પ્લાસ્ટિક સામે ઝુંબેશ / અમદાવાદમાં જાહેરમાં ગંદકી કરી તો દુકાનને લાગશે ખંભાતી તાળું! ગોતાની ટાઇલ્સ-પ્લાયવૂડનો શૉ-રૂમ સીલ, પાવતી પણ ફાટી

• ગોતાની ટાઇલ્સ-પ્લાયવૂડની દુકાનને તંત્ર દ્વારા ‘સીલ’ મરાયું
• જાહેરમાં ગંદકી કરવા બદલ એએમસીની કડક કાર્યવાહિ
• પ્રતિબંધિત પ્લાસ્ટિકનો જથ્થો જપ્ત કરી રૂ. પર,૭૦૦નો દંડ વસૂલ્યો

મ્યુનિસિપલ કોર્પોરેશનના સત્તાવાળાઓ દ્વારા શહેરમાં સતત પ્રતિબંધિત પ્લાસ્ટિક સામે ઝુંબેશ ચાલી રહી છે. આ ઝુંબેેશ હેઠળ તંત્ર દરરોજ પ્રતિબંધિત પ્લાસ્ટિકના વપરાશ, વેચાણ, સંગ્રહ અને ઉત્પાદન કરતા એકમો સામે આકરાં પગલાં ભરી રહ્યું છે. આ ઉપરાંત જાહેરમાં ગંદકી ફેલાવતા એકમો વિરુદ્ધ સીલિંગ સહિતની કડક કાર્યવાહી કરવામાં આવી રહી છે. ગઈ કાલે ઉત્તર-પશ્ચિમ ઝોનના ગોતા વોર્ડમાં સત્તાવાળાઓએ ટાઈલ્સ-પ્લાયવુડની એક દુકાનને તાળાં મારતાં જાહેરમાં ગંદકી કરતા એકમોમાં ભારે ફફડાટ ફેલાઈ ગયો છે.

ઉત્તર ઝોન સોલીડ વેસ્ટ મેનેજમેન્ટ વિભાગ દ્વારા ગંદકી ફેલાવતા/પ્રતિબંધિત પ્લાસ્ટિક/પેપર કપનો ઉપયોગ કરતા એકમો/ઇસમો સામે આજરોજ કરવામાં આવેલી કડક કાર્યવાહી
-02 એકમ સીલ
-32 એકમને નોટીસ
-₹30,200/-દંડ વસૂલ
નોંધ:જાહેર જનતાના હિતમાં આગામી દિવસોમાં આ કાર્યવાહી વધુ સઘન અને કડક કરવામાં આવશે. pic.twitter.com/S0JMhg4wvc

— Amdavad Municipal Corporation (@AmdavadAMC) June 26, 2023

ગંદકી-ન્યૂસન્સ કરતા ધંધાકીય એકમોનું રોજેરોજ સઘન ચેકિંગ હાથ ધરાયું
ઉત્તર-પશ્ચિમ ઝોનના સોલિડ વેસ્ટ મેનેજમેન્ટ વિભાગ દ્વારા ઝોનના તમામ વોર્ડમાં આવેલા જાહેર રોડ પર ગંદકી-ન્યૂસન્સ કરતા ધંધાકીય એકમોનું રોજેરોજ સઘન ચેકિંગ હાથ ધરાયું છે, જે દરમિયાન સોલિડ વેસ્ટ મેનેજમેન્ટ રૂલ્સનું ઉલ્લંઘન કરતા એકમો વિરુદ્ધ જીપીએમસી એક્ટ   અને પબ્લિક હેલ્થ બાયલોઝ હેઠળ કડક કાર્યવાહી કરવામાં આવી રહી છે.

ગંદકી ફેલાવવાના મામલે કસૂરવાર ઠરાવી તેમની દુકાનને  તાળાં માર્યાં
ગઈ કાલે સોલિડ વેસ્ટ મેનેજમેન્ટ વિભાગે ગોતા વોર્ડના સ્મશાન રોડ પર આવેલી જય સ્વામિનારાયણ સેનેટરી ટાઈલ્સ અને પ્લાયવુડ નામની દુકાનના સંચાલકને જાહેર રોડ પર ગંદકી ફેલાવવાના મામલે કસૂરવાર ઠરાવી તેમની દુકાનને  તાળાં માર્યાં હતાં. 

પ્રતિબંધિત પ્લાસ્ટિકનો જથ્થો જપ્ત કરીને સત્તાવાળાઓએ રૂ. પર,૭૦૦નો દંડ વસૂલ્યો
તંત્ર દ્વારા શાકભાજી વેચતા ફેરિયા, પાનના ગલ્લા, ચાની કીટલી વગેરે ધંધાર્થીઓ સામે પેપરકપ અને પ્રતિબંધિત પ્લાસ્ટિકના સંદર્ભમાં પણ સઘન ચેકિંગ હાથ ધરાઈ રહ્યું હોઈ આ તમામ બાબતો માટે કુલ ૭૪ જેટલા એકમો તપાસવામાં આવ્યા હતા, જે દરમિયાન આ પ્રકારના કૃત્ય બદલ ૩૭ એકમને તંત્રે નોટિસ ફટકારી હતી તેમજ સાડા દસ કિલો   પ્રતિબંધિત પ્લાસ્ટિકનો જથ્થો જપ્ત કરીને સત્તાવાળાઓએ રૂ. પર,૭૦૦નો દંડ વસૂલ્યો હતો.

સત્તાવાળાઓએ પ્રતિબંધિત પ્લાસ્ટિકના વપરાશ, વેચાણ, સંગ્રહ અને ઉત્પાદન કરતા એકમો સામે લાલ આંખ કરી હોઈ તાજેતરમાં શહેરમાં સંપન્ન થયેલી ૧૪૬મી ઐતિહાસિક રથયાત્રા બાદ તેના રૂટ પર પ્રતિબંધિત પ્લાસ્ટિકનો કચરો પ્રમાણમાં ઓછો જોવા મળ્યો હતો, જે તંત્રની ધાક દર્શાવે છે.