જાણવા જેવું / હવેથી કઇ ટિકિટ પર લાગશે કેટલો ચાર્જ? કેન્સલેશનના નિયમોમાં ફેરફાર, જાણો

ભારતીય રેલવેમાં રોજ કરોડો યાત્રી મુસાફરી કરે છે. તેમાંથી મોટી સંખ્યામાં લોકો આરક્ષિત કોચમાં સફર કરે છે. એટલે કે ટિકિટ બુક કરાવીને ટ્રાવેલ કરે છે. આ દરમિયાન એવું પણ થાય છે કે ઘણા લોકોની ટિકિટ કન્ફર્મ નથી થઈ શકતી. વેટિંગમાં જ રહી જાય છે તો ઘણા લોકોની ટિકિટ RACમાં થઈ જાય છે.

તેમાં ગણી ટિકિટ લોકો કેન્સલ કરાવી દે છે. આ ટિકિટોના કેન્સલેશનથી પણ રેલવેને કરોડોનો ફાયદો થાય છે. કારણ કે રેલવે આ ટિકિટો પર કેન્સલેશન ચાર્જ વસુલે છે. જેનાથી પણ કરોડોની કમાણી થઈ જાય છે. પરંતુ હવે રેલવેએ પોતાના કેન્સલેશન ચાર્જમાં ફેરફાર કરી દીધો છે. જેનાથી સામાન્ય માણસને ફાયદો થશે. આવો જાણીએ શું છે નવા ચાર્જ.

હવે કેન્સલેશન ચાર્જ રહેશે આટલો

ભારતીય રેલવે દ્વારા હવે વેટિંગ ટિકિટ અને આરએસી ટિકિટના કેન્સલેશનમાં લાગતા એક્સ્ટ્રા ચાર્જને ખતમ કરી દેવામાં આવ્યો છે. એટલે કે જો તમારી ટિકિટ હવે વેટિંગમાં છે કે RAC છે અને તમે તેને કેન્સ કરાવવા માંગો છો તો તેને કેન્સલ કરતી વખતે તમારે કોઈ બીજો એક્સ્ટ્રા ચાર્જ નહીં ચુકવવો પડે. તેના માટે હવે 60 રૂપિયા ચાર્જ ફિક્સ કરી દેવામાં આવ્યો છે.

વધુ વાંચો: જ્યાં ફરવાની સાથે-સાથે મળે છે નોકરીનો બેસ્ટ અવસર, બસ કરવું પડશે આ નિયમોનું પાલન

જો તમે સ્લીપર ક્લાસની ટિકિટ બુક કરાવી છે જેને તમે કેન્સલ કરાવવા માંગી રહ્યા છો તો તેના માટે તમારે 120 રૂપિયા કેન્સલેશન ચાર્જ કપાશે. આ રીતે જો થર્ડ એસીની ટિકિટને તમે કેન્સલ કરાવી રહ્યા છો તો તમને 180 રૂપિયા કેન્સલેશન ચાર્જ આપવો પડશે. સેકેન્ડ એસીમાં 200 રૂપિયા ચાર્જ કરી દેવામાં આવ્યો છે. તો ત્યાં જ ફર્સ્ટ એસીમાં હવેથી કેન્સલેશન ચાર્જ 240 રૂપિયા લાગશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો