SHORT & SIMPLE / યુવકને રાત્રે સપનું આવ્યું, બાદમાં એ જ જગ્યાએ ખોદકામ કરતા મળી આવી માતાજીની મૂર્તિ! ચોંકાવનારા દાવાથી સૌ કોઇ આશ્ચર્યચકિત

• અરવલ્લીના ભિલોડામાં ખોદકામ દરમિયાન માતાજીની મળી મૂર્તિ
• યુવાનને સપનું આવ્યા બાદ ખોદકામ કરતા મૂર્તિ મળ્યાનો દાવો  
• મહાકાળી માતાજીની મૂર્તિ મળી આવતા ભક્તોની ભીડ 

અરવલ્લીનાં ભીલોડામાં ખોદકામ દરમ્યાન માતાજીની મૂર્તિ મળી આવી હતી. ત્યારે યુવાનને સપનુ આવ્યા બાદ ખોદકામ કરતા મૂર્તિ મળ્યાનો દાવો કરવામાં આવી રહ્યો છે. મહાકાળી માતાજીની મૂર્તિ મળી આવતા ભક્તોની ભીડ જોવા મળી હતી. મોટી સંખ્યામાં ભક્તો દર્શન કરવા પહોચ્યા હતા. મૂર્તિ સ્થળ પર મંડપ બાંધ ભક્તો માટે દર્શનની વ્યવસ્થા કરાઈ હતી. 

માતાજીની મૂર્તિ મળી આવતા લોકો દર્શનાર્થે ઉમટ્યા
આ બાબતે ડામોર અશોકભાઈએ જણાવ્યું હતું કે, મહાકાળી માતાનો પરચો આવેલો. જેમાં માતાજીએ કહેલ તમે અહીંયા ખોદકામ કરશો તો મારૂ અસ્તિત્વ મળી આવશે. તે અસ્તિત્વ મળી આવવાથી લોકો દર્શન કરવા આવી રહ્યા છે. સોમવારે પરચો આવેલો અને માતાજીનાં કહેવાથી મંગળવારે ખોદકામ કરેલું અને માતાજીએ કહ્યું હતું કે આટલા અંતરે મારી મૂર્તિ આવશે. અને તમને દર્શન કરાવીશ તેવો માતાજીએ આદેશ કરેલો હતો.