તૈયાર રહેજો / ખેતરો પાણીમાં ડૂબશે, નદી-નાળા છલકાશે, અંબાલાલની ખેડૂતોને ચેતવતી આગાહી

હવામાન નિષ્ણાત અંબાલાલ પટેલની આગાહી વરસાદને લઇને આગાહી સામે આવી છે.. તેમણે કહ્યું કે વરસાદ લાવે તેવી ઘણી બધી સિસ્ટમ એકસાથે સક્રિય થઇ રહી છે તેથી આગામી દિવસોમાં રાજ્યમાં વરસાદી માહોલ જામેલો રહેશે.. અંબાલાલે કહ્યું કે 18 તારીખથી વરસાદની મોટી સિસ્ટમ આવશે જેનાથી વરસાદનું જોર વધશે.. 18 થી 20માં તેમણે ભારે વરસાદની સંભાવના વ્યક્ત કરી ..

અંબાલાલે કહ્યું કે કોઇ-કોઇ ભાગોમાં 8 થી 10 ઇંચ જેટલો વરસાદ થશે.. નિચાણવાળા વિસ્તારમાં રહેતા લોકોને કાળજી રાખવા તેમણે સૂચન કર્યું.. તેમણે એમ પણ કહ્યું કે ખેતરો પણ પાણી-પાણી થઇ જશે. તેમણે ખેડૂતોને પાણીના નિકાલ માટે પાવડા તૈયાર રાખવા કહ્યું ..અંબાલાલે 20 થી 25 તારીખ સુધીમાં અનરાધાર વરસાદની સંભાવના વ્યક્ત કરી છે. અંબાલાલે કચ્છ, પોરબંદર અને જામનગરના ભાગોમાં ભારે વરસાદની સંભાવના વ્યક્ત કરી છે

આ પણ વાંચોઃ લાંબા વિરામ બાદ ફરી જામ્યો વરસાદી માહોલ, ગુજરાતના 142 તાલુકાઓમાં મેઘ મહેર

આજે એટલે કે જન્માષ્ટમીના દિવસે સવારે છ વાગ્યાથી લઇને રાત્રિના 8 વાગ્યા સુધીમાં 183 તાલુકામાં વરસાદ નોંધાયો છે.. અને આજના દિવસમાં સૌથી વધુ વરસાદ જુનાગઢના ભેંસાણમાં પોણા ચાર ઇંચ નોંધાયો છે.કુલ 11 તાલુકામાં 2 ઇંચથી વધારે વરસાદ નોંધાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ