- બોલિવૂડમાં આ એક્ટર્સ અભિનયથી શરૂઆત કરી પણ ફ્લોપ ગયા
- ત્યારબાદ અભિનયનો માર્ગ છોડીને ફિલ્મ ડાયરેક્ટર- પ્રોડ્યુસર બન્યા
ફ્લોપ એક્ટર- હિટ ડાયરેક્ટર- પ્રોડ્યુસર, બોલિવૂડમાં એવા ઘણા કલાકારો છે જેમણે એક્ટર્સ તરીકે પોતાની કારકિર્દીની શરૂઆત કરી પણ અભિનયમાં તે સ્થાન હાંસલ કરી શક્યા નહીં જેના માટે તેઓ સપના સાથે ઇન્ડસ્ટ્રીમાં આવ્યા હતા. અભિનેતા તરીકે દર્શકોના દિલમાં સ્થાન ન બનાવી શક્યા પછી આ કલાકારોએ અભિનયનો માર્ગ છોડીને ફિલ્મ ડાયરેક્ટર- પ્રોડ્યુસરનો માર્ગ અપનાવ્યો.
અભિનયમાં નિષ્ફળતા બાદ ફિલ્મ ડાયરેક્ટર અને પ્રોડ્યુસર બન્યા
આજે અમે તમને એવા 5 બોલિવૂડ કલાકારો વિશે જણાવીએ જેમણે અભિનયમાં નિષ્ફળતા બાદ ફિલ્મ ડાયરેક્ટર અને પ્રોડ્યુસરની જવાબદારી સંભાળી અને આ ક્ષેત્રમાં ઘણું નામ કમાવ્યું. આ લિસ્ટમાં એવા ઘણા કલાકારોના નામ પણ સામેલ છે જે બોલિવૂડના ફેમસ ફેમિલી સાથે જોડાયેલા છે.
અરબાઝ ખાન
સલમાન ખાનના નાના ભાઈ અરબાઝ ખાને પણ પોતાના મોટા ભાઈના પગલે ચાલતા અભિનેતા તરીકે ડેબ્યુ કર્યું હતું. પરંતુ સલમાનની જેમ ફિલ્મોમાં સફળતા ન મળતા તેણે પ્રોડક્શનની દુનિયામાં હાથ અજમાવ્યો અને ઘણું નામ કમાવ્યું.
અતુલ અગ્નિહોત્રી
આ યાદીમાં બીજા સ્થાને સલમાન ખાનના સાળા અતુલ અગ્નિહોત્રી છે. તેણે વર્ષ 1993માં ફિલ્મ 'સર'થી બોલિવૂડમાં એન્ટ્રી કરી હતી. તે પછી તે અન્ય બે ફિલ્મોમાં પણ અભિનેતા તરીકે જોવા મળ્યો હતો, પરંતુ અતુલ તેની કોઈપણ ફિલ્મથી દર્શકો પર ખાસ અસર છોડી શક્યો ન હતો. અભિનયમાં ફ્લોપ થયા બાદ તે દિગ્દર્શન તરફ વળ્યો અને ઘણી કમાણી કરી.
પૂજા ભટ્ટ
મહેશ ભટ્ટની દીકરી પૂજા ભટ્ટ હાલમાં જ 'બિગ બોસ ઓટીટી'માં જોવા મળી હતી. અભિનેત્રીએ આ રિયાલિટી શોથી ઘણી હેડલાઈન્સ બનાવી હતી. પૂજા ભટ્ટે 1989માં 17 વર્ષની ઉંમરે ફિલ્મ 'ડેડી'થી અભિનયની શરૂઆત કરી હતી. પરંતુ તે અભિનેત્રી તરીકે પોતાને સ્થાપિત કરી શકી નથી.
જેકી ભગનાની
'યંગિસ્તાન' અને 'ફાલતુ' જેવી ફિલ્મોથી ફેમસ થયેલા એક્ટર જેકી ભગનાની ફિલ્મોમાં ખાસ ઓળખ તો નથી બનાવી શક્યા, પરંતુ આ અભિનેતાએ પોતાની જાતને એક સફળ નિર્માતા તરીકે સ્થાપિત કરી છે. તેણે 'સરબજીત' અને 'બેલ બોટમ' જેવી ફિલ્મો બનાવી છે.
આફતાબ શિવદાસાની
આ યાદીમાં છેલ્લું નામ 'મસ્તી' ફેમ અભિનેતા આફતાબ શિવદાસાનીનું છે. તેણે ચાઈલ્ડ એક્ટર તરીકે ઈન્ડસ્ટ્રીમાં પ્રવેશ કર્યો હતો. પરંતુ એક્ટિંગમાં ફ્લોપ સાબિત થયા બાદ તેણે પ્રોડક્શનનો રસ્તો પણ અપનાવ્યો.
