ઝેરી ઠંડુપીણું / ખતરનાક.! આરોગ્યનું દુશ્મન છતાં પણ 28 વર્ષમાં 16% વધ્યું કોલ્ડ ડ્રિંક્સનું વેચાણ, સ્ટડીમાં હેરાન કરે મૂકે તેવો ખુલાસો

• ગ્લોબલ ડાયટરી ઈન્ડેક્સમાં જાહેર કરાયા આંકડા
• સ્થૂળતા અને હૃદયની બિમારીઓની ભીતિ
• લોકો આવી ચેતવણી ગણકારતા નથી

સોડા ડ્રિંકસને શરીર માટે ઝેર માનવામાં આવે છે. મોટાભાગના લોકો તેના ગેરફાયદા જાણતા હોય છે છતાં પણ ગ્લોબલ ડાયટરી ઈન્ડેક્સમાં જાહેર કરાયેલા આંકડાઓ જોતાં એમ કહી શકાય કે સોફ્ટ ડ્રિંકનું માર્કેટ ખૂબ વિકસી રહ્યું છે. આ ઇન્ડેક્સ 3 ઓક્ટોબરના રોજ બહાર પડાયું હતું. નિષ્ણાતોએ સૌથી પહેલા ઇન્ડેક્સ બહાર પાડતી વખતે ચેતવણી આપી છે કે આ પીણાંમાં મોટી માત્રામાં ખાંડ હોવાથી તે સ્થૂળતા અને હૃદયની બિમારીઓ ઉભી કરી શકે છે. જોકે આંકડા પરથી કહી શકાય છે લોકો આવી ચેતવણી ગણકારતા નથી. 

ટેક્સ વધારવાની હિમાયત

ઘણા દેશોએ આવા સોડા પીણાં પર ટેક્સ વધારવાની હિમાયત કરી છે. પરંતુ માર્કેટિંગ અને મોટી કંપનીઓની લોબીએ આને અમલી બનવા દીધું નથી. નિષ્ણાતોના મતે, જો તમે દરરોજ સરેરાશ 350 મિલી કોલ્ડ ડ્રિંક્સ પીતા હોવ, તો તમારા સ્વાસ્થ્ય ખર્ચ પર દરરોજ લગભગ 10 રૂપિયાનો વધારાનો બોજ પડશે.

સોફ્ટ ડ્રિંક્સ આસાનિથી ઉપ્લબ્ધ
1990 અને 2018 વચ્ચેના અભ્યાસ અને મૂલ્યાંકન પરથી ફલિત થાય છે કે લેટિન અમેરિકન દેશોમાં ઠંડા પીણાં ખૂબ પીવાઈ છે. જે સૌથી વધુ દેશની યાદીમાં પ્રથમ છે. ડેટા અનુસાર સરેરાશ એક વ્યક્તિ અઢી ગ્લાસ કોલ્ડ ડ્રિંક ગટગટાવી જાય છે. ભારત પણ આમાં સામેલ છે. જ્યારે લેટિન અમેરિકા અને આફ્રિકન દેશોમાં લોકો 7 ગ્લાસથી વધુ સોડા ડ્રિંકનું સેવન કરી રહ્યા છે. નિષ્ણાંતોનું માનીએ તો અનેક એવા પણ દેશ છે જયાં લોકોને શુદ્ધ પાણી મળવું મુશ્કેલ છે અને તેનો ભાવ પણ ખૂબ હોય છે. જ્યારે આવા સ્થળોએ પણ સોફ્ટ ડ્રિંક્સ આસાનિથી ઉપ્લબ્ધ થઈ શકે છે.

આવો છે દાવો
દક્ષિણ એશિયાના દેશોમાં પણ ઠંડા પીણાની માંગ વધી છે. જેની સરખામણીએ ભારત, ચીન અને બાંગ્લાદેશમાં ઠંડા પીણાનો વપરાશ મર્યાદિત એટલે કે અડધા ગ્લાસથી પણ ઓછો છે. આજના શહેરના લોકો, ભણેલાગણેલ લોકો, યુવાનોમાં જાણે ઠંડા પીણાનો ક્રેઝ જોવા મળી રહ્યો છે. હાલમાં બાળકોમાં આ પીણાં પર એક અલગ અભ્યાસ હાથ ધરવામાં આવી રહ્યો છે. જો આપણે દેશો પર નજર કરીએ તો મેક્સિકો (8.9), ઇથોપિયા (7.1), અમેરિકા (4.9) અને નાઇજીરિયા (4.9) સોડા ઠંડા પીણાં વધુ પીવે છે.