તમારા કામનું / બધાની બહુ વાતો માની છતાં નથી વધી રહી માઇલેજ? તો કરો આ છેલ્લું કામ, ફાયદો મળશે જોરદાર

• કારનુ માઈલેજ વધારવુ હોય તો શું કરશો?
• બધી ટીપ્સ અપનાવ્યાં બાદ ના વધ્યું માઈલેજ તો શું કરશો?
• કારને કંપનીના ઓથોરાઈજ્ડ સર્વિસ સેન્ટર પર બતાવો

કાર માઈલેજને વધારવા શું કરશો? 

હાલમાં દેશના ઘણા ભાગમાં પેટ્રોલના ભાવ 100 રૂપિયાથી વધુ છે. જો કે, અમુક જગ્યાએ 100 રૂપિયાથી ઓછા ભાવે પેટ્રોલ વેચાઈ રહ્યું છે, પરંતુ તેની કિંમત 100 રૂપિયાની નજીક જ છે. આવો હાલ પણ ડીઝલનો છે. ડીઝલ અને પેટ્રોલ વચ્ચેના ભાવનુ અંતર ઘણુ ઘટી ગયુ છે. ડીઝલ દેશના મોટાભાગના રાજ્યોમાં 90 રૂપિયાની નજીક અથવા પછી તેનાથી વધુની કિંમતે વેચાઈ રહ્યું છે. એવામાં જો કારનુ માઈલેજ ઘટી જાય તો તેના માટે ડબલ પરેશાની થઇ શકે છે. કારણકે તે પહેલા મોંઘુ ફ્યુલ ખરીદશે અને પછી આ ફ્યુલમાં કાર માઈલેજ પણ ઓછી આપશે.

બધી ટીપ્સ અપનાવ્યાં બાદ પણ કારનુ માઈલેજ વધ્યું નહીં તો શું કરશો? 

પેટ્રોલના ભાવ ઘટાડવા એ સામાન્ય નાગરિકોના હાથમાં નથી. પરંતુ કારનુ માઈલેજ વધુ શ્રેષ્ઠ કરી શકાય છે. જેના માટે લોકો અનેક પ્રકારની ટીપ્સ પણ અપનાવતા હશે. જેમકે સમય મુજબ કારની સર્વિસ કરવી, ઓવરલોડિંગ ના કરવુ, રફ ડ્રાઈવિંગ ન કરવુ, સમાન સ્પીડ પર ક્રૂજ કરવુ વગેરે. આ બધુ સારું પણ છે. પરંતુ આ બધુ કર્યા બાદ જો કોઈ વ્યક્તિની કારની માઈલેજ સારી ના થઇ તો તે શું કરે? 

તમારી કારને સર્વિસ સેન્ટર પર બતાવો 

આવા લોકોએ સૌથી પહેલા તો પોતાની કારને કંપનીના ઓથોરાઈજ્ડ સર્વિસ પર સેન્ટર બતાવવી જોઈએ કે આખરે તેમની કાર માઈલેજ કેમ ઓછુ આપી રહી છે. ત્યારબાદ જો સર્વિસ સેન્ટરવાળા કોઈ મિકેનિકલ અથવા ટેકનિકલ ખામી બતાવે તો તેને તાત્કાલિક સરખી કરાવી લો અને પછી ચેક કરો કે કાર કેટલુ માઇલેજ આપી રહી છે. જો ત્યારબાદ પણ તમે પોતાની કારના માઇલેજથી સંતુષ્ટ નથી તો પછી તમારી પાસે એક અંતિમ ઉપાય બચે છે. 

સારી ક્વોલિટીનુ પેટ્રોલ કારમાં નખાવી શકો છો

આ ઉપાય પેટ્રોલનો છે. તમે સારી ક્વોલિટીનુ પેટ્રોલ કારમાં નખાવી શકો છો. જેમકે તમે ઈન્ડિયન ઑઈલના પંપ પર એકસ્ટ્રા પ્રીમિયમ પેટ્રોલ જોયુ હશે. એચપીના પેટ્રોલ પંપ પર પાવર પેટ્રોલ જોયુ હશે. BPCLના પંપ પર સ્પીડ અને સ્પીડ 97 પેટ્રોલ જોયુ હશે. આ બધુ સામાન્ય પેટ્રોલની સરખામણીએ વધુ સારી ક્વોલિટીનુ પેટ્રોલ હોય છે. એવુ કહેવાય છે કે તેનાથી માઈલેજ વધે છે અને એન્જિન સારું ચાલે છે. તમે તેને ટ્રાય કરી શકો છો.