બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 07:38 AM, 17 July 2026
FOLLOW ON
શેર કરો
1/6
ભારતીય હવામાન વિભાગ (IMD)એ 17 જુલાઈના રોજ ઉત્તર પ્રદેશ, બિહાર, હિમાચલ પ્રદેશ, ઉત્તરાખંડ સહિત દેશના 17 રાજ્યોમાં હળવાથી ભારે વરસાદની ચેતવણી જાહેર કરી છે. વિભાગના જણાવ્યા મુજબ આ સમયગાળા દરમિયાન 40થી 80 કિલોમીટર પ્રતિ કલાકની ઝડપે ભારે પવન ફૂંકાઈ શકે છે અને અનેક વિસ્તારોમાં વાવાઝોડા સાથે વીજળી પડવાની પણ શક્યતા છે. ઉત્તર-પશ્ચિમ બંગાળની ખાડી અને તેની નજીકના ઓડિશા-પશ્ચિમ બંગાળના દરિયાકાંઠે સર્જાયેલા ઓછા દબાણના ક્ષેત્રને કારણે આગામી સાત દિવસ દરમિયાન પૂર્વ ભારત, ઉત્તરપૂર્વ ભારત અને પશ્ચિમ હિમાલય વિસ્તારમાં વરસાદનું જોર વધવાની આગાહી કરવામાં આવી છે.
આ તસવીર શેર કરો
2/6
IMDના જણાવ્યા અનુસાર ઉત્તર-પશ્ચિમ બંગાળની ખાડી અને તેની નજીકના ઉત્તરી ઓડિશા-પશ્ચિમ બંગાળના દરિયાકાંઠે સર્જાયેલો ઓછા દબાણનો વિસ્તાર હવે વધુ મજબૂત બની સ્પષ્ટ નીચા દબાણના ક્ષેત્રમાં ફેરવાયો છે. આગામી બે દિવસમાં આ સિસ્ટમ ઉત્તર ઓડિશા અને પશ્ચિમ બંગાળના ગંગાના મેદાનો તરફ આગળ વધે તેવી શક્યતા છે. તેના કારણે હિમાચલ પ્રદેશ, ઉત્તરાખંડ, પંજાબ, હરિયાણા, મધ્ય પ્રદેશ, દિલ્હી, ગુજરાત, પશ્ચિમ બંગાળ, આસામ, બિહાર, ઝારખંડ, ઉત્તર પ્રદેશ, મહારાષ્ટ્ર સહિત કુલ 17 રાજ્યોમાં ભારે વરસાદની ચેતવણી જાહેર કરવામાં આવી છે.
આ તસવીર શેર કરો
3/6
દિલ્હીમાં 17થી 19 જુલાઈ દરમિયાન આકાશ વાદળછાયું રહેશે. 17 જુલાઈએ મહત્તમ તાપમાન 39 ડિગ્રી અને લઘુત્તમ 28 ડિગ્રી સેલ્સિયસ રહેવાની ધારણા છે, જ્યારે 18 જુલાઈથી વાવાઝોડા સાથે વરસાદ શરૂ થવાની શક્યતા છે. ઉત્તર પ્રદેશમાં આજે વારાણસી, ગાઝીપુર, જૌનપુર, ચંદૌલી, ગોરખપુર, દેવરિયા, કુશીનગર, બસ્તી, સંત કબીર નગર, સિદ્ધાર્થનગર અને મહારાજગંજ સહિતના જિલ્લાઓમાં વરસાદ પડી શકે છે. 19થી 22 જુલાઈ દરમિયાન પૂર્વ અને પશ્ચિમ ઉત્તર પ્રદેશમાં કેટલાક વિસ્તારોમાં ખૂબ જ ભારે વરસાદ સાથે વીજળી અને વાવાઝોડાની ચેતવણી આપવામાં આવી છે.
આ તસવીર શેર કરો
4/6
બિહારમાં 17થી 22 જુલાઈ દરમિયાન વ્યાપક વરસાદની સંભાવના છે. 17 જુલાઈએ બાંકા અને પશ્ચિમ ચંપારણમાં, જ્યારે 18 જુલાઈએ પટણા, નાલંદા, જહાનાબાદ, ગયા, રોહતાસ, ઔરંગાબાદ અને અરવલમાં ભારે વરસાદની આગાહી છે. આ સમયગાળા દરમિયાન 30થી 50 કિલોમીટર પ્રતિ કલાકની ઝડપે પવન ફૂંકાઈ શકે છે. બીજી તરફ રાજસ્થાનમાં 16થી 22 જુલાઈ દરમિયાન તૂટક વરસાદ અને 20થી 22 જુલાઈ દરમિયાન વાવાઝોડા સાથે ભારે પવનની શક્યતા છે. ઝારખંડમાં પણ 17થી 22 જુલાઈ દરમિયાન વ્યાપક વરસાદ, 40થી 60 કિમી પ્રતિ કલાકની ઝડપે પવન અને વીજળી પડવાની ચેતવણી આપવામાં આવી છે.
આ તસવીર શેર કરો
5/6
હિમાચલ પ્રદેશમાં 17 જુલાઈએ વરસાદ અને 18થી 22 જુલાઈ દરમિયાન વ્યાપક વરસાદની આગાહી કરવામાં આવી છે. 19થી 22 જુલાઈ દરમિયાન કેટલાક વિસ્તારોમાં ખૂબ જ ભારે વરસાદ પડી શકે છે. ઉત્તરાખંડમાં પણ 17થી 22 જુલાઈ સુધી વરસાદ ચાલુ રહેવાની સંભાવના છે અને 18થી 21 જુલાઈ દરમિયાન ભારેથી અતિ ભારે વરસાદ પડી શકે છે. જમ્મુ-કાશ્મીરમાં 17 જુલાઈથી વરસાદ શરૂ થશે, જ્યારે 19થી 22 જુલાઈ દરમિયાન ભારેથી અતિ ભારે વરસાદ, 40થી 60 કિલોમીટર પ્રતિ કલાકની ઝડપે પવન અને વાવાઝોડાની શક્યતા વ્યક્ત કરવામાં આવી છે.
આ તસવીર શેર કરો
6/6
ગુજરાતમાં આજે હળવાથી મધ્યમ વરસાદી માહોલ રહેવાની શક્યતા છે. ભારતીય હવામાન વિભાગ (IMD) મુજબ રાજ્યના અનેક વિસ્તારોમાં વાદળછાયું વાતાવરણ રહેશે અને દક્ષિણ ગુજરાત તેમજ સૌરાષ્ટ્રના કેટલાક જિલ્લાઓમાં હળવાથી મધ્યમ વરસાદ પડી શકે છે. અમદાવાદમાં આજે સામાન્ય રીતે વાદળછાયું આકાશ સાથે હળવા વરસાદની શક્યતા છે, જ્યારે સુરત, વલસાડ, નવસારી, ડાંગ અને આસપાસના વિસ્તારોમાં વરસાદી પ્રવૃત્તિ ફરી સક્રિય બની છે. સૌરાષ્ટ્રના દરિયાકાંઠાના વિસ્તારોમાં પણ હળવા વરસાદની સંભાવના છે. આગામી દિવસોમાં ચોમાસાની ગતિવિધિ વધુ સક્રિય બનવાની શક્યતા હોવાથી રાજ્યના કેટલાક વિસ્તારોમાં વરસાદનું જોર વધે તેવી આગાહી કરવામાં આવી છે
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
