સ્વાસ્થ્ય / ભૂલથી પણ શરીરમાં આ લક્ષણો દેખાય તો સમજી લેવું, કે વિટામીનની છે ઊણપ

જ્યારે શરીરમાં કોઈપણ વિટામિનની ઉણપ   થાય ત્યારે અનેક સમસ્યાઓ થઇ શકે છે. અનહેલ્થી લાઇફસ્ટાઇલ  અને આહારમાં બેદરકારીને કારણે વિટામિનની ઉણપની સમસ્યા થાય છે. બોડીમાં વિટામિન્સની ઉણપ હોય ત્યારે આપણું શરીર આપણને તે વિશે ચેતવણી સંકેતો આપે છે, જેને આપણે અવગણીએ છીએ. જો આ સંકેતને યોગ્ય સમયે ઓળખી કાઢવામાં આવે તો આપણે વિટામિન્સની ઉણપને દૂર કરી અનેક સમસ્યાઓથી પોતાને બચાવી શકીએ છીએ. ચાલો જાણીએ કે જ્યારે વિટામિનની ઉણપ હોય ત્યારે શરીર આપણને કયા સંકેતો આપે છે.

• વાળ ખરવા
  આપણે વાળ ખરવાને ફક્ત સુંદરતા સાથે જોડીએ છીએ પરંતુ તે શરીરમાં વિટામિનની ઉણપનું પણ સંકેત હોઈ શકે છે. જો તમારા વાળ વધુ પડતા ખરી રહ્યા હોય તો તે વિટામિન B7 (બાયોટિન) ની ઉણપને કારણે હોઈ શકે છે. બાયોટીનના અભાવે વાળ નબળા પડી જાય છે અને વાળ ખરવા લાગે છે.
  
• થાક
  જો તમે પૂરતી ઊંઘ લઈ રહ્યા હોય છતા દિવસભર થાક લાગે છે તો તે વિટામિનની ઉણપ હોઈ શકે છે. મોટાભાગે તે વિટામિન બી અને ડીની ઉણપને કારણે થાય છે. વિટામિન બી કોમ્પ્લેક્સ એનર્જી પ્રોડક્શનમાં ખૂબ જ મહત્વની ભૂમિકા ભજવે છે. એ રીતે વિટામિન ડી કેટલાક હોર્મોન્સને કંટ્રોલ કરે છે. તેની ઉણપને કારણે અસંતુલન થઈ શકે છે અને થાક લાગે છે.
  

• છાલા
  મોઢામાં વારંવાર ચાંદા પડવા કે હોઠની કિનારીઓ ફાટવી એ વિટામિન બીની ઉણપની નિશાની છે. વિટામિન B2, 3 અને 12 ટિશ્યૂ રિપેર કરવા અને સ્કિનને હેલ્થી રાખવામાં મદદ કરે છે. આથી તેની ઉણપને કારણે ત્વચા ડ્રાય થઈ જાય છે અને ફટવા  લાગે છે તથા ઘા પણ ધીમે ધીમે રૂઝાય છે.
  
• શરીરમાં દુખાવો
  જો તમને તમારા હાડકાં અને સ્નાયુઓમાં સતત દુખાવો રહેતો હોય ખાસ કરીને રાત્રે, તો તે વિટામિનની ઉણપ હોઈ શકે છે. વિટામિન ડીની ઉણપને કારણે હાડકાં નબળા પડી જાય છે અને દુખાવો થવા લાગે છે.આ સિવાય તેની ઉણપ સ્નાયુઓને પણ નબળા પાડે છે. આમ હાડકા અને સ્નાયુઓમાં દુખાવો વિટામિન ડીની ઉણપની નિશાની હોઈ શકે છે.
  

વધુ વાંચો : સ્વાસ્થ્ય મંત્રાલયે જણાવ્યાં 10 સંકેત, જો-જો આને ઇગ્નોર કરતા, નહીંતર થઇ જશો TBના શિકાર

• વારંવાર બીમાર પડવું
  વિટામિન્સની ઉણપને કારણે રોગપ્રતિકારક શક્તિ નબળી પડવા લાગે છે. જેનાથી શરદી અને ખાંસી જેવા ઇન્ફેક્શન તમને સરળતાથી પોતાનો શિકાર બનાવે છે. જો તમે વારંવાર અને સરળતાથી બીમાર પડો છો તો તે વિટામિન સી અને ડીની ઉણપ હોઈ શકે છે.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ