નિર્ણય / ગુજરાતમાં આ વિસ્તારમાં ટ્રેનની ઝડપ 40 કિમી રહેશે, જાણો કેમ લેવાયો આ નિર્ણય

જૂનાગઢમાં સિંહોનાં કમોત અટકાવવા બેઠક મળી હતી. જૂનાગઢ ખાતે રેલવે અને વન વિભાગની બેઠક મળી હતી. પીપાવા લીલીયા વચ્ચે ટ્રેનને ઓચી સ્પીડે દોડાવાશે. 100 કીમીની ઝડપને બદલે હવે 40 કિ.મી.ની સ્પીડે ટ્રેન ચાલશે.  આ રેલવેનો ટ્રેક સિંહો માટે ગોઝારો સાબિત થઈ રહ્યો છે. અનેક સિંહોએ આ ટ્રેક પર જીવ ગુમાવ્યા છે. ટ્રેકની આસપાસ 50 થી વધુ એલઈડી સોલાર લાઈટ પણ લગાવવામાં આવશે. તેમજ અન્ય રાજ્યનાં અભ્યારણ્યોમાં ચાલીત ટ્રોનની એસઓપીનો અભ્યાસ થશે. બેઠકમાં નક્કી થયા મુજબની SOP હાઈકોર્ટમાં રજૂ કરાશે. 

હાઇકોર્ટની ફટકાર બાદ મળી હતી રેલવે અને વન વિભાગની બેઠક 
ગીરનાં જંગલમાં સિંહના અકુદરતી મોત અટકાવા આખરે મહત્વનો નિર્ણય લેવામાં આવ્યો છે. જેમાં પીપાવાવ-લીલીયા વચ્ચે દોડતી માલગાડીઓની ઝડપ ઘટાડાશે. ટ્રેનની ઝડપ 100 નાં બદલે 40 કિ.મી. પ્રતિ કલાક કરવાનો નિર્ણય લેવાયો છે. ટ્રેકની બંને બાજુ સોલાર એલઈડી લાઈટ લગાવવાનો નિર્ણય પણ બેઠકમાં કરવામાં આવ્યો છે. હાઈકોર્ટની ફટકાર બાદ રેલવે વિભાગની મહત્વની બેઠક મળી હતી. જંગલમાંથી પસાર થતી ટ્રેનની અડફેટે અનેક સિંહનાં મોત થઈ ચૂક્યા છે. હાઈકોર્ટ જાહેર હિતની અરજીની સુનાવણી દરમ્યાન રેલવે વિભાગને નોટિસ આપી હતી. રેલવે વિભાગ અને વન વિભાગે હાઈકોર્ટની ફટકાર બાદ એસઓપી બનાવી છે. 

વધુ વાંચોઃ અમદાવાદમાં પોલીસ જવાન તો સુરેન્દ્રનગરમાં બે લોકોનું થયું હાર્ટ ફેલ, તંત્ર ચિંતિત

ડાલામથ્થા પર અકુદરતી ખતરો

• 2022થી 2023 દરમિયાન 13 સિંહના અકુદરતી મોત 
• 2023થી 2024 દરમિયાન 16 સિંહના અકુદરતી મોત 
• છેલ્લા 2 વર્ષમાં ગીરના જંગલમાં 184 સિંહના મોત 
• 2017માં ગીરના જંગલમાં 80 સિંહના મોત થયા 
• વર્ષ 2016માં 104 સિંહ મોતને ભેટ્યા 
• જંગલમાંથી પસાર થતી માલગાડીની અડફેટે મોતને ભેટી રહ્યા છે સિંહ 
• ટ્રેક પર રાત્રે પૂરઝડપે પસાર થતી માલગાડી બની રહી છે ઘાતક 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો