મારો, જુઓ ક્યાં કેવો માહોલ

શાઠોદ ગામમાં ભાજપ કાર્યકરોના પ્રવેશ પર પ્રતિબંધના લાગ્યા બેનર
વડોદરાનાં ડભોઈ તાલુકામાં પરશોત્તમ રૂપાલાનો વિરોધ યથાવત છે. શાઠોદ ગામમાં ભાજપ કાર્યકરોનાં પ્રવેશ પર પ્રતિબંધનાં બેનર લાગ્યા છે.  ગામમાં મુખ્ય પ્રવેશ દ્વાર પર રાજપૂત સમાજે બેનર લગાવ્યું છે. રાજપૂત સમાજ દ્વારા રાજ્યમાં ઠેર ઠેર રૂપાલાનો વિરોધ કર્યો છે. તેમજ રૂપાલાની ઉમેદવારી રદ્દ કરવાની માંગ કરી છે. 

ઓલપાડ અને માંગરોળ તાલુકાના ગામડાઓમાં રૂપાલાનો વિરોધ
સુરતનાં ગ્રામ્ય વિસ્તારમાં રૂપાલાનાં વિરોધમાં બેનર લાગ્યા છે. રૂપાલાની ટિકિટ ન કપાય તો ભાજપને પ્રવેશ નહીનાં બેનર લાગ્યા છે. તેમજ ભાજપનાં કોઈ પણ નેતાને ગામમાં પ્રવેશ ન કરવાના પણ બેનર લગાવવામાં આવ્યા છે. સુરત ગ્રામ્ય વિસ્તારમાં ક્ષત્રિય સમાજની વસ્તી ધરાવતા ગામોમાં બેનર લાગ્યા છે. જેમાં ઓલપાડ અને માંગરોળ તાલુકાનાં ગામડાઓમાં રૂપાલાનો વિરોધ થયો હતો. 

ધ્રાંગધ્રાની પુનિતનગર વિસ્તારમાં રૂપાલાના વિરોધમાં લાગ્યા બેનર
સુરેન્દ્રનગરમાં પરશોત્તમ રૂપાલાનાં વિરોધમાં બેનર લાગ્યા છે. ક્ષત્રિય સમાજનો રુપાલાનં નિવેદનને લઈ આખા રાજ્યમાં વિરોધ જોવા મળી રહ્યો છે. ધ્રાંગધ્રાની પુનિતનગર વિસ્તારમાં રૂપાલાનાં વિરોધમાં બેનર લાગ્યા છે. તેમજ ભાજપનાં આગેવાનો, નેતાઓને વિસ્તારમાં પ્રવેશ નહી કરવાનાં બેનર લાગ્યા છે. 

વધુ વાંચોઃ ગુજરાતમાં આ વિસ્તારમાં ટ્રેનની ઝડપ 40 કિમી રહેશે, જાણો કેમ લેવાયો આ નિર્ણય

'અમે રૂપાલાના સમર્થનમાં છીએ'ના લખાણ સાથેના બેનર્સ લગાવાયા 
સુરેન્દ્રનગરમાં પાટીદાર સમાજ પુરશોત્તમ રૂપાલાનાં સમર્થનમાં આવ્યો છે. સુરેન્દ્રનગરમાં પરશોત્તમ રૂપાલાનાં સમર્થનમાં ટિકિટ રદ્દ ન કરવા બેનર લાગ્યા છે. 'અમે રૂપાલાનાં સમર્થનમાં છીએ' ના લખાણ સાથેના બેનર્સ લગાવાયા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો