મનામણા / દિલ્હીથી ફોન આવતા જ હકુભાએ હઠ છોડી? રિવાબાના પ્રચારમાં પડખે રહેશે, આપ્યા મહત્વના સંકેત, જુઓ જામનગર ઉત્તરનો ખેલ

• જામનગરમાં ભાજપના ડેમેઝ કન્ટ્રોલને લઈને મોટા સમાચાર
• ભાજપ હાઈકમાન્ડ પૂર્વ મંત્રી હકુભા જાડેજાને મનાવવામાં સફળ
• દિલ્લીથી ફોન આવતા હકુભા માની ગયાઃ સૂત્રો

ગુજરાત વિધાનસભાની ચુંટણીને લઇને 166 ઉમેદવારોની સત્તાવાર જાહેરાત કરી દીધી છે. જેમાં ઉમેદવાર પસંદગીને લઇને અનેક સ્થળોએ ભાજપના કાર્યકરો અને નેતાઑમાં વિરોધ ઉઠ્યો છે. ત્યારે જામનગરમાં ભાજપના ડેમેઝ કન્ટ્રોલને લઈને મોટા સમાચાર સામે આવી રહ્યા છે. હકુભાને બદલે જામનગર ઉત્તર બેઠક પર ક્રિકેટર રવીન્દ્ર જાડેજાના પત્ની રિવાબાને ટિકિટ અપાઈ છે. આથી હકુભા નારાજ થયા હતા. 

ટિકિટ કપાતા હકુભા અને સમર્થકો નારાજ થયા હતા
હકુભાએ પોતાના સોશિયલ મડિયા પરથી ભાજપના ખેસ સાથેને ફોટો પણ હટાવી દીધો હતો. ટિકિટ કપાતા હકુભા અને સમર્થકો નારાજ થયા હતા. ત્યારબાદ આ  નારાજગીને લઇને ભાજપ હાઈકમાન્ડ પૂર્વ મંત્રી હકુભા જાડેજાને મનાવવામાં સફળ રહ્યું હોવાનું સૂત્રો પાસેથી જાણવા મળી રહ્યું છે.  દિલ્લીથી ફોન આવતા હકુભા માની ગયા હોવાનું સૂત્રો જણાવી રહ્યા છે. હકુભાએ આજે ફરી જૂનું ભાજપનું DP રાખી દીધું છે અને હકુભા ઉમેદવારી ફોર્મ ભરવા સમયે અને પ્રચારમાં સાથે રહેશે. તેવી માહિતી મળી રહી છે.

રિવાબાએ ગાયત્રી યજ્ઞ કરી કાર્યાલય ખુલ્લું મૂક્યું
જામનગર ઉત્તર બેઠકના ભાજપના ઉમેદવાર રિવાબા જાડેજાએ ગાયત્રી યજ્ઞ કરી કાર્યાલય ખુલ્યું મુક્યું છે. પોલીસ હેડ કવાર્ટર સામે મઘ્યસ્થ કાર્યાલય ખુલ્લું મૂકવામાં આવ્યું છે. આવતીકાલે રિવાબા રેલી કરી પોતાનું ઉમેદવારી ફોર્મ ભરશે. મોટી સંખ્યામાં લોકો રેલીમાં જોડાશે. જે કલેકટર કચેરી ખાતે પહોંચશે. આ રેલીમાં ક્રિકેટર રવિન્દ્ર જાડેજા પણ જોડાઇ શકે તેવી શક્યતા છે.